Talal van Jordanië

in Wikipedia, die vrye ensiklopedie
Jump to navigation Jump to search
Talal
Koning van Jordanië
Talal in 1951.
Talal in 1951.
Bewind 20 Julie 195111 Augustus 1952
Voorganger Abdoellah I
Opvolger Hoessein
Gade Zein Al-Sjaraf
Koningshuis Hasjim
Gebore (1909-02-26)26 Februarie 1909
Mekka, Ottomaanse Ryk
Gesterf 7 Julie 1972 (op 63)
Istanboel, Turkye
Vader Abdoellah I
Moeder Moesbah bint Nasser
Volle naam Talal bin Abdoellah bin Hoessein bin Ali
Godsdiens Soenni-Islam

Talal bin Abdoellah (Arabies: طلال بن عبد الله, Ṭalāl ibn ʿAbdullāh; 26 Februarie 1909 - 7 Julie 1972) was van die sluipmoord op sy pa op 20 Julie 1951 koning van Jordanië totdat hy op 11 Augustus 1952 gedwing is om te abdikeer. Volgens Talal was hy ’n afstammeling van Mohammed omdat hy lid was van die Hasjim-familie, wat sedert 1921 oor Jordanië heers.

Talal is in Mekka gebore as die oudste kind van Abdoellah I en sy vrou, Moesbah bint Nasser. Abdoellah was die seun van Hoessein bin Ali, die sjarief van Mekka, wat tydens die Eerste Wêreldoorlog die Arabiese opstand teen die Ottomaanse Ryk gelei het. Hy het in 1921 die emiraat Transjordanië gestig, wat ’n Britse protektoraat geword het, en as emir regeer.

Talal is privaat in Amman opgevoed en het in 1921 as 2de luitenant by Transjordanië se weermag, die Arabiese Legioen, aangesluit. Teen 1948 was hy ’n generaal.

Abdoellah wou in 1946 onafhanklik word en die emiraat het die Hasjemitiese koninkryk Jordanië geword. Abdoellah het koning geword en Talal kroonprins. Abdoellah is in 1951 in Jerusalem in ’n sluipmoordaanval vermoor en Talal het hom opgevolg. Talal se grootste prestasie as koning was die opstelling van Jordanië se moderne grondwet in 1952, wat sy land in ’n konstitusionele monargie omskep het. Hy het minder as 13 maande regeer, totdat hy gedwing is om te abdikeer weens ’n geestesiekte wat as skisofrenie gediagnoseer is. Hy het die res van sy lewe in ’n sanatorium in Istanboel deurgebring en is op 7 Julie 1972 oorlede. Hy is opgevolg deur sy oudste seun, Hoessein.[1]

Verwysings[wysig | wysig bron]

  1. "Ex‐King Talal of Jordan Dies; Abdicated in '52 in Favor of Son". New York Times. Associated Press. 9 Julie 1972. p. 51. Besoek op 11 April 2017.

Eksterne skakels[wysig | wysig bron]