Suider-Afrikaanse Doeane-unie

in Wikipedia, die vrye ensiklopedie
Jump to navigation Jump to search
Lidlande van die Suider-Afrikaanse Doeane-unie
'n Euler-diagram van Afrika se interregeringsorganisasies

Die Suider-Afrikaanse Doeane-unie, kort SADU (Engels: Southern African Customs Union, SACU), is 'n doeane-unie tussen die Suider-Afrikaanse lande Botswana, Lesotho, Namibië, Suid-Afrika en eSwatini. Dit is in 1910 gestig en die hoofkantoor is in die Namibiese hoofstad Windhoek geleë. Die Suider-Afrikaanse Doeane-unie se amptelike taal is Engels.

Geskiedenis[wysig | wysig bron]

Die Suider-Afrikaanse Doeane-unie is die wêreld se oudste doeane-unie wat nog bestaan.[1] Dit is in 1910[2] deur 'n doeane-unie-ooreenkoms tussen die destydse Unie van Suid-Afrika asook die Hoëkommissarisgebiede Brits-Betsjoeanaland, Basoetoland en Swaziland opgerig. Nadat hierdie gebiede hul onafhanklikheid van die Verenigde Koninkryk bereik het, is die ooreenkoms hersien en, op 11 Desember 1969, met die ondertekening deur Suid-Afrika, Botswana, Lesotho en Swaziland as die SADU herbekendgestel. Die hersiende doeane-unie het amptelik op 1 Maart 1970 in werking getree. Na Namibië se onafhanklikheid van Suid-Afrika in 1990, het dié land die vyfde lidland van die SADU geword. Histories is die SADU met die ooreenkomste van 1910 en 1969 deur Suid-Afrika geadministreer. Die doeane-unie het pligte op plaaslike produksie en doeaneregte ingesamel op lede se invoere van buite die SADU.

Terwyl die Suider-Afrikaanse Doeane-unie op 1 Julie 2006 'n vryhandelsooreenkoms met die Europese Vryhandelsvereniging onderteken het, is die onderhandelinge met die Verenigde State gestaak (soos op 8 Januarie 2008).[3]

Lidlande[wysig | wysig bron]

Lidlande volgens oppervlakte en bevolking[4]
Land Oppervlakte

(km²)

Bevolking
Vlag van Botswana Botswana 582 000 2 024 904
Flag of eSwatini eSwatini 17 363 844 223
Vlag van Lesotho Lesotho 30 355 1 741 406
Vlag van Namibië Namibië 824 268 2 104 900
Vlag van Suid-Afrika Suid-Afrika 1 221 037 56 000 000

Sien ook[wysig | wysig bron]

Verwysings[wysig | wysig bron]

  1. (en) WTO Trade Policy Review: Southern African Customs Union 2003”. Wêreldhandelsorganisasie: 25 April 2003. URL besoek op 30 Desember 2017.
  2. (en) Ali M. El-Agraa, The European Union economics and policies, Ed. Cambridge University Press, Cambridge, 2007, bl. 7.
  3. (en) USTR - Southern African Customs Union Free Trade Agreement Geargiveer 20 April 2009 op Wayback Machine
  4. (en) 3. Population by sex, annual rate of population increase, surface area and density”. pp. 1–2 United Nations Statistics Division. URL besoek op 30 Desember 2017.

Eksterne skakels[wysig | wysig bron]