Susan Gerbic

in Wikipedia, die vrye ensiklopedie
Jump to navigation Jump to search
Susan Gerbic
Susan Gerbic glimlag met 'n swart agtergrond.
Gerbic in 2016

Gebore 1963 (55–56 jaar oud)[1]
Salinas, Kalifornië
Nasionaliteit Verenigde State van Amerika
Ouers Anthony and Tressie Gerbic
Alma mater Staatsuniversiteit in Kalifornië, Monterey Bay
Beroep Portretstudiebestuurder,[1] afgetree Oktober 2016
Bekend vir Wetenskaplike skeptisisme
Skeptiese aktivisme
Guerrilla Skeptics on Wikipedia
Termyn in amp 1982–hede
Webblad abouttimeproject.wordpress.com

Susan Marie Gerbic[2] is 'n Amerikaanse skeptiese aktivis wat in Salinas, Kalifornië woon.[1] Gerbic is die medestigter van Monterey County Skeptics,[3] stigter en leier van die Guerrilla-skeptisime op Wikipedia (GSoW)-projek,[4] ' n gereelde bydraer tot Skeptical Inquirer,[5] en 'n medewerker van die Committee for Skeptical Inquiry.[6] Gerbic het 'n groot deel van haar skeptiese aktivisme toegespits op mense wat beweer dat hulle heldersiende mediums is, soos Sylvia Browne, Tyler Henry en Thomas John, wat sy 'hartseervampiere' noem.[7]

Skeptiese aktivisme[wysig | wysig bron]

Gerbic het grood geword in Salinas, Kalifornië in 'n Suidelike-Baptiste huishouding. Haar belangstelling in paranormale en onkonvensionele onderwerpe het begin toe sy bang gemaak was deur berigte oor spontane ontbranding van die mens, "die idee dat jy in die straat af kan loop en skielik opskiet!"[8] Haar godsdienstige opvoeding was in haar laat tienerjare uitgedaag, het Gerbic aan Skeptical Enquirer-redakteur, Benjamin Radford gesê toe sy die term "ateïs" die eerste keer teëkom. Dit was tydens haar junior-jaar aan die Hoërskool Alisal, danksy een van haar onderwysers, mnr. Borman. "Ek het eendag opgemerk dat hy nooit die gedeelte in die Eed van getrouheid wat verwys na 'onder God' gesê het nie," het sy gesê. "Ek het hom gevra waarom, en hy het gesê dit is omdat hy 'n ateïs was. Ek het nog nooit eens die woord gehoor nie."[9] Wanneer sy uitgevind het daar was ander mense wat die selfde gevoel het as wat sy het gevoel het, het sy alles wat sy kon oor die onderwerp begin lees. [10] In 1996, wa die tydsfkif Skeptical Inquirer deurslaggewend in haar transformasie na 'n wetenskaplike skeptikus.

In 2000 het Gerbic haar eerste konferensie, die Skeptic's Toolbox in Eugene, Oregon, bygewoon.[10] Gerbic het vir Wikipedia begin redigeer na haar ondervindings met drie "Amazing Adventure"-vaarte, wat deur die James Randi Educational Foundation opgestel was, en verskeie van "The Amaz!ng Meetings". Sy wou iets meer proaktief doen, en daarom het sy haar aandag daarop gerig om Wikipedia te redigeer.[11][12] Haar eerste bydrae was 'n foto van Brian Dunning van die "Skeptoid"-potgooi.

Haar werk met die stigting en bestuur van die GSoW het van haar 'n invloedryke lid van die internasionale skeptiese gemeenskap gemaak, wat daartoe gelei het dat sy 'n konsultant vir die Committee for Skeptical Inquiry geword het.[13] In Februarie 2018 het die Center For Inquiry haar as 'n genoot aangestel.[6]

Guerrilla-skeptisisme op Wikipedia[wysig | wysig bron]

Gerbic is die stigter en leier van "Guerrilla Skepticism on Wikipedia" (GSoW), 'n organisasie wat hom toespits op die verbetering van die inhoud op Wikipedia deur artikels te verbeter en te skep wat die ideale van wetenskaplike naturalisme en wetenskaplike sketisisme weerspieël. Tot en met Augustus 2018, het die GSoW-projek meer as 600 Wikipedia-bladsye in verskeie tale geskryf of volledig herskryf, wat gesamentlik meer as 30 miljoen keer gelees is.[9]

Gerbic en Mark Edward het met die naam "Guerrilla Skepticism on Wikipedia" (GSoW) vorendag gekom om skeptiese aktivisme te beskryf wat "meer ondergronds, meer voetsoolvlak, meer molagtig" is.[14] Die idee vir 'n georganiseerde poging kom van Tim Farley af nadat Gerbic gefrustreer is deur tipiese Wikiprojekte, wat hulle slaapend of nie gebruikersvriendelik gevind het nie, veral vir nuwe redakteurs. In plaas daarvan het sy met ander Wikipedia-redakteurs direk gekommunikeer en hulle opgelei deur Facebook of e-pos.[15] Sy verklaar dat die formele begin van GSoW in Mei 2010 is,[16] en tog word sy verjaardag in Junie gevier.[8][17]

Susan Gerbic praat oor "Guerrilla Skepticism on Wikipedia" tydens die 17de Europese Skeptiekongres in Wrocław, Pole.

Belangstelling in die projek het gegroei nadat Gerbic aanbiedings by SkeptiCalcon gedoen het, 'n Sondagkoerant-aanbieding by "The Amaz!ng Meeting" [14] gedoen het, en ook 'n webjoernaal oor die onderwerp geskep het.[18] In 'n onderhoud met Richard Saunders verklaar sy dat hierdie soort projek "'n perfekte storm is, ons sou dit nooit sonder die internet kon doen nie".[19]

Gerbic spandeer baie van haar tyd om die nuwe lede van die uitbreidende span op te lei om basiese take te verrig wat nodig is om die ensiklopedie effektief te redigeer, en onderwerpe so uiteenlopend soos Sciëntologie, VVV's en Entstofhuiwering aan te pak.[15] Sedert sy ontstaan het die GSoW-span gegroei, met WIRED wat in Julie 2018 berig het dat die projek meer as 120 internasionale redakteurs het.[20]

Lede van GSoW word aangemoedig om opmerklike skeptiese of wetenskaplike artikels in die algemene media te identifiseer wat as belangrike verwysings kan dien, en dit dan op enige toepaslike Wikipedia-bladsye te noem. Gerbic noem sulke bewerkings "terugwaartse redigering", wat die omgekeerde is van die meer tipiese proses waar 'n redakteur aan 'n enkele Wikipedia-artikel gaan werk, en dit met verwysings uit baie bronne verbeter.[11][21] GSoW-redakteurs soek na skeptisisme-verwante artikels wat verbeter moet word deur verwysings uit gewilde skrywe, potgooi en ander verwysings te voeg. Hulle sal navorsing deel en andersins onder die span saamwerk. Soms sal hulle onderhoude voer met noemenswaardige persone om die aanhalings en bronne te verbeter.[11] Gerbic het as voorbeeld die Wikipedia-bladsy van die self-belydende psigiese verhoogkunstenaar Sylvia Browne gebruik tydens 'n lesing by "The Amaz!ng Meeting". Sy sê dit wys dat mense wat inligting soek Wikipedia as 'n neutrale, virusvrye, gebruikersvriendelike webwerf verkies. Sy noem dit die Gouelokkies-effek.[14]

Gerbic noem dat die "We Got Your Wiki Back Project!" is 'n gewilde GSoW-subprojek. Die doel van die projek is om die Wikipedia-bladsye van skeptiese woordvoerders te verbeter, veral as dit in die media se oog is en hul Wikipedia-bladsyuitsigte geneig is om te styg.[16] Die bedoeling is dat mense wonderlike, betroubare inligting op Wikipedia moet vind.[22]

In Augustus 2012 het Gerbic begin met die vorming en opleiding van nie-Engelse redakteurs. Vanaf die projek "Kom ons begin met Jerry" word alle spanne gevra om die Engelse Jerry Andrus Wikipedia-bladsy in soveel tale as moontlik te vertaal. Arabiese, Afrikaanse, Nederlandse, Russiese, Spaanse, Sweedse en Portugese artikels is onder haar leiding voltooi.[16]

Gerbic het in 2017 op GSoW by CSICon aangebied

Aan die einde van 2017 het Gerbic Europa getoer met die "About Time Tour" en op baie skeptiese aktiviste-byeenkomste gepraat.[23][24] Tydens hierdie toer was sy 'n gas op Bloomberg-TV Bulgarye, en die onderhoud is gedokumenteer in 'n artikel van 6 Oktober, "Kan ons Wikipedia vertrou?"[25]

Gerbic was 'n toonaangewende spreker by CSICon in 2017, waar sy "Beyond the Choir: The Guerrilla Skepticism on Wikipedia Project (GSoW)" aangebied het, wat fokus op werwing vir die GSoW-span.[26]

Psigiese aktivisme[wysig | wysig bron]

Gerbic fokus baie van haar skeptiese aktivisme op heldersiende mediums, wat sy "hartseervampiere" noem, omdat hulle desperate gesinne soek wat alles sal doen om met hul geliefdes te praat of enigiets sal betaal om hul verlore kind te vind.[7] Gerbic noem die skepitikus Robert S Lancaster as "'n groot invloed op my 'loopbaan' in die skeptise-gemeenskap", en hy het spesifiek haar belangstelling ontlok om mediums se bedrog bloot te stel.[27]

In 'n aanlyn 2018 Skeptical Inquirer artikel, som Gerbic die algemene tegnieke wat selfverklaarde psigiese verhoogkunstenare gebruik, wat wissel van gebruik te maak van hoe die menslike brein inligting verwerk, tot die gebruik van kouelesings- en warmlesingstegnieke.[28]

Sylvia Browne[wysig | wysig bron]

In 2012 het Gerbic en Edward 'n protesoptog teen Sylvia Browne gereël toe sy op 13 Julie daardie jaar in die Imperial Palace Hotel and Casino in Las Vegas verskyn het. Saam met Benjamin Radford, Ross Blocher, Bob Blaskiewitz, Jay Diamond, en ander, het die groep buite die lokaal gestaan en pamflette uitgedeel waarin kouelesingstegnieke beskryf is en 'n paar sogenaamde psigiese voorspellings beskryf wat Browne oor die jare heen gemaak het, wat heeltemal verkeerd is.[29][30][31]

Gerbic se karakter "Susanna" met Chip Coffey in 2014

Chip Coffey[wysig | wysig bron]

In 2014 het Gerbic 'n lokval georganiseer vir die bekende psigiese verhoogkunstenaar Chip Coffey wat sy Operation Bumblebee genoem het. Sy en twee medewerkers het vals identiteite en valse dooie familielede geskep, kompleet met agterverhale en prente (van regte mense wat nog leef), en 'n Coffey-geleentheid in San Jose bygewoon. Die drie het met die deelnemers gemeng voordat die skou begin het, en hulle het soveel gesels as wat hulle kon oor hul "dooie familielede", in die hoop dat sommige van Coffey se assistente dit sou hoor. Tydens die vertoning het Coffey inderdaad lesings gedoen oor elk van die drie en beweer dat hy kontak met elk van die "dooie familielede" gehad het, en het met selfvertroue inligting oor heeltemal vals mense oorgedra, insluitend iets waaroor Gerbic en haar medewerkers voorheen gepraat het voor die skou.[32][33][34][35][36][37]

Tyler Henry[wysig | wysig bron]

In 2015 het die opkomende psigiese verhoogkunstenaar Tyler Henry onder Gerbic se aandag gekom. Henry het 'n nuwe televisieprogram op die E! Netwerk gehad, en Gerbic het opgemerk dat 'n Google-soektog op die program of Henry self, tot meestal gunstige, onkritiese artikels gelei het. In wat sy Operation Tater Tot genoem het,[38] het Gerbic bekende skeptise aktiviste opgeroep om oor Henry te skryf, 'n alternatiewe siening aan te bied en die onkritiese persepsie wat deur die mediadienste aangebied word te balanseer.[7] Die aktiviste wat op Henry gepubliseer het as deel van hierdie operasie, sluit in Sharon Hill,[39] Hemant Mehta,[40] Jerry Coyne,[41] Caleb Lack,[42] Stephen Propatier,[43] en David Gorski.[44]

Begin 2016 het Gerbic ook 'n reeks artikels oor Henry geskryf wat deur Skeptical Inquirer gepubliseer is.[45][38][46][47][48][49][50][51]

Tim Braun[wysig | wysig bron]

In 2015 het Gerbic vir Heather Henderson ingeroep om te help met die opvolg van die Chip Coffey-lokval. Gerbic se span het, sonder Henderson se deelname, verskeie vals Facebook-rekeninge met mekaar verbind, waarvan verskeie mense met bekende psigiese persone "Facebook-vriende" geword het. Dan sou Henderson, wat voorgegee het dat sy die bedroefde moeder van 'n oorlede 13-jarige kind was, 'n privaatlesing van die psigiese verhoogkunstenaar Tim Braun sou kry. Aangesien Henderson nie een van die besonderhede van "haar" Facebook-bladsy geken het nie, sou dit 'n dubbelblinde-toets wees deurdat sy aan Braun geen terugvoering oor sy akkuraatheid kon gee nie, onwillekeurig of andersins. Met toestemming om op te neem, het Henderson 'n uur lank gepraat met Braun, wat beweer dat hy in verbinding was met haar nie-bestaande seuns, man en familie. "Operation Ice Cream Cone", soos Gerbic dit noem, het nie vasgestel dat Braun enige inligting op die vals Facebook-bladsye gebruik het nie, maar elke stelling wat hy aan Henderson gemaak het, was verkeerd.[52][53] Die volledige klankopname van die voorlesing is op YouTube beskikbaar.[54][55]

Thomas John[wysig | wysig bron]

Lifetime-televisie netwerk het n' werklikheids-TV-reeks gelewer wat Seatbelt Psychic genoem is. Dit het die vermeende psigiese verhoogkunstenaar Thomas John as die hoofkarakter, 'n rit-deel-bestuurder wat 'niksvermoedende' passasiers verras as hy boodskappe van hul oorlede familielede lewer.[56][57][58] Die beweerde psigiese vermoëns van John in die konteks van die vertoning is deur Gerbic uitgedaag, want sy het ontdek dat John se passasiers eintlik akteurs is, waarvan verskeie in IMDb gedokumenteer is. Gerbic kom tot die gevolgtrekking dat die passasiers waarskynlik gehuur is om saam met John te ry, maar dat hulle waarskynlik nie opgetree het toe hy met hulle gepraat het nie. Sy het tot die gevolgtrekking gekom dat die besonderhede oor hul lewens wat John genoem het, maklik op sosiale media-bronne gevind is, en waarskynlik aan John gevoer is, wat die lesings eintlik warmlesings maak. Een passasier, Wendy Westmoreland, het 'n karakter gespeel op Stalked by a Doctor, 'n TV-program wat ook deur Lifetime vervaardig is.[59][60]

'Susanna Wilson' (Gerbic) en 'Mark Wilson' (Mark Edward) met niksvermoedende Thomas John na hul 2017-lesing

In Maart 2017 is Thomas John gevang in a warmlesingslokval met die naam "Operation Pizza Roll", wat deur Gerbic en mentalis Mark Edward beplan en geïmplementeer is.[53] Die ongetroude egpaar, Gerbic en Edward, het John se optrede met behulp van skuilname bygewoon en is deur John as 'n getroude paartjie Susanna en Mark Wilson "gelees". Tydens die hele lesing kon John nie daarin slaag om die identiteit van Gerbic en Edward vas te stel nie, of dat hulle bedrieglik was tydens sy leeswerk. Alle persoonlike inligting wat hy aan hulle gegee het, stem ooreen met wat op hul vervalsde Facebook-rekeninge was, eerder as om hul werklike lewens te handhaaf, en John het voorgegee dat hy hierdie inligting van Gerbic en Edward se vermoedelik dooie (maar eintlik nie bestaande) familielede gekry het.[61][62][60][53]

Soos Jack Hitt in The New York Times berig:

"John het in die loop van die lesing die spesifieke aspek van Susanna Wilson se lewe gemaklik neergelê - hy het 'Andy' genoem en het hom verbasend geken as haar tweeling. Hy het geweet dat sy en haar broer in Michigan grootgeword het en dat sy vriendin Maria was. Hy het geweet van Susanna se skoonpa en hoe hy gesterf het."[63]

Hierdie besonderhede is afkomstig van die vervalsde Facebook rekeninge vir die paar wat voor die lesing deur 'n groep skeptici opgestel is, en Gerbic en Edward was nie bewus van die spesifieke inligting in hierdie rekeninge nie. Hierdie verblinding is gedoen om te voorkom dat John later kon beweer dat hy die vals inligting bekom het deur Gerbic en Edward se gedagtes te lees.[61][62] In haar artikel oor hierdie lokval het Gerbic ook aan die lig gebring dat John tydens 'n na-optrede private geleentheid in 'n groepsverband onthul het dat ten minste een van die mense in die gehoor, waarvoor hy 'n lesing gedoen het, eintlik sy eie student was.[61][62][60]

Toe Hitt na John uitreik vir kommentaar, het John daarop aangedring dat hy nie Facebook gebruik nie en gesê: "Ek kan wel onthou dat sy [Gerbic] 'n vertooning bygewoon het ... Ek het haar herken, want sy was daar by die ander man wat die boek geskryf het." Hy het ook aan Hitt gesê: "Ek het my oë toe gehou vir 'n uur en 'n half as ek psiegiese voorlesings doen. As sy in daardie periode gepraat het, kan ek dit nie onthou nie." John het ook aangevoer dat die hele eksperiment nie regtig wetenskaplik genoeg was nie, en gesê: "Vir Susan om vir 'n twee minute-lange lesing to kom en dan te sê: 'Ek het 'n valse boodskap oor my hond, Buddy en my pa wat gesterf het gemaak.' Dit is regtig geen wetenskaplike toetsing van psigiese kragte nie." Hy het bygevoeg, "Eerstens sal iemand 'n wetenskaplike moet wees om 'n wetenskaplike eksperiment te doen, nie iemand wat vroeër 'n fotograaf by Sears was nie."[63] Op die vraag of psigiese verhoogkunstenare hul gedrag sou verander noudat hulle haar metodes geken het, het Gerbic gesê: "Ek hoop dat hulle talle Gerbics in hul gehoor sien elke keer as hulle uitkyk en wonder of ons daar is."[64]

Operasie Pizza Roll is opgesom deur Claus Larsen op SkepticReport.com in 'n artikel met die titel "Is Thomas John 'n regte psigiese persoon? Nie 'n spook van 'n kans nie!", wat ook 'n onderhoud van Gerbic oor die lokval en die nasleep daarvan insluit.[65]

In 'n artikel in Junie 2019 in Skeptical Inquirer met die titel "Thomas John Revisited", berig Gerbic oor die nasleep van die lokval. Dit sluit 'n verslag van 'n "Facebook Live" stroom in, waar John probeer het om sy "paranormale magte" aan aanhangers te bewys na die onthulling van die lokval deur, wat hy beweer, 'n "wetenskaplikbeheerde lesing" van 'n vermeende vreemdeling was, te doen. Gerbic ontleed die opvoering en gee besonderhede oor waarom dit die teenoorgestelde is van wetenskaplikbeheerd is, en beskryf hoe daar weer eens toegang tot Facebook-inligting verkry kon word, ondanks sy versekering van anders. "Een van my spanlede het my 'n lys gegee van al die korrekte inligting wat Thomas John tydens die voorlesing gekry het ... en toe gee my spanlid 'n skermkiekie van die Facebook-bladsye waar sy vroer inligting geplaas het wat dieselfde is as wat Thomas "gelees" het. Ondanks John se bewerings dat "NEE, ek soek nie mense op Google nie. NEE, ek doen nie navorsing oor mense nie. NEE, ek gaan nie na mense se doodsberigte nie. Ek gaan nie op Ancestry.com nie." Gerbic se artikel bevat skermkiekies van John se monitor wat tydens die lewendige stoom opgeneem is. Hierdie foto's bevat gestoorde leeslyste van vorige Google-soektogte, insluitend soektogte na spesifieke individue sowel as vir intelius.com, 'n webwerf wat lui dat dit: "'n vertroulike manier is om mense te vind, sodat u weer kan skakel of meer inligting oor 'n persoon kan kry. Verslae van mense kan telefoonnommers, adresgeskiedenis, ouderdom en geboortedatum, familielede en meer insluit. Vind 'n persoon oor wie u nuuskierig is - soek vandag!"[66]

In 'n artikel in Skeptical Inquirer in Junie 2019 met die titel "I'm Speechless!Thomas John reads KJBK Fox2 Derek Kevrea", het Gerbic berig oor 'n verskyning deur Thomas John op 'n bedags-TV-program waar hy 'n lesing gelewer het aan die weerkundige Derek Kevrea, en beweer dat hy boodskappe van sy oorlede familielid lewer. Kevra se terugvoering was dat wat John vir hom gesê het, akkuraat was. In 'n Facebook-video het Kevra later gesê: "Ek is sprakeloos ... Thomas John het met my oupa gekommunikeer ... Hy het gesê hy is trots op my ... dit is 'n wonderwerk dat ek dit bymekaar gehou het." In haar artikel het Gerbic berig dat sy met 'n bietjie navorsing ontdek het dat die inligting wat verskaf is, op sosiale media en ander bronne beskikbaar was vir John.[67] Wat Kevrea se proklamasie betref, sê Gerbic:

Dit is nie die persoon wat "gelees" word se skuld as hierdie soort dinge gebeur nie ... Opgevang in die oomblik, veral as u kollegas daar sit en sê dat dit waar is, is dit maklik om te sien hoe iemand dit alles kan glo. Boonop is dit lewendige oggend-TV, alles moet gelukkig en lekker wees. Hy moet saamspeel.[67]

In Augustus 2019 het Gerbic "Thomas John Revisited" met 'n ander artikel opgevolg, "Three Parents Reveal The Truth About Psychic Thomas John", wat die nadraai van haar lokval behandel het. Die artikel ondersoek 'n video wat op 24 Maart deur John opgelaai is, kort nadat The New York Times-lokvalartikel verskyn het waarin John "drie treurende vroue" lees, en beweer dat die resultate sy paranormale magte bevestig. In haar artikel doen Gerbic 'n punt-vir-punt-ontleding van hierdie lesings en bied dit as 'n bewys dat die inligting oor die vroue, wie beweer het dat dié 'onmoontlik' was vir John om te weet sonder bonatuurlike hulp, eintlik aanlyn beskikbaar was.[68] Gerbic se gevolgtrekking sluit in:

...as u bewerings maak - soos daardie treurende moeders gedoen het - dat die inligting wat TJ aan hulle gegee het, nêrens op die internet is nie, dan hoop ek dat u twee keer dink. Hierdie "onopspoorbare" inligting is hier gevind en aangebied, en dit kan deur enige iemand gevind word binne 'n paar minute van aanlyn-soek. Dit is nog vinniger as u 'n rekening het op 'n webwerf soos intellus.com - iets wat ons weet TJ het omdat dit op sy rekenaar geboekmerk is.[68]

Matt Fraser[wysig | wysig bron]

Voordat The New York Times 'n berig sou publiseer waarin Gerbic se suksesvolle lokvaloperasie teen Thomas John gedokumenteer is, wou die koerant hê dat een van hul joernaliste deel van 'n ander lokvaloperasie was om van die begin af die hele proses te sien. Dus het Jack Hitt waargeneem wat "Operation Peach Pit" genoem word, 'n lokval soortgelyk aan dié wat teen Thomas John gebruik is. In hierdie geval was die mikpunt Matt Fraser. Volgens Hitt is Fraser "'n jong psigiese verhoogkunstenaar op Long Island wat lyk soos Tom Cruise in die rol van 'n altaarseun. Hy is al jare al bedrywig, het 'n boek geskryf en werk in die Doubletree of Crowne Plaza se agterkamers elke twee of drie dae."[63]

Soos met die Thomas John-lokvaloperasie, is Facebook-rekeninge geskep en gevul met vals data oor vals mense. In Januarie 2018 het die paranormale ondersoeker Kenny Biddle en 'n groep van vyf vriende, wat skuilname gebruik wat ooreenstem met die vervalsde Facebook-rekeninge, Fraser se vertooning by die Valley Forge Casino in King of Prussia, Pennsilvanië bygewoon. Soos Biddle berig het in Skeptical Enquirer:[69]

Alhoewel daar baie aan hierdie operasie gewerk is, het geen van my spanlede 'n "psigiese lesing" gekry nie ... Toe ons uit die teater gaan, het ons die geleentheid gekry om met Fraser te praat na die vertoning. My span en Fraser het gesels oor wie ons was en ons verskillende (vals) redes om na die vertoning te kom. Fraser het ons verhale sonder twyfel aanvaar - selfs terwyl ek gedurig in my kop gedink het "Sê my ek maak dit op ... sê vir my jy weet dat ons vals identiteite gebruik." Helaas, hy het nie.[69]

Biddle het ook gesê: "Ek het hierdie ervaring ondergaan ... gewillig om te sien of daar iets waarlik aan die aansprake van Matt Fraser was ... [maar] dit lyk nie of hy 'n bonatuurlike vermoë demonstreer nie, maar net vinnig praat, om sy kliënte te laat glo dat hy met geeste kan praat." Die New York Times het oor hierdie lokval berig in die selfde artikel waarin hul oor die suksesvolle Thomas John-lokval berig het.[69]

Monterey County Skeptics[wysig | wysig bron]

Gerbic het die Skeptic's Toolbox in Eugene, Oregon in 2002 bygewoon. Ray Hyman, die leier van die gereedskapskis, het haar aangeraai om haar eie plaaslike konferensie te begin. In 2007 het Steve Wheller, 'n ander skeptikus wat in 'n nabygeleë stad gewoon het, haar op die JREF-forum gestuur as gevolg van haar profiel. Saam het hulle Yahoo Groups gebruik om ander eendersdenkende skeptiese aktiviste te vind en so die Monterey County Skeptics (MCS) gevorm.[70]

Die MCS het aan die 'There’s Nothing in it' 10:23-veldtog deelgeneem deur 'n oordosis van homeopatiese tablette te neem. Om die nie-effekte van homeopatie te demonstreer, het Gerbic persoonlik 80 korrels (15 dosisse) Boiron 30C Belladonna gevat.[71] In 2011, tydens SkeptiCal, het Gerbic saam met meer as 100 deelnemers 'n oordosis (15 keer aanbeveel) van homeopatiese caffea cruda, wat gebruik word vir slaperigheid, te neem.[72] Op 3 Januarie 2015 het die Monterey County Skeptics die eerste SkepticCamp in Noord-Kalifornië gehou. Die geleentheid is aangebied deur Mark Edward[70] en was 'n dag van gratis aanbiedings oor skeptisisme, kritiese denke, wetenskap en verwante onderwerpe. In lesings is agt sprekers ingesluit, waaronder Gerbic, wie se aanbieding verslag gedoen het oor 'n ses maande-lange psiegise-lokval.[73] ' n Verslaggewer van Monterey Herald wat die konferensie bygewoon het, het gesê: "SkeptiCamp Monterey 2015, [is] 'n samekoms van mense wat verkies om omtrent alles met 'n knippie sout te neem - en waarskynlik 'n hele paplepel vol."[74]

Die MCS het in Januarie 2017 sy derde jaarlikse "SkeptiCamp Monterey" gehou[75] en dit is gedek deur die Monterey Herald.[76] In die artikel word Gerbic aangehaal: "Dit is ons eerste jaar wat ons regtig wil groei. En dit is die eerste keer dat ons 'n spreker hiervandaan bring en hulle na 'n groter lokaal bring "[76] Sy het verwys na professionele skeptici, skrywer / spreker Benjamin Radford, wat die skrywer van 'Bad Clowns' is en wat 'n verskeidenheid onverklaarbare verskynsels ondersoek het en geskryf het oor 'n wye verskeidenheid onderwerpe wat vir skeptici interessant is.[76] Toe hy praat oor die missie van mense wat belangstel in wetenskaplike skeptisisme in die algemeen en die MCS in die besonder, het Gerbic ook gesê: "Ons is almal op 'n reis om uit te vind wat werklik is, en wetenskaplike skeptisisme is 'n metode om dit uit te vind."[76]

Bevordering van konferensies[wysig | wysig bron]

Susan Gerbic by QEDcon 2014 met Michael Marshall, Eran Segev en Samantha Stein

Die onderwerp van skeptiese konferensiebywoning het baie aandag getrek in Gerbic se tweeweeklikse segmente op die Skeptic Society se Skepticality-potgooi[77] In haar artikel in November 2014 vir Skeptical Inquirer oor die Skeptic's Toolbox, beskryf sy die jaarlikse konferensie wat in Eugene, Oregon gehou is, en bespreek die belangrikheid van konferensiebywoning, met die woorde "ons weet ons beste bate is ons mense."[78]

In Oktober 2015 het Gerbic 'n reeks werkswinkels in Australië aangebied, wat geëindig het met haar verskyning as gasspreker by die Australian Skeptics se konvensie.[79]

Om beide CSICon-geleenthede in 2016 en 2017 te bevorder, het Gerbic 'n onderhoud met baie van die geskeduleerde sprekers gevoer voor die konferensies. Hierdie onderhoude, wat deur die Centre for Enquiry gepubliseer is, was met onder andere Bob Novella, Maria Konnikova, Sheldon W. Helms, Evan Bernstein, Kavin Senapathy, James Alcock, Robert Brotherton, Richard Saunders, Kevin Folta, Natalie Newell, Kenny Biddle, Taner Edis, Britt Hermes, Mark Edward, Craig Foster, Harriet Hall en George Hrab.[80]

Reaksie[wysig | wysig bron]

Voorstanders van alternatiewe medisyne en paranormale eise het kritiek gelewer op Gerbic se skeptiese aktivisme.[81]

In 'n onderhoud met Tim Farley oor die Wikipedia-kontroversie met Deepak Chopra en Rupert Sheldrake het Gerbic verklaar dat sy die frustrasie wat openbare persone moet hê oor Wikipedia-bladsye wat verander sonder hul beheer begryp, maar dat beskuldigings van werwing om redakteurs in 'n spesifieke gebied te werf en op te lei, meestal spruit uit die waninterpretasie van Wikipedia-reëls. 'Wikipedia moet mense bewerk ...' en 'pseudowetenskap' moet goed gestaaf word voordat dit by 'n artikel gevoeg kan word. Skeptici het ook wysigings verwyder as dit nie goed aangehaal is nie. Wikipedia is te belangrik om gevandaliseer te word ... dit is te belangrik vir ons om te ignoreer."[82][83][84][85][86][87]

In Februarie 2015, in 'n artikel vir Skeptic-tydskrif getiteld Considering a Complaint About Skeptical Tactics, het Daniel Loxton die omstredenheid rakende Gerbic se verskeie lokval bedrywighede ondersoek en die menings van voorstanders van skynwetenskappe asook mense in die skeptiese beweging ondersoek.[88] Dit was die eerste van 'n reeks artikels waarin Loxton die groter vrae wat onder die loep geneem was deur Gerbic se geheime lokvalaktiwiteite, ontleed het, naamlik: "Moet vals aansprake op die paranormale gebied geïdentifiseer word en die waarheid daaroor geopenbaar word? En indien wel, watter metodes kan met reg gebruik word om dit te bewerkstellig?"[89]

In reaksie op "Operation Pizza Roll" het Thomas John die metodologie van Gerbic gekritiseer: "Vir Susan om vir 'n lesing van twee minute te kom en dan te sê: 'Ek het 'n valse boodskap gemaak oor my hond, Buddy, en my pa wat gesterf het.' Dit is regtig geen wetenskaplike toetsing van psigiese kragte nie. Eerstens sal iemand 'n wetenskaplike moet wees om 'n wetenskaplike eksperiment te doen, nie iemand wat vroeër 'n fotograaf by Sears was nie."[63]

Toekennings en eerbewyse[wysig | wysig bron]

Gerbic, tussen D. J. Grothe (links) en James Randi (regs), ontvang die James Randi-toekenning vir skeptisisme in die openbare belang op TAM 2013.
James Randi kondig aan dat Susan Gerbic die JREF-prys for 2017 gewen het.

Verwysings[wysig | wysig bron]

  1. 1,0 1,1 1,2 Nordstrand, Dave (Julie 5, 2014). "Staying on the job during cancer treatment". Life. The Californian (in Engels). Salinas, California: Gannett. Geargiveer vanaf die oorspronklike op 30 Augustus 2015. Besoek op 29 Augustus 2015.
  2. Guerrilla Skepticism on Wikipedia | Susan Gerbic (Engels). URL besoek op 7 Julie 2019.
  3. Monterey County Skeptics (Engels). Argief geskep van die oorspronklike op 30 Augustus 2015. URL besoek op 29 Augustus 2015.
  4. Gerbic, Susan (September 2015). “Is Wikipedia a Conspiracy? Common Myths Explained” (in Engels) 5. Besoek op 28 Februarie 2017.
  5. Articles by Susan Gerbic (Engels). Skeptical Inquirer. Committee for Skeptical Inquiry. Argief geskep van die oorspronklike op 30 Augustus 2015. URL besoek op 29 Augustus 2015.,
  6. 6,0 6,1 6,2 Center for Inquiry News: Cause & Effect: The CFI Newsletter - No. 99 (Engels). www.centerforinquiry.net. Argief geskep van die oorspronklike op 8 Februarie 2018. URL besoek op 2018-02-07.
  7. 7,0 7,1 7,2 Grief Vampires Don’t Come Out Only at Night (Engels). www.csicop.org (Januarie 20, 2016). Argief geskep van die oorspronklike op 31 Julie 2016. URL besoek op 2016-02-04.
  8. 8,0 8,1 Gerbic, Susan (Junie 8, 2013). GSoW 2nd Bday video. YouTube (Motion picture) (in Engels). Geargiveer vanaf die oorspronklike op Maart 12, 2016. Besoek op Augustus 29, 2015.
  9. 9,0 9,1 Hale, Mike. The enthusiastic life of a happy skeptic (Engels). Voices of Monterey Bay. Argief geskep van die oorspronklike op 29 Augustus 2018. URL besoek op 29 Augustus 2018.
  10. 10,0 10,1 (Maart 2012) “Skepticism One Wikipage at a Time: Talking with Wikiskeptic Susan Gerbic-Forsyth” (in Engels). Skeptical Inquirer 36 (2): 32–33.
  11. 11,0 11,1 11,2 Balch, Ross (19 Junie 2014). Skeptically Challenged 2014/06/19. Skeptically Challenged (in Engels). Geargiveer vanaf die oorspronklike op 9 Maart 2015. Besoek op 29 Augustus 2015.
  12. Emery, Emery; Henderson, Heather (Julie 10, 2014). Susan Gerbic/Lei Pinter/Nix Dorf (in Engels). Skeptically Yours. Geargiveer vanaf die oorspronklike op 5 Februarie 2016. Besoek op 29 Augustus 2015.
  13. Ten Distinguished Scientists and Scholars Named Fellows of Committee for Skeptical Inquiry (Engels). Skeptical Inquirer. Center for Inquiry. Argief geskep van die oorspronklike op 16 Oktober 2015. URL besoek op 13 Oktober 2015.
  14. 14,0 14,1 14,2 Gerbic, Susan. TAM 9 Guerrilla Skepticism on Wikipedia (Motion picture) (in Engels). Geargiveer vanaf die oorspronklike op 9 Maart 2016. Besoek op 29 Augustus 2015.
  15. 15,0 15,1 Luchtefeld, Jason; Ritchey, Grant (15 Desember 2013). Episode 11. The Prism Podcast (in Engels). The Prism. Geargiveer vanaf die oorspronklike op 3 September 2015. Besoek op 29 Augustus 2015.
  16. 16,0 16,1 16,2 Gerbic, Susan (8 Maart 2015). Wikapediatrician Susan Gerbic discusses her Guerrilla Skepticism on Wikipedia project (Engels). Skeptical Inquirer. Committee for Skeptical Inquiry. Argief geskep van die oorspronklike op Augustus 30, 2015. URL besoek op 13 Januarie 2015.
  17. Gerbic, Susan. Third Bday GSoW (Engels). Argief geskep van die oorspronklike op Julie 5, 2018. URL besoek op Januarie 17, 2015.
  18. Guttormson, Joel (November 5, 2013). Meet the Amazing TAMers: Susan Gerbic (Motion picture) (in Engels). Richard Dawkins Foundation for Reason and Science. Geargiveer vanaf die oorspronklike op 7 Maart 2016. Besoek op 29 Augustus 2015.
  19. Saunders, Richard (Januarie 17, 2014). The Skeptic Zone #274 - 17.Jan.2014 (Engels). The Skeptic Zone. Argief geskep van die oorspronklike op Augustus 30, 2015. URL besoek op Augustus 29, 2015.
  20. Matsakis, Louise (Julie 25, 2018). The 'Guerrilla' Wikipedia Editors Who Combat Conspiracy Theories (Engels). wired.com. Wired. URL besoek op Julie 25, 2018.
  21. Drew (13 Januarie 2014). What Christians Can Learn From Skeptics: Editing Wikipedia (Engels). The Messianic Drew. Argief geskep van die oorspronklike op 30 Augustus. URL besoek op 29 Augustus 2015.
  22. Polich, Kyle. Guerilla Skepticism on Wikipedia with Susan Gerbic (Engels). Data Skeptic. Argief geskep van die oorspronklike op 23 Oktober 2015. URL besoek op 29 Augustus 2015.
  23. Vídeo "Guerrilla Skepticism on Wikipedia" - Susan Gerbic en Escépticos en el Pub Madrid (Engels). Escepticos.es. Escepticos. Argief geskep van die oorspronklike op Julie 5, 2018. URL besoek op 12 Oktober 2017.
  24. Episode #92 (Engels). theesp.eu. The European Skeptics Podcast. “András is now on the road with Susan Gerbic, Mark Edward and Liubomir Baburov, networking across Europe with the 'About Time Tour'.”
  25. Ayvaz, Hulia. Can We Trust Wikipedia? (Engels). Bloombergtv.bg. Bloomberg TV. Argief geskep van die oorspronklike op 6 Oktober 2017. URL besoek op 6 Oktober 2017.
  26. Schedule (Engels). New.centerforinquiry.net. CFI. Argief geskep van die oorspronklike op 21 November 2017. URL besoek op 9 Februarie 2018.
  27. Gerbic, Susan (11 September 2019). Robert S. Lancaster: Februarie 11, 1958 – September 7, 2019 (Engels). Skepticalinquirer.org. Argief geskep van die oorspronklike op 11 September 2019. URL besoek op 11 September 2019.
  28. Gerbic, Susan. Ten Tricks of the Psychics I Bet You Didn’t Know (Engels). CSI. Argief geskep van die oorspronklike op 24 Maart 2018. URL besoek op 23 Maart 2018.
  29. Sturgess, Kylie (16 Julie 2012). Sylvia Browne Welcoming Committee At #TAM2012 (Engels). Token Skeptic. Patheos. Argief geskep van die oorspronklike op 30 Augustus 2015. URL besoek op 30 Augustus 2015.
  30. Edward, Mark. How I Spent My Weekend. SkepticBlog. Skeptic magazine. Argief geskep van die oorspronklike op September 10, 2015. URL besoek op 4 September 2016.
  31. Gerbic, Susan (Julie 13, 2012). Sylvia Browne Las Vegas Protest Julie 13, 2012 (Motion picture) (in Engels). Geargiveer vanaf die oorspronklike op 7 Maart 2016. Besoek op 30 Augustus 2015. Onbekende parameter |datum= geïgnoreer (|date= voorgestel) (help); Onbekende parameter |titel= geïgnoreer (|title= voorgestel) (help)
  32. Walther, Mitchell (Oktober 30, 2014). "Ohlone Professor 'Stings' TV Pschic". Ohlone College Monitor (in Engels). Geargiveer vanaf die oorspronklike op 20 Maart 2016. Besoek op 30 Augustus 2015. Onbekende parameter |datum= geïgnoreer (|date= voorgestel) (help); Onbekende parameter |titel= geïgnoreer (|title= voorgestel) (help)
  33. Colanduno, Derek (14 Oktober 2014). Sting Like A... (Engels). Skepticality. The Skeptics Society. Argief geskep van die oorspronklike op 30 Augustus 2015. URL besoek op Augustus 2015.
  34. Helms, Sheldon. Operation Bumblebee stings psychic medium Chip Coffey (Engels). James Randi Educational Foundation. James Randi Educational Foundation. Argief geskep van die oorspronklike op 1 September 2016. URL besoek op 4 September 2016.
  35. Saunders, Richard (28 September 2014). The Skeptic Zone #310 (Engels). The Skeptic Zone. Argief geskep van die oorspronklike op 30 Augustus 2015. URL besoek op 13 Januarie 2015.
  36. Gerbic, Susan (28 September 2014). Operation Bumblebee (Engels). Monterey County Skeptics. Argief geskep van die oorspronklike op 30 Augustus 2015. URL besoek op 30 Augustus 2015.
  37. Ritchey, Grant; Jones, Clay (8 Oktober 2015). The Prism Podcast – Episode 52 (Engels) (MP3). prismpodcast.com. Argief geskep van die oorspronklike op 18 Maart 2018. URL besoek op 18 Maart 2018.
  38. 38,0 38,1 Fout met oproep van sjabloon:webaanhaling: Parameters argiefurl en argiefdatum moet albei verskaf word of albei weggelaat wordGerbic, Susan. Operation Tater Tot: Following Up On A Grief Vampire (Engels). csicop.org. URL besoek op 24 September 2017.
  39. Hill, Sharon (Januarie 20, 2016). Real-deal "boy next door" medium? Or Hollywood hype? (Engels). Doubtful News. Argief geskep van die oorspronklike op 11 Augustus 2016. URL besoek op 5 September 2016.
  40. Mehta, Hemant (Januarie 21, 2016). Hollywood "Medium" Tyler Henry, Whose Show Premieres Sunday, Wants to Specialize in Suicide Victims (Engels). Patheos. Argief geskep van die oorspronklike op 18 Julie 2016. URL besoek op 5 September 2016.
  41. Coyne, Jerry (21 Januarie 2016). E! about to debut new show starring a psychic "grief vampire" (Engels). Why Evolution is True. Argief geskep van die oorspronklike op 11 Maart 2016. URL besoek op 4 September 2016.
  42. Lack, Caleb (21 Januarie 2016). Tyler Henry, Hollywood’s Newest MEDIUM (Engels). Great Plans Skeptic. Argief geskep van die oorspronklike op 1 September 2016. URL besoek op 4 September 2016.
  43. Propatier, Stephen (22 Januarie 2016). Susan Gerbic: Vampire Slayer (Engels). Skeptoid.
  44. Gorski, David (22 Januarie 2016). The rise of a new grief vampire (Engels). ScienceBlogs. Argief geskep van die oorspronklike op 15 Februarie 2016. URL besoek op 4 September 2016.
  45. Gerbic, Susan. Grief Vampires Don’t Come Out Only at Night (Engels). Csicop.org. Argief geskep van die oorspronklike op 8 Augustus 2017. URL besoek op 24 September 2017.
  46. Gerbic, Susan. Tip the Canoe of Tyler Too! (Engels). csicop.org. Argief geskep van die oorspronklike op 8 Augustus 2017. URL besoek op 24 September 2017.
  47. Gerbic, Susan. Return of the Grief Vampire Tyler Henry. Committee for Skeptical Inquiry. Argief geskep van die oorspronklike op 8 Augustus 2017. URL besoek op 24 September 2017.
  48. Gerbic, Susan. Anatomy of a Reading (Engels). Csicop.org. Argief geskep van die oorspronklike op 8 Augustus 2017. URL besoek op 24 September 2017.
  49. Gerbic, Susan. Eventually I’m going to piss off Tyler Henry (Engels). csicop.org. Argief geskep van die oorspronklike op 4 Julie 2017.
  50. Gerbic, Susan (15 September 2017). The One Where "Psychic" Tyler Henry Reads Alan Thicke (Engels). CSICOP.org. Argief geskep van die oorspronklike op 24 September 2017. URL besoek op 24 September 2017.
  51. Gerbic, Susan (20 April 2018). Nancy Grace Should be Ashamed of Herself! (Engels). CSICOP.org. Argief geskep van die oorspronklike op 20 April 2018. URL besoek op 20 April 2018.
  52. Gerbic, Susan. Operation Ice Cream Cone (Engels). The Committee for Skeptical Inquiry. Argief geskep van die oorspronklike op 14 April 2015. URL besoek op 4 September 2016.
  53. 53,0 53,1 53,2 Javier Leiva (2 Julie 2019). The Psychic Grief Vampires (in Engels). Pretend Radio. Besoek op 3 Julie 2019.
  54. Tim Braun Audio Nov 18 2014 (Engels). Argief geskep van die oorspronklike op 7 Maart 2016. URL besoek op 27 April 2015.
  55. Skeptically Yours. Episode 86 - Februarie 2, 2015 (Engels). Argief geskep van die oorspronklike op 29 April 2015. URL besoek op 28 April 2015.
  56. Renowned medium Thomas John spooks ride-share passengers in ‘Seatbelt Psychic’ (Engels). pix11.com/. PIX 11 (28 Junie 2018).
  57. 'Seatbelt Psychic' Thomas John on New Lifetime Show: "Skeptics are Definitely Welcome" (Engels). hollywoodreporter.com. Hollywood Reporter (22 Junie 2018). Argief geskep van die oorspronklike op 30 Junie 2018. URL besoek op 30 Junie 2018.
  58. Blanton, Kayla (Julie 11, 2019). How Do You Get On ‘Seatbelt Psychic’? The Contestants On Lifetime’s Reality Series Get A Reading In Addition To Their Ride (Engels). Bustle. Argief geskep van die oorspronklike op 23 Januarie 2019. URL besoek op 23 Januarie 2019.
  59. Gerbic, Susan (21 Februarie 2019). Buckle Up - Seatbelt Psychic (Engels). Center for Inquiry. Argief geskep van die oorspronklike op 23 Februarie 2019. URL besoek op Februarie 23, 2019.
  60. 60,0 60,1 60,2 Skeptics Set a Trap and a So-Called "Celebrity Medium" Fell for the Hoax (Engels). Friendlyatheist.patheos.com. Patheos (23 Februarie 2019). Argief geskep van die oorspronklike op 24 Februarie 2019. URL besoek op 24 Februarie 2019.
  61. 61,0 61,1 61,2 Gerbic, Susan (21 Februarie 2019). "Operation Pizza Roll- Thomas John" (in Engels). Geargiveer vanaf die oorspronklike op Februarie 23, 2019. Besoek op 23 Februarie 2019.
  62. 62,0 62,1 62,2 Westbrook, Thomas (28 Februarie 2019). Thomas John (The Seatbelt Psychic) - Busted for Cheating! (Engels). Youtube.com. Holy Koolaid. URL besoek op 1 Maart 2019.
  63. 63,0 63,1 63,2 63,3 Inside the Secret Sting Operations to Expose Celebrity Psychics (Engels). New York Times (Februarie 26, 2019). Argief geskep van die oorspronklike op 26 Februarie 2019. URL besoek op 26 Februarie 2019.
  64. An Inside Look at How the Guerrilla Skeptics Expose Famous "Psychic Mediums" (Engels). friendlyatheist.patheos.com. Patheos. URL besoek op 24 Februarie 2019.
  65. Larsen, Claus. Is Thomas John a real psychic? Not a ghost of a chance! (Engels). Skepticreport.com. Argief geskep van die oorspronklike op 2 Julie 2019. URL besoek op 2 Julie 2019.
  66. Gerbic, Susan (4 Junie 2019). Thomas John Revisited (Engels). Skeptical Inquirer. Argief geskep van die oorspronklike op 7 Junie 2019. URL besoek op 7 Junie 2019.
  67. 67,0 67,1 Gerbic, Susan (26 Junie 2019). I’m Speechless! Thomas John Reads KJBK Fox2 Derek Kevrea (Engels). skepticalinquirer.org. Argief geskep van die oorspronklike op 29 Junie 2019. URL besoek op 29 Junie 2019.
  68. 68,0 68,1 Gerbic, Susan (28 Augustus 2019). Three Parents Reveal The Truth About Psychic Thomas John (Engels). Skepticalinquirer.org. Argief geskep van die oorspronklike op 28 Augustus 2019. URL besoek op 28 Augustus 2019.
  69. 69,0 69,1 69,2 Biddle, Kenny (25 Februarie 2019). Undercover at a Psychic Group Reading (Engels). CSICOP.org. Argief geskep van die oorspronklike op 15 Maart 2019. URL besoek op 15 Maart 2019.
  70. 70,0 70,1 Gerbic, Susan (2015). Adventures in SkeptiCamp (Engels). Argief geskep van die oorspronklike op 20 Jun 2017.
  71. Gerbic, Susan (6 Februarie 2011). 10:23 Homeopathy Challenge ~ Monterey, CA, USA (Motion picture) (in Engels). Geargiveer vanaf die oorspronklike op 15 November 2015. Besoek op Augustus 29, 2015.
  72. Munger, Kel (26 April 2012). "Drugs, not bugs". Sacramento News & Review (in Engels). Chico Community Publishing. Geargiveer vanaf die oorspronklike op 30 Augustus 2015. Besoek op 25 Augustus 2015.
  73. Evers, Jeannie (3 Januarie 2015). "Skeptics gather in Seaside for first local SkeptiCamp". The Monterey County Herald (in Engels). Geargiveer vanaf die oorspronklike op 30 Augustus 2015. Besoek op 29 Augustus 2015.
  74. Taylor, Dennis (3 Januarie 2015). "Skeptics take on God, psychics, even science". The Monterey County Herald (in Engels). Geargiveer vanaf die oorspronklike op 30 Augustus 2015. Besoek op 29 Augustus 2015. Onbekende parameter |titel= geïgnoreer (|title= voorgestel) (help)
  75. Gerbic, Susan (3 Februarie 2017). Local Skeptical Outreach & Activism: Monterey County Skepticamp (Engels). Argief geskep van die oorspronklike op 18 September 2017.
  76. 76,0 76,1 76,2 76,3 National author to keynote Monterey County Skeptics’ third annual SkeptiCamp (Engels). Montereyherald.com. Argief geskep van die oorspronklike op 8 Januarie 2017. URL besoek op 7 Januarie 2017.
  77. Gerbic, Susan (Maart 2014). “CFI Summit: Impressions” (in Engels) 2. Besoek op 30 Augustus 2015.
  78. Gerbic, Susan (13 November 2014). “Susan Gerbic Reports on the 2014 Skeptics Toolbox” (in Engels). Besoek op 30 Augustus 2015.
  79. Australian Skeptics Inc.. 2015 Skeptics Convention – Schmidt, Gerbic, Nickell (Engels). Argief geskep van die oorspronklike op 29 Februarie 2016. URL besoek op 17 Oktober 2015.
  80. CFI. Special Articles - CSICon (Engels). Csicop.org. Argief geskep van die oorspronklike op 19 November 2017. URL besoek op 19 November 2017.
  81. Coyne, Jerry (8 November 2013). "Pseudoscientist Rupert Sheldrake Is Not Being Persecuted, And Is Not Like Galileo". The New Republic (in Engels). Geargiveer vanaf die oorspronklike op 11 September 2015. Besoek op 2 September 2015.
  82. Farley, Tim (12 Oktober 2013). The right way and the wrong way to file skeptic complaints (Engels). SkepTools. Argief geskep van die oorspronklike op 2 September 2015. URL besoek op 24 Julie 2014.
  83. Farley, Tim (7 Desember 2013). SGU Episode 438 (Engels). Argief geskep van die oorspronklike op 3 September 2015. URL besoek op 2 September 2015.
  84. Farley, Tim (16 April 2014). When you're not here to create an encyclopedia, your Wikipedia statistics show it (Engels). SkepTools. Argief geskep van die oorspronklike op 13 September 2015. URL besoek op 2 September 2015.
  85. Farley, Tim (25 Maart 2014). Wikipedia founder responds to pro-alt-med petition; skeptics cheer (Engels). SkepTools. Argief geskep van die oorspronklike op 3 September 2015. URL besoek op 2 September 2015.
  86. Farley, Tim (11 Desember 2013). Quantum variations in Wikipedia rules – Deepak Chopra and conflict of interest (Engels). SkepTools. Argief geskep van die oorspronklike op 24 September 2015. URL besoek op 28 Februarie 2017.
  87. Gage, Greg (22 Oktober 2013). A Creepy Neuro-Revolution! (Engels). Skepticality. Argief geskep van die oorspronklike op 3 September 2015. URL besoek op 2 September 2015.
  88. Loxton, Daniel. Considering a Complaint About Skeptical Tactics (Engels). Skeptic.com. Argief geskep van die oorspronklike op 21 April 2018. URL besoek op 13 Julie 2017.
  89. Loxton, Daniel. Gotcha! Thinking About Skeptical "Stings" (Engels). Skeptic.com. Argief geskep van die oorspronklike op 17 April 2016. URL besoek op 13 Julie 2017.
  90. Susan Gerbic (Engels). Skeptical Connections. Argief geskep van die oorspronklike op 2 Mei 2014. URL besoek op 29 Augustus 2015.
  91. Howard "Nigel St. Whitehall" (29 Maart 2014). A JAM AT TAM (Engels). The Skeptical Review. Argief geskep van die oorspronklike op 30 Augustus 2015. URL besoek op 30 Augustus 2015.
  92. 2017 JREF Award (Engels). James Randi Educational Foundation. Argief geskep van die oorspronklike op 28 Maart 2018. URL besoek op 27 Maart 2018.