Teenpous Victor IV (Gregorius)

in Wikipedia, die vrye ensiklopedie
Spring na: navigasie, soek
Teenpous Victor IV (Gregorius)
Geboortenaam Gregorio Conti
Geboorteplek Ceccano
Sterfdatum ongeveer 1140
Sterfplek S. Eusebio, Fontanella
Teenpous van Innocentius II
Begin van pontifikaat 25 Januarie 1138
Einde van pontifikaat 29 Mei 1138
Vir nog 'n teenpous met dieselfde naam sien Teenpous Victor IV (Octavianus)

Teenpous Victor IV[1][2] gebore Gregorio Conti was 'n teenpous in die Rooms Katolieke Kerk van 25 Januarie 1138 tot 29 Mei 1138.

Biografie[wysig | wysig bron]

Gregorio Conti is gebore in Ceccano, Italië. Hy word aangestel as kardinaal in Desember 1122.[3]Hy was een van die 16 kardinale wat in 1111 die verdrag van Pous Paschalis II en keiser Hendrik IV oor die Investituurstryd bekragtig het. Later het hy aangevoer dat hy gedwing was om dit te doen en was hy baie krities oor die gedrag van die pous. In 1112 het Paschalis hom toe as kardinaal ontslaan. In 1122 het Paschalis se opvolger Pous Callixtus II hom egter weer as kardinaal aangestel.

Toe Callixtus se opvolger Pous Honorius II in 1130 sterwe en daar onduidelikheid was oor sy opvolger, skaar Conti hom by Teenpous Anacletus II. Anacletus sterwe op 25 Januarie 1138 en dieselfde dag nog word Conti as Pous Victor IV aangestel met die hulp van koning Rogier II van Sisilië. Innocentius het egter baie meer steun gehad en die posisie van Victor het vinnig verswak. Deur intervensie van Bernard van Clairvaux tree Victor op 29 Mei 1138 af en onderwerp hom aan Pous Innocentius. Innocentius het aanvanklik belowe dat Victor en al sy aanhangers hulle poste en titels sou behou, maar het nie sy belofte gehou nie. Op die tweede Lateraanse konsilie onthef Innocentius vir Conti en al sy aanhangers van hulle titels en poste ondanks die kritiek van Bernard van Clairvaux. Na sy afdanking het Gregorio hom teruggetrek na S. Eusebio in Fontanella by Sotto in Monte.

Verwysings[wysig | wysig bron]

  1. Victor (IV). (2008). Encyclopædia Britannica. Deluxe Edition. Chicago: Encyclopædia Britannica.
  2. Löffler, K. (1912). Victor IV. In The Catholic Encyclopedia. New York: Robert Appleton Company. Retrieved June 8, 2014 from New Advent: http://www.newadvent.org/cathen/15411a.htm
  3. Miranda, S., The Cardinals of the Holy Roma Church [1]


Hierdie artikel is in sy geheel of gedeeltelik vanuit die Nederlandse Wikipedia vertaal.