Abdoellah I van Jordanië

in Wikipedia, die vrye ensiklopedie
Jump to navigation Jump to search
Abdoellah I
Koning van Jordanië
Emir van Transjordanië
Cecil Beaton Photographs- Political and Military Personalities; Abdullah, King of Jordan; Abdullah, King of Jordan CBM1666 (cropped).jpg
Bewind 25 Mei 1946 - 20 Julie 1951
Voorganger Hyself as emir van Transjordanië
Opvolger Talal
Gade Moesbah bint Nasser
Soezdil Chanoem
Nahda bint Oeman
Koningshuis Hasjim
Gebore Februarie 1882
Mekka, Ottomaanse Ryk
Gesterf 20 Julie 1951 (op 69)[1]
Jerusalem, Jordanië
Vader Hoessein bin Ali
Moeder Abdijja bint Abdoellah
Godsdiens Soenni-Islam

Abdoellah I bin Al-Hoessein (Arabies: عبد الله الأول بن الحسين, Abd Allāh Al-Awal ibn Al-Husayn, Februarie 1882 - 20 Julie 1951) was van 1921 tot met sy sluipmoord in 1951 die heerser van Jordanië en sy voorgangerstaat, Transjordanië. Hy was van 11 April 1921 tot 25 Mei 1946[2][3] emir van Transjordanië onder ’n Britse mandaat en van 25 Mei 1946 tot sy dood koning van ’n onafhanklike staat. Volgens Abdoellah was hy ’n afstammeling van Mohammed omdat hy lid was van die Hasjemitiese familie.

Lewe[wysig | wysig bron]

Abdoellah is in Mekka, Hedjaz, gebore as die tweede oudste van die drie seuns van Hoessein bin Ali, sjarief van Mekka, en sy eerste vrou, Abdijja bint Abdoellah. Hy het sy opvoeding in Istanboel en Hedjaz ontvang. Van 1909 tot 1914 het hy Mekka in die Ottomaanse regering verteenwoordig, maar het hom tydens die Eerste Wêreldoorlog by die Britte geskaar. Tussen 1916 en 1918 het hy ’n sleutelrol gespeel in die beplanning van die Arabiese opstand teen die Ottomaanse heerskappy wat deur sy pa, sjarief Hoessein, gelei is. Hy het persoonlik guerrilla-aanvalle op garnisoene gelei.[4]

Abdoellah het in April 1921 die emir geword van Transjordanië, wat hy op eie inisiatief gestig het, en in 1948 koning van die opvolgerstaat, Jordanië, nadat dit onafhanklik geword het. Hy het geheers tot in 1951, toe hy in Jerusalem in ’n sluipmoordaanval dood is terwyl hy die Vrydaggebed in die Al-Aqsa-moskee bygewoon het. Hy is vermoor deur ’n Palestyn wat bang was die koning sou vrede met Israel sluit.[5] Hy is deur sy oudste seun, Talal, opgevolg.

Verwysings[wysig | wysig bron]

  1. "Abdullah". Encyclopædia Britannica (15de) I: A-ak Bayes. (2010). Chicago, Illinois: Encyclopædia Britannica Inc.. ISBN 978-1-59339-837-8. 
  2. Kamal S. Salibi (15 Desember 1998). The Modern History of Jordan. I.B.Tauris. p. 93. ISBN 978-1-86064-331-6.
  3. Hashemite Monarchs of Jordan
  4. Avi Shlaim (2007) Lion of Jordan; The life of King Hussein in War and Peace Allen Lane ISBN 978-0-7139-9777-4 p. 3
  5. Chambers Biographical Dictionary, ISBN 0-550-18022-2, p. 3

Eksterne skakels[wysig | wysig bron]