Suzuki Grand Vitara

in Wikipedia, die vrye ensiklopedie
Jump to navigation Jump to search
Suzuki Grand Vitara
2004-Suzuki-Grand-Vitara.jpg
Oorsig
Vervaardiger Suzuki
Ook genoem Suzuki Grand Escudo
Chevrolet Grand Vitara
Produksie 1999–huidig
Montering Vlag van Japan Japan
Bakwerk en onderstel
Klas Mini SNV
Uitleg Voorenjin, voorwieldryf of vierwieldryf
Plek in geskiedenis
Voorganger Suzuki Vitara
Suzuki Sidekick

Die Suzuki Grand Vitara is 'n kompakte SNV wat sedert 1999 deur die Japannese motorvervaardiger Suzuki vervaardig word.

Eerste geslag[wysig | wysig bron]

Eerste geslag
99-01 Suzuki Grand Vitara.jpg
Oorsig
Produksie 1999–2005
Montering Hamamatsu, Vlag van Japan Japan
Bakwerk en onderstel
Bakstyl 3-deurstasiewa
3-deurafslaankap
5-deur sportnuts
Spesifikasies
Enjin 1.6 L 16V I4
2.0 L J20A I4
2.5 L H25A V6
2.0 L RF/RHZ/RHW turbodiesel I4
Ratkas 5-gang handrat
4-gang outomaties
Lengte 2002-05 4-deur: 4178 mm
1999-2001 4-deur: 4140 mm
Breedte 2-deur: 1709 mm
2002-05 4-deur: 1780 mm
1999-2001: 1778 mm
Hoogte 2002-05 4-deur AWD: 1722 mm
2002-05 4-deur 2WD: 1709 mm
2-deur: 1689 mm
1999-2001 4-deur AWD: 1740 mm
1999-2001 4-deur 2WD: 1727 mm
Asafstand 2-deur: 2200 mm
4-deur: 2479 mm
Plek in geskiedenis
Variante Suzuki XL-7
Suzuki Vitara

Die eerste-geslag Grand Vitara was 'n effens groter, duurder en kragtiger weergawe van die Suzuki Vitara 4-deur. Dit is opgekikker in 2002 en weer in 2004. 'n Hernoemde weergawe is deur General Motors in Noord-Amerika verkoop as die Chevrolet Tracker.. Die Tracker is verkoop in Latyns-Amerika, maar in Meksiko as die Chevrolet Grand Vitara. In Meksiko is die Grand Vitara en Tracker verskillende voertuie, verkoop deur Suzuki en Chevrolet onderskeidelik. In Chili, is die 5-deur Grand Vitara bekend as Grand Nomade.

2002-2003 Suzuki Grand Vitara

Sedert 2003 is die kleiner Suzuki Vitara onttrek uit die Noord-Amerikaanse mark. Verkope was maar swak, met net 4860 in die VSA verkoop in 2004, maar beter in Kanada. Alle Noord-Amerikaanse Vitaras word by CAMI Automotive in Ingersoll, Ontario gebou, terwyl die Noord-Amerikaanse Grand Vitaras in Japan gebou word as die Suzuki Escudo.

Die 2006-model het 'n strukturele herontwerp ondergaan met 'n nuwe leerraamonderstel, geïntegreer in 'n eenheidsbakkonstruksie. In Indië word die Grand Vitara verkoop deur Suzuki se Indiese filiaal, Maruti Suzuki. Die 2001-model Suzuki Grand Vitara kom standaard as 'n 2.0 liter 4WD voertuig in Nieu-Seeland. Die 2005 en later se Grand Vitara word in Ecuador verkoop deur Chevrolet, maar dit dra nog steeds sy Suzuki-kentekens.

Die voertuig word ook massageproduseer in Iran deur Iran Khodro Manufacturing Co. [1]

Tweede geslag[wysig | wysig bron]

Tweede geslag
Suzuki Grand Vitara silver.jpg
Oorsig
Produksie 2006–huidig
Montering Hamamatsu, Japan
St. Petersburg, Rusland
Bakwerk en onderstel
Bakstyl 3-deur SNV
5-deur SNV
Spesifikasies
Enjin 1.6 L 16V I4, 2.0 L J20A 16V I4
2.7 L V6, 1.9 L Turbodiesel I4
2.4 L VVT I4, 3.2 L VVT V6
Ratkas 5-gang handrat
4- of 5-gang outomaties
Lengte 2009- 4-deur: 4501 mm
2006-08 4-deur: 4470 mm
2-deur: 4005 mm
Breedte 4-deur: 1811 mm
2-deur: 1810 mm
Hoogte 4-deur: 1694 mm
2-deur: 1695 mm
Asafstand 4-deur: 2639 mm
2-deur: 2440 mm
Plek in geskiedenis
Variante Suzuki XL-7

Die eerste Grand Vitara is in September 2005 vervang deur 'n nuwe voertuig met 'n paar komponente van die GM Theta-platform, en is in Japan gebou. Die 2006 Grand Vitara is onafhanklik ontwikkel deur dieselfde Suzuki-ingenieurs wat die Theta ontwikkel het. Dit gebruik egter 'n inlyn-enjin met agterwielaandrywing op 'n 2639 mm wielbasis, terwyl alle ander Thetavoertuie 'n dwarsenjin met voorwielaandrywing as standaard het. Die huidige geslag Suzuki XL7 is 'n ware Theta voertuig, en word langs die Chevrolet Equinox en Pontiac Torrent deur "CAMI Automotive" gebou in Ingersoll, Ontario, Kanada.

Die standaardonderstel is 'n 5-deurweergawe, maar in baie lande is dit ook beskikbaar in 'n 3-deurweergawe, genaamd "Vitara".

Die standaardpetrolenjin vir die 5-deurweergawe is 'n opgedateerde J20A (4-silinder 2.0 L van 140 pk); en 'n meer kragtige opsie is die Suzuki H27A (V6 2.7 L 181 pk). Voor 2001 was turbodieselmodelle toegerus met Mazda se tipe RF-enjin, maar latere modelle is toegerus met 'n turbodieselenjin (4-silinder 1.9 L 129 pk) deur Renault vervaardig. Die enigste enjin vir die 3-deurweergawe is 'n M16A 4-silinder 1.6 L van 105 pk.

2008[wysig | wysig bron]

2009 Suzuki Grand Vitara Premium

In die tweede helfte van 2008 het die Suzuki Grand Vitara 'n opkikkering asook twee nuwe enjins ontvang. 'n Nuwe 2.4 L inlynviersilinder lewer 122 kW se krag en 225 Nm se wringkrag. Brandstofverbruik is ook verbeter met die toevoeging van VVT op beide, en die 1.9 L turbodiesel toon ook 'n verbetering in ekonomie. Veiligheid is verbeter met meer lugsakke en vastrapbeheer as standaard op alle modelle. Die viermodus-vierwielaandrywingstelsel is ook tans beskikbaar op alle modelle.

Eksterne skakels[wysig | wysig bron]

Verwysings[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.