Visbekvygie

Visbekvygie
Bewaringstatus
	; Veilig (IUCN 3.1)
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Orde:	Caryophyllales
Familie:	Aizoaceae
Genus:	Gibbaeum
Spesie:	G. pubescens
Binomiale naam
	Gibbaeum pubescens; (Haw.) N.E.Br.
Sinonieme
	Gibbaeum argenteum N.E.Br.; Mesembryanthemum pubescens Haw.;

Visbekvygie of visbekkie (Gibbaeum pubescens) is 'n dwergplantjie wat endemies aan Suid-Afrika is. Dit kom in die Wes-Kaap voor, byvoorbeeld op die Anysberg. Dit word op die SANBI-rooilys as veilig (LC) gelys.^[1] Dit groei veral op vlaktes of skuintes wat met kwarts bedek is.

Die vetplantjie bestaan uit twee dik blaadjies. Die een is 'n bietjie langer as die ander en saam lyk hulle op 'n vis se bek. Dit verklaar die naam visbekkies vir hierdie spesie. Dié spesie is naverwant aan die haaibekkie G. shandii. Die plantjie word net 5 cm hoog, maar groei in polle wat 10 cm of meer breed word.