Tillodontia

in Wikipedia, die vrye ensiklopedie
Spring na: navigasie, soek
Tillodontia
Tydperk: 61.7–46.2 m. jaar gelede
Trogosus
Wetenskaplike klassifikasie
Klas: Mammalia
Subklas: Eutheria
Superorde: Laurasiatheria
(klade): Ferae?
Orde: Tillodontia
Marsh 1875

Die Tillodontia [1] is 'n orde uitgestorwe plasentale soogdiere uit die Paleo- en Eoseen van Asië, Noord-Amerika en Europa.

Hulle is klein tot middelgroot. Die skedel kan 5 tot 37 cm lank wees. Hulle was stewige diere. Trogosus kon effens soos 'n beer gelyk en 150 kg geweeg het. Hulle het taamlik lang, gebuigde kloue en slagtande gehad. Hulle het dalk na wortels en knolle gegrawe. Die snytande lyk effens soos 'n knaagdier s'n, maar hulle is nie daaraan verwant nie. Hulle skelet het steeds primitiewe kenmerke. Hulle het byvoorbeeld nog nege handwortelbene, soos die Eutheria dit ook het. Die later soogdiere het dikwels minder omdat bene versmelt. Die mens het nog agt,[2] beeste en skape net ses.[3] 'n Tillodont soos Esthonyx het taamlik volop in die Laat Paleoseen en Vroeë Eoseen van Noord-Amerika voorgekom.[4]

Hulle taksonomiese posisie is onduidelik. Hulle word dikwels as suborde in die asbliktakson Cimolesta geplaas, of in 'n ander asbliktakson "Condylarthra". Daar is ooreenkomste met die Pantodonta en Esthonyx het by die onlangse groot kladistiese ontleding van Halliday et al. (2105)[5] uitgekom tusse Alcidedorbignya ('n Suid-Amerikaanse Pantodont) en Cyriacotherium ('n Kanadese Pantodont) as susterklade van die Pantodont Coryphodon. Dit sou bevestig dat hulle in die Ferae-kroongroep van die Laurasiatheria behoort.

Lede[wysig | wysig bron]

  • familie Esthonychidae
      • Adapidium, Megalesthonyx, Plesiesthonyx
    • subfamilie Trogosinae
      • Anchippodus, Higotherium, Tillodon, Trogosus
    • subfamilie Esthonychinae
      • Anthraconyx, Esthonyx, Indoesthonyx, Paresthonyx
  • familie Yuesthonychidae
      • Yuesthonyx
  • incert. sede
      • Azygonyx, Basalina, Benaius, Dysnoetodon, Interogale, Kuanchuanius, Lofochaius, Meiostylodon, Plethorodon, Simplodon

Fotogalery[wysig | wysig bron]

Verwysings[wysig | wysig bron]

  1. Fossilworks.
  2. fossihunters.
  3. Fout met oproep van Sjabloon:webaanhaling: Parameter url moet verskaf word, en verkieslik 'n titel ook.
  4. Spencer G. Lucas, Robert M. Schoch "Tillodontia" in: Evolution of Tertiary Mammals of North America: Volume 1, Terrestrial Carnivores, Ungulates, and Ungulate Like Mammals, Cambridge University Press, 1998, ISBN 0-521-35519-2, ISBN 978-0-521-35519-3, bls. 268
  5. Resolving the relationship of Paleocene Placental mammals, Thomas J. D. Halliday, Paul Upchurch, Anjali Goswami Biological Reviews 92(1) 2015, 521-550