USS Hornet (CV-12)
_underway_at_sea_on_9_August_1968_(USN_1116887).jpg)
_underway_in_1969.jpg)
Die USS Hornet (CV/CVA/CVS-12) is een van 24 Essex-klas vliegdekskepe wat gedurende die Tweede Wêreldoorlog vir die Amerikaanse Vloot gebou is. Die skip was aanvanklik eers Kearsarge genoem en is net na die USS Hornet (CV-8) gekelder is, hernoem as USS Hornet. Die Hornet is voltooi in 1943 en toegeken aan die Fast Carrier Task Force (ook bekend as Task Force 38 of 58) in die Stille Oseaan, die Vloot se grootste mag gedurende die Stille Oseaan-oorlog. Vroeg in 1944 het die Hornet deelgeneem aan onder andere aanvalle op Japannese basisse in Nieu-Guinee, Palau en Chuuk Lagoon. Die skip het toe deelgeneem aan invalle in die Palau- en Mariana-eilande, ook die Slag van die Filippynse See in Junie. Die slag het die bynaam die Great Marianas Turkey Shoot gekry vanweë die groot aantal Japannese vliegtuie wat afgeskiet is. Die skip het toe aan die Filippynse Offensief deelgeneem, laat in 1944, asook die Volcano en Ryukyu-eilande offensief in die eerste helfte van 1945. Die Hornet is in Junie ernstig beskadig deur 'n tifoon en moes na Amerika terugkeer vir herstelwerk.
Na die oorlog het die Hornet deelgeneem aan Operasie Magic Carpet, dit het troepe teruggebring na Amerika en is daarna in 1946 in die reserwevloot geplaas. Die Hornet was weer uit die reserwevloot gehaal gedurende die Koreaanse Oorlog van 1950-1953, maar was ongelukkig die grootste gedeelte van die oorlog besig om gemoderniseer te word om straalaangedrewe vliegtuie te kan akkommodeer. Die skip is weer in die laat 1950's gemoderniseer om diens te kan doen as teenduikbootvliegdekskip. Die Hornet het 'n klein rol gespeel in die Viëtnamoorlog gedurende die 1960's. Die skip het ook as deel van die Apollo-program die Apollo 11 en Apollo 12 se bemanning herwin nadat die ruimtevaarders van die Maan af teruggekeer het.
Die Hornet is uit diens onttrek in 1970. Die skip is uiteindelik aangewys as 'n Nasionale Historiese Landmerk asook 'n Kaliforniese Historiese Landmerk en is aan die publiek oopgestel as die USS Hornet museum in Almeda, Kalifornië in 1998.