Ryukyu-eilande
| Ryukyu-eilande Inheemse naam: 南西諸島 / 琉球諸島 | |
|---|---|
 Kaart van die Ryukyu-eilande | |
| Geografie | |
 | |
| Ligging | Oos-Chinese See, Filippynse See |
| Koördinate | 26°30′N 128°00′O / 26.500°N 128.000°O |
| Totale eilande | meer as 100 |
| Hoofeilande | Okinawa, Amami |
| Oppervlakte | 4 642,11 vk km |
| Hoogste punt | Miyanoura-dake 1 963 m |
| Administrasie | |
 Japan | |
| Prefekture | Okinawa, Kagoshima |
| Demografie | |
| Bevolking | 1 550 161 |
| Bevolkingsgroepe | Ryukyuane, Japanners |
Die Ryukyu-eilande (Japannees: 琉球諸島,[1] Ryūkyū-shotō, [ɾʲɯːkʲɯː]), in Japan bekend as Nansei-eilande (南西諸島, Nansei-shotō, letterlik: "Suidwestelike eilande") en Ryukyu-boog (琉球弧, Ryūkyū-ko) is 'n vulkaniese argipel in die suidweste van Japan tussen die Oos-Chinese in die noordweste en die Filippynse See in die suidooste. Die eilande strek sowat 1 100 km suidwes van Kioesjoe in die noordooste tot by die Republiek China op Taiwan in die suidweste.[2]
Die Ryukyu-eilande se vulkane behoort tot die Ring van Vuur wat die Stille Oseaan van Nieu-Seeland tot Chili omsirkel.
Die grootste van die eilande is Okinawa. Op die eilande word die Ryukyu-tale gepraat, wat saam met Japannees tot die Japannese tale behoort.
In 1429 is die eilande in die Koninkryk Ryukyu verenig, wat in 1879 deur Japan geannekseer is. Tydens die Tweede Wêreldoorlog het op 1 April 1945 die enigste veldslag op die grondgebied van Japan plaasgevind, sien Slag van Okinawa.
Die Verenigde State van Amerika het die eilande van 1945 tot 1972 beset, waarna hulle aan Japan teruggegee is.
Yonaguni-monument
[wysig | wysig bron]Aan die kus van die suidelikste eiland, Yonaguni, word onderwater rotsformasies bekend as die Yonaguni-monument aangetref wat sommige kenners as natuurlik beskou[3] terwyl ander, soos die mariene geoloog Masaaki Kimura, meen dit is mensgemaakte monoliete.[4] Hierdie bewerings is beskryf as skynargeologie.[5]
Verwysings
[wysig | wysig bron]- ↑ (en) Tsuneyoshi, Ukita (1993). Nihon-dai-chizuchō (Grand Atlas Japan). Heibonsha. ISBN 4-582-43402-9.
- ↑ (en) "Ryukyu Islands". Encyclopædia Britannica. Besoek op 14 Augustus 2017.
- ↑ (en) Julian Ryall (19 September 2007). "Japan's Ancient Underwater "Pyramid" Mystifies Scholars". National Geographic Society. Geargiveer vanaf die oorspronklike op 7 Augustus 2019. Besoek op 7 Augustus 2019.
- ↑ (en) "Deep Secrets". New Scientist. Vol. 204, uitg. 2736. 28 November 2009. bl. 41.
- ↑ (en) Carl Feagans (16 Oktober 2017). "Yonaguni: Monumental Ruins or Natural Geology?". Archaeology Review. Besoek op 16 Oktober 2017.
Eksterne skakels
[wysig | wysig bron]
Wikimedia Commons het meer media in die kategorie Ryukyu-eilande.- (en) Toerisme-inligting oor Okinawa op Wikivoyage
