Tydlyn van homo-, bi- en transseksuele geskiedenis

in Wikipedia, die vrye ensiklopedie
Jump to navigation Jump to search

Hier volg 'n tydlyn van homoseksuele, biseksuele en transseksuele geskiedenis.

25ste/24ste eeu v.C.[wysig | wysig bron]

7de eeu v.C.[wysig | wysig bron]

  • 630 v.C.Doriese aristokrasie in Kreta stel amptelike pederastiese verhoudings tussen volwasse prinse en adolessente seuns in, met die dubbele doel om die jeug op te voed en die bevolkingsaanwas te beperk. Sien Kretiese pederastie.

Mans kon nie in Griekeland wettig met mekaar trou nie, alhoewel lewenslange verhoudings tussen volwasse mans nie ongewoon was nie. Die vennootskappe tussen twee mans in Griekeland was dieselfde as heteroseksuele verhoudings deurdat daar gewoonlik 'n generasiegaping in die ouderdomme tussen die twee partye was en dat die ouer persoon as die opvoeder of mentor opgetree het.[2]

  • 600 v.C.Sappho van Lesbos skryf haar beroemde liefdesgedigte aan jong vroue en bied inspirasie vir die woord lesbies.[3] Latere werke deur Plato gee aan Sappho die eer vir die uitvinding van die Mixolydiese mode ('n soort musikale skaal).

5de eeu v.C.[wysig | wysig bron]

  • 425-388 v.C. – 'n Reeks satires wat deur Aristophanes gepubliseer word, spot met verwyfde mans, transvestiete en volwasse mans wat die passiewe seksuele rol geniet het. Dit bied bewyse dat alhoewel die Griekse kultuur homoseksualiteit aanvaar het, verwyfde mans verwerp is. Vroulikheid in mans is openlik bespot.[4]

4de eeu v.C.[wysig | wysig bron]

  • 385 v.C.Plato se Simposium word gepubliseer. Hy meen dat die liefde tussen mans die hoogste liefdesvorm is en dat seks met vroue wellustig en slegs vir voortplantingsdoeleindes is. Griekse mans kon slegs met ander mans hul volle intellektuele potensiaal bereik.
  • 350 v.C. – Plato publiseer Wette, waarin hy 'n drasties ander benadering as in Simposium aanneem. Hier word homoseksualiteit as wellusitg en verkeerd vir die samelewing gekritiseer omdat dit nie die spesie bevorder nie en tot onverantwoordelike burgerskap kan lei.[4]
  • 338 v.C. – Die Heilige Skare van Thebe, 'n onoorwonne elitebataljon bestaande uit 150 homoseksuele paartjies, word deur die krygers van Phillip II van Macedonië vernietig, waarna hy die daad betreur en hul eer besing.[5]
  • 326 v.C. – Die homoseksuele/biseksuele militêre leier Alexander die Grote voltooi die verowering van die destyds bekende Westerse wêreld en bekeer miljoene mense tot die homovriendelike Hellenistiese kultuur, wat die begin van die Hellenistiese Era inlui.

1ste eeu v.C.[wysig | wysig bron]

Tydens die bewind van die Romeinse Ryk word homoseksuele liefde in 'n positiewe lig in kuns en letterkunde uitgebeeld. Die Romeine, nes die Grieke, het liefde en seks onder mans verheerlik. Twee Romeinse keisers het in die openbaar met mans in die eg getree, sommige het minnaars van dieselfde geslag gehad, en belasting is amptelik op homoseksuele prostitusie gehef.[4]

1ste eeu[wysig | wysig bron]

  • 54Nero word die keiser van Rome. Hy het met twee mans in wettige seremonies getrou, en een van hulle het dieselfde aansien as die keiser se vrou geniet.[8]
  • 98 – Trajan, een van die mees geliefde Romeinse keisers, kom aan die bewind. Hy was bekend vir sy homoseksualiteit en sy voorkeur vir jong mans. Die koning van Edessa, Abgarus, het hieruit voordeel getrek toe hy hom die woede van Trajan op die hals gehaal het vir 'n misdaad en toe vergifnis gekry het deur sy aantreklike jong seun aan Trajan te stuur.[9]

3de eeu[wysig | wysig bron]

  • 218 – Keiser Elagabalus kom aan die bewind. Hy trou met 'n man genaamd Zoticus, 'n atleet van Smirna, in 'n weelderige openbare seremonie onder toejuiging van die publiek.[10]
  • 244-249 – Keiser Philip die Arabier probeer en misluk daarin om homoseksuele prostitusie onwettig te laat verklaar.[4]

4de eeu[wysig | wysig bron]

  • 305-306 Die Raad van Elvira (nou Granada, Spanje) was die verteenwoordiger van die Wes-Europese Kerk en het onder andere die reg van homoseksuele ontneem om in wettige verhoudings met mekaar te tree.
  • 314 Die Raad van Ancyra (nou Ankara, Turkye) was die verteenwoordiger van die Oos-Europese Kerk en het die Sakramente vir vyftien jaar ontneem van ongetroude mans wat in homoseksuele dade gevang is – en lewenslank as hy ouer as vyftig en getroud was.
  • 342 – Die Christelike keisers Constantius II en Constans kondig die eerste aangetekende wet teen homoseksuele huwelik af.[11]
  • 390 – In 390 het die Christelike keisers Valentinianus II, Theodosius I en Arcadius homoseksuele omgang as onwettig verklaar en oortreders tot openbare doodstraf op die brandstapel gevonnis.[12]
  • 390- 405 Nonnus se Dionysiaca is die laaste letterkundige werk vir bykans 1 000 jaar wat homoseksuele passie verheerlik het.[4]

Verwysings[wysig | wysig bron]

  1. Reeder, Greg (October 2000). “Same-sex desire, conjugal constructs, and the tomb of Niankhkhnum and Khnumhotep”. World Archaeology 32 (2): 193–208. doi:10.1080/00438240050131180.
  2. Boswell, John (1994). Same-Sex Unions in Pre-Modern Europe. New York: Vintage Books
  3. OED etymology for Lesbian: After the alleged practice of Sappho, the poetess of Lesbos.
  4. 4,0 4,1 4,2 4,3 4,4 (Fone, 2000)
  5. Haggerty, George E. (2000), Gay histories and cultures: an encyclopedia, Taylor & Francis, p. 418, ISBN 9780815318804, http://books.google.com/books?id=L9Mj7oHEwVoC 
  6. Suetonius, Julius 2-3; Plutarch, Caesar 2-3; Cassius Dio, Roman History 43.20
  7. Martial attests to same-sex marriages between men during the early Roman Empire, q.v. Martial Epigrams 1.24, 12.42
  8. Ancient History Sourcebook: Suetonius: De Vita Caesarum-Nero, c. 110 C.E Although this action was criticized by contemporary historians, these same historians do not criticize emperors such as Hadrian and Trajan who also had male lovers. The real reason behind the criticism of Nero and Elagabalus is that both of these emperors ignored the Senators (who wrote the surviving historical accounts) and appointed low class men (such as freedmen) to important positions of power, thereby incurring the hatred of the Senatorial class.
  9. Dio Cassius, Epitome of Book 68.6.4; 68.21.2–6.21.3
  10. Augustan History, Life of Elagabalus 10
  11. Theodosian Code 9.8.3: "When a man marries and is about to offer himself to men in womanly fashion (quum vir nubit in feminam viris porrecturam), what does he wish, when sex has lost all its significance; when the crime is one which it is not profitable to know; when Venus is changed to another form; when love is sought and not found? We order the statutes to arise, the laws to be armed with an avenging sword, that those infamous persons who are now, or who hereafter may be, guilty may be subjected to exquisite punishment.
  12. (Theodosian Code 9.7.6): All persons who have the shameful custom of condemning a man's body, acting the part of a woman's to the sufferance of alien sex (for they appear not to be different from women), shall expiate a crime of this kind in avenging flames in the sight of the people.