Julius Caesar

in Wikipedia, die vrye ensiklopedie
Spring na: navigasie, soek
Julius Caesar
Diktator van die Romeinse Republiek
Julius Caesar.
Julius Caesar.
Regeer October 49 v.C. – 15 Maart 44 v.C.
Volle naam Gaius Julius Caesar
Gebore 13 Julie 100 v.C.; Suburra, Rome
Oorlede 15 Maart 44 v.C.; Rome (op 55)
Opvolger Augustus Octavianus‎, as keiser van die Romeinse Ryk
Adellike huis Julio-Claudiese dinastie
Vader Gaius Julius Cæsar
Moeder Aurelia Cotta
Eggenote Cornelia Cinna minor
Pompeia
Calpurnia Pisonis
Kinders Julia Caesaris
Caesarion
Augustus Octavianus‎
Die Galliese kampanjes van Julius Caesar

Gaius Julius Caesar (100 v.C. – 44 v.C.) was 'n Romeinse militêre en politieke leier en een van die mees invloedrykste figure in die klassieke geskiedenis. Hy het 'n rol gespeel in die transformasie van die Romeinse Republiek na die Romeinse Ryk. Caesar was 'n populistiese politikus en het 'n triumviraat saam met Marcus Licinius Crassus en Pompeius gevorm. Sy suksesvolle oorlog in Gallië het Rome toegang verkry tot die Atlantiese Oseaan en sodoende was hy ook verantwoordelik vir die inval van Brittanje in 55 v.C..

Toe Julius Caesar sy soldate die Rubiconrivier oorgesteek het, het daar 'n burgeroorlog uitgebreek in 49 v.C.. Hy het hierna absolute mag oor die senaat in Rome verkry en is as diktator verklaar. Caesar is vermoor deur 'n groep ontevrede senators gelei deur Markus Junius Brutus in 44 v.C. en in 42 v.C. het die senaat hom verklaar as 'n heilige.

Heelwat van Caesar se lewe is bekend omdat hy self vele boeke geskryf het en baie van die klassieke geskiedkundiges het ook oor hom geskryf soos Appianus, Strabo en Plutarchus.

Jong lewe[wysig]

Caesar is gebore 100 v.C. in die Julii familie, 'n patrisiërfamilie. Hulle afkoms word beskryf as van Iulus die seun van 'n Trojaanse prins Aeneas, die seun van die godin Venus. Volgens Plinius die Ouere was hy gebore by wyse van 'n keisersnee. Volgens Caesar se beskrywing het hy grysblou oë en 'n vol kop hare gehad.

Al was Caesar in 'n adellike familie gebore, was die Julii nie juis 'n polities invloedryke familie nie. Ceasar het wel die amp van 'n magistraat beklee en was ook die goewerneur van die provinsie Asië. Caesar se ma was Aurelia Cotta en afkomstig van 'n invloedryke familie. Hulle het in 'n laer middelklas woning in die Subura gewoon waar Marcus Antonius Gnipho die jong Caesar se onderwyser was.