Subiaco Ovaal

in Wikipedia, die vrye ensiklopedie
Spring na: navigasie, soek
Subiaco Ovaal
Domain-stadion
Foot australien.JPG
Die Subiaco Ovaal tydens 'n Australiese Voetbalwedstryd in 2004
Vorige naam(e) Muellerpark, Patersonsstadion
Ligging Robertsweg, Subiaco, Wes-Australië
Koördinate 31°56′40″S 115°49′48″O / 31.94444°S 115.83000°O / -31.94444; 115.83000Koördinate: 31°56′40″S 115°49′48″O / 31.94444°S 115.83000°O / -31.94444; 115.83000
Eerste sooi gespit 1908
Gebou 1908
Eienaar Wes-Australiese Regering
Operateur Wes-Australiese Voetbalkommissie
Oppervlak Gras
Boukoste 1991 Herbou – AU$45 miljoen
Argitek Verskeie
Tuisveld van Fremantle Dockers (Aussie Rules) (1995–huidig)
Weskus Arende (Aussie Rules) (1987–huidig)
Australiese nasionale voetbalspan (Aussie rules)
Wallabies (Rugby)
Western Force (Rugby) (2006–2009)
Kapasiteit
43 500[1]
Dimensies
Lengte: 175 m
Breedte: 122 m
Doelpale: Oos na wes

Die Subiaco Ovaal (ook Domain-stadion weens borgskapredes[2]), in volksmond ook bekend as Subi, is die grootste sportstadion in Perth, Wes-Australië. Dit is geleë in die voorstad Subiaco, ongeveer drie kilometer van Perth se sentrale sakegebied.

Die Subiaco Ovaal word hoofsaaklik gebruik vir Australiese Voetbalwedstryde en dit is die tuisveld van die Weskus Arende en Fremantle Voetbalklub, die twee Wes-Australiese spanne in die Australiese Voetballiga. Die stadion word ook soms gebruik vir Wes-Australiese Voetballigawedstryde. Die stadion word nie eksklusief vir voetbalwedstryde gebruik nie en ook al 'n paar eindstryde van die Nasionale Sokkerliga, internasionale rugbywedstryde (waaronder wedstryde in die Rugbywêreldbeker 2003) en Internasionale Reëls-wedstryde, en ook 'n paar musiekkonserte, aangebied. In 2006 het dit ook die tuisveld van die Super 14 span in Perth, die Western Force, geword. Die Force het in 2010 na die Perth Ovaal geskuif.

Veldstruktuur[wysig | wysig bron]

Subiaco Ovaal se drie toegeroep staan tydens 'n voetbalwedstryd
Subiaco Ovaal word ingestel vir 'n Super 14-wedstryd in 2006

Die veld is die eerste keer gebou in 1908 op 'n plek met die naam Muellerpark. In 1969 is 'n drievlakpaviljoen aan die weseinde van die stadion gebou en in 1981 is 'n tweevlakpawiljoen voltooi. Verdere herontwikkeling het in 1995 gekom met die opening van 'n nuwe tweevlakkige "ANZ paviljoen" oorkant die vorige twee-vlakkige paviljoen. In 1997 is ligte aangebring. Die laaste herontwikkeling, waardeur paviljoene reg rondom die speelveld aangebring is, is in 1999 voltooi teen 'n koste van AU$35 miljoen.

Die drievlakpaviljoen is die Orr-Simons-Hill-paviljoen genoem ter ere van drie leidende figure in die geskiedenis van die WAFL (toe die WANFL). Dit is tot vroeg in die 1990's op die westelike aansig van die paviljoen vertoon, maar is vervang met die logo van 'n kommersiële borg. Daar is 'n klein gedenkplaat met die oorspronklike naam van die paviljoen by een van dei trappe aangebring en elke vlak het 'n bord op die agtermuur; die grondvlak is die R.W. Hill-paviljoen, die tweede vlak is die W.R. Orr-paviljoen en die derde vlak is die J.J. Simons-paviljoen (Hill was kaptein van die Wes-Perth Voetbalklub in 1940 en '41 en Sekretaris van die WANFL in 1968, Orr was Sekretaris van die WANFL in 1932 en Simons was Sekretaris van dei WANFL van 1904 tot 1915).

Die Subiaco Ovaal het sitplek vir 43 500 mense.[1] Die stadion word verlig deur vier ligtorings. Daar was aanvanklik bekommernis oor die tekort aan die estetiese waarde van die ligte, maas nadat dit geïnstalleer is, is die bekommernisse laat vaar.

Velddimensies[wysig | wysig bron]

In terme van Australiese voetbal is die Subiaco Ovaal die langste veld in die kompetisie en besoekende spanne moet dikwels hul spelpatrone aanpas. Daar word soms na die stadion as die House of Pain verwys omdat baie besoekende spanne hier verloor.[3][4] Meer onlangs het die Weskus Arende en die Fremantle Dockers egter op hul tuisveld begin verloor, wat die bynaam 'n oneer aandoen.

Naamregte[wysig | wysig bron]

In 2003 het die telekommunikasiemaatskappy Crazy John's op kontroversiële wyse probeer om die naamregte van die stadion te koop, maar die bod is deur die raad van Subiaco geweier wat geweier het om advertensieborde buite aan dei stadion aan te rig. In Mei 2005 is 'n nie-kommersiële naamsverandering oorweeg; die voorgestelde naam was "ANZAC Field" en is voorgestel deur die Wes-Australiese Voetbalkommissie. Dit is egter deur Deanne Kelly, Minister vir Veterane Sake, afgeskiet (Anzac is 'n federaal beskermde woord).

'n Panorama-aansig van die Subiaco Ovaal gedurende 'n AFL-wedstryd
'n Panorama-aansig van die Subiaco Ovaal gedurende 'n AFL-wedstryd

Wedstryde[wysig | wysig bron]

Rugbywêreldbeker 2003[wysig | wysig bron]

Hoofartikel: Rugbywêreldbeker 2003.
Datum Span 1 Telling Span 2 Rondte Toeskouers
11 Oktober 2003 Vlag van Suid-Afrika Suid-Afrika 72–6 Vlag van Uruguay Uruguay Groep C 16 906
12 Oktober 2003 Vlag van Engeland Engeland 84–6 Vlag van Georgië Georgië Groep C 25 501
15 Oktober 2003 Vlag van Samoa Samoa 60–13 Vlag van Uruguay Uruguay Groep C 22 020
18 Oktober 2003 Vlag van Suid-Afrika Suid-Afrika 6–25 Vlag van Engeland Engeland Groep C 38 834
19 Oktober 2003 Vlag van Georgië Georgië 9–46 Vlag van Samoa Samoa Groep C 21 507

As 'n plek vir konserte[wysig | wysig bron]

Die Subiaco Ovaal het reeds verskeie konserte aangebied waaronder die volgende:

Weens die stadion se groot ovaal vorm is dit nie 'n geskikte plek om konserte aan te bied nie en die stadion het ook 'n swak akoestiek. Dit word dikwels aangewys as die plek om konserte aan te bied omdat geen ander plekke in Perth groot genoeg is nie.

Verwysings[wysig | wysig bron]

  1. 1,0 1,1 (en) GHD Pty Ltd (Mei 2009) Subiaco Oval: Remaining useful life assessment
  2. (en) Domain takes over as new naming rights sponsor at Subiaco Oval”. WA Today: 9 Februarie 2015. URL besoek op 9 Februarie 2015.
  3. (en) The missing metres in Eagles' push for a flag - News - www.realfooty.com.au
  4. (en) Swans tackle field of screams - AFL - www.smh.com.au
  5. (en) Stratemann, Dr. Klaus (1992). Duke Ellington, Day by Day and Film by Film. Denmark: JazzMedia ApS. p. 662. ISBN 87-88043-34-7. 

Eksterne skakels[wysig | wysig bron]

Commons-logo.svg
Wikimedia Commons het meer media verwant aan: