Vlag van die Verenigde Nasies

in Wikipedia, die vrye ensiklopedie
Spring na: navigasie, soek
Vlag van die Verenigde Nasies
Vlag van  die Verenigde Nasies
Gebruik Nasionale vlag en vaandel Nasionale vlag en vaandel
Verhouding 2:3 of 3:5
Goedgekeur 7 Desember 1946
Ontwerp ’n Wit VN-embleem (wêreldkaart omring deur twee olyftakke) op ’n blou agtergrond.
Ontwerp deur Donal McLaughlin (embleem van die Verenigde Nasies)
’n Wapperende vlag van die Verenigde Nasies op die United Nations Plaza in die Civic Center, San Francisco, Kalifornië
Ontwerp is in verlede gebruik maar sedertdien laat vaar Die "Verenigde Nasies se Eer-vlag", gebruik as 'n simbool van die Geallieerdes tydens die Tweede Wêreldoorlog, ca. 1943 tot 1948
Ontwerp is in verlede gebruik maar sedertdien laat vaar Die eerste weergawe van die VN se vlag, April 1945 tot 1947

Die vlag van die Verenigde Nasies is op 7 Desember 1946 amptelik in gebruik geneem en bestaan uit ’n wit VN-embleem (wêreldkaart omring deur twee olyftakke) op ’n blou agtergrond.

Ontwerp[wysig | wysig bron]

Die embleem se ontwerp word beskryf as:

’n Kaart van die wêreld wat ’n azimutale ewe ver projeksie gesentreer op die Noordpool verteenwoordig, ingeskrewe in ’n krans uit gekruisde konvensionele takke van die olyfboom, . . . Die projeksie van die kaart strek tot 60 breedtegrade suid en sluit vyf konsentriese sirkels in.
Amptelike seël en embleem van die Verenigde Nasies, verslag van die sekretaris-generaal, 15 Oktober 1946[1]

Die olyftakke is ’n simbool vir vrede en en die wêreldkaart verteenwoordig al die mense en die lande van die wêreld. Wit en blou is die amptelike kleure van die Verenigde Nasies.

Geskiedenis[wysig | wysig bron]

Die organiseerders van die Verenigde Nasies se konferensie van 1945 in San Francisco, Kalifornië, wou ’n kenteken wat gemaak kan word van ’n pen om afgevaardigdes te identifiseer. Die Amerikaanse staatsekretaris Edward Stettinius, Jr. was voorsitter van die Amerikaanse delegasie en het besef dat ’n tydelike ontwerp van die Verenigde Nasies ’n permanente simbool kan word. Hy het ’n komitee onder leiding van Oliver Lundquist gevorm dat ’n ontwerp wat bestaan uit ’n wêreldkaart omring deur blare van ’n ontwerp wat deur Donal McLaughlin geskep is, ontwikkel het.[2][3]

Die blou wat in die agtergrond van die kenteken verskyn is gekies as "die teenoorgestelde van rooi, die kleur van oorlog",[4] hoewel die presiese skaduwee nooit amptelik bepaal is deur die Verenigde Nasies nie.[5] Die oorspronklike kleur wat deur die groep gekies is in 1945 was ’n grys blou wat verskil van die huidige vlag van die Verenigde Nasies. Die wêreldkaart wat gebruik is in die oorspronklike ontwerp was ’n azimutale projeksie gefokus op die Noordpool met die Verenigde State van Amerika, die gasheerland van die konferensie, in die middelpunt. Die projeksie wat gebruik is het gedeeltes van die Suidelike Halfrond by die breedtegraad van Argentinië afgesny, wat by die tyd aanvaarbaar was, omdat Argentinië nie beplan was as ’n oorspronklike lid van die Verenigde Nasies nie.[6] Die projeksie is later verander sodat geen land op die voorgrond van die vlag sal wees nie. Die nuwe logo is nou so ontwerp dat die wêreld verdeel word in die middel deur die eerste meridiaan en die internasionale datumgrens.

In 1946 het ’n VN-komitee die taak vir ’n definitiewe ontwerp gekry, wat aangebied is op 2 Desember 1946 en op 7 Desember 1946 aanvaar deur die voltallige sitting van die VN. In die vorige weergawe het die wêreld 90 grade gedraai na die ooste in vergelyking met die huidige vlag, wat die eerste meridiaan en die internasionale datumgrens vir die vorming van die vertikale deursnee het. Volgens persverklarings is die verandering gemaak om Noord-Amerika weg te beweeg van die sentrum van die embleem.[7]

Gebruik[wysig | wysig bron]

Volgens die konvensie oor die veiligheid van die Verenigde Nasies en geassosieerde personeel kan die embleem en die vlag van die Verenigde Nasies deur die personeel en materiaal van die VN se vredesendings gebruik word as ’n beskermende teken om aanvalle tydens ’n gewapende konflik te voorkom. Die vlag van die Verenigde Nasies kan ook gevlieg word as ’n wagpos-vlag met ander landsvlae. Die wagpos-grootte is 10 voet by 30 voet.

Soortgelyke vlae[wysig | wysig bron]

Agentskappe en organisasies[wysig | wysig bron]

  • Die vlag van die Wêreldvoedselprogram het die olyf blare van die VN se vlag met ’n hand in die sentrum wat korrels vashou in plek van die wêreldkaart. Die wit / blou kleure van die VN se vlag omgekeer in die WVP se vlag.
Vlag Entiteit-afkorting Entiteitsnaam Beeldbeskrywing
Flag of IAEA.svg IAEA Internasionale Atoomenergie-Agentskap Die IAEA het ’n vlag met dieselfde kleure en olyfblare soos die Verenigde Nasies. Die sentrale simbool is ’n model van ’n Rutherford-atoom. Die IAEA is onafhanklik van maar verslagdoening aan die Verenigde Nasies.
Flag of ICAO.svg ICAO Internasionale Burgerlugvaartorganisasie Is dié van die VN met gesuperponeerde vlieëniervlerke.
Flag of ILO.svg ILO Internasionale Arbeidsorganisasie Is dié van die VN, maar die vervanging van die kaart met ’n onderbroke rat-wiel met die letters "ILO" daarin.
Flag of the International Maritime Organization.svg IMO Internasionale Maritieme Organisasie Neem die VN se vlag, krimp die kaart en sit ’n vasgeketting-kruis van ankers agter dit.
ITU Internasionale Telekommunikasie Unie Gebruik die ITU-kenteken — ’n aardbol, weerligstraal en die letters "ITU".
Flag of UNESCO.svg UNESCO Opvoedkundige, Wetenskaplike en Kulturele Organisasie van die Verenigde Nasies Het dieselfde kleure as die Verenigde Nasies; die simbool is ’n Griekse tempel (moontlik die Parthenon), wat wetenskap, geleerdheid en kultuur verteenwoordig. Die ses kolomme is gemaak van die letters van die organisasie se naam.
UNICEF Verenigde Nasies se Kinderfonds Het die blare en die wêreldkaart van die VN se vlag maar met ’n ma en kind inlegsel in plaas van die wêreldkaart.
Flag of UPU.svg UPU Wêreldposunie Is in die VN se blou met die organisasie se logo in wit.
Flag of WHO.svg WHO Wêreldgesondheidsorganisasie Identies aan die VN se vlag, met ’n staf van Asklepios, ’n tradisionele simbool van medisyne, bygevoeg.
Flag of the World Meteorological Organization.svg WMO Wêreld Meteorologiese Organisasie Die vlag is dié van die VN met ’n kompasroos en die letters "OMM/WMO" bo-op die wêreldkaart.

Landsvlae[wysig | wysig bron]

  • Die vlag van Somalië, met ’n vyf-puntige ster as sentrale simbool, gebruik die blou kleur van die VN se vlag ter ere van die VN se hulp om Somalië se onafhanklikheid te verkry.[8][9]
  • Die VN se administrasie van Kambodja (UNTAC) gebruik die VN se kleure.[10]

Voorgestelde vlae[wysig | wysig bron]

  • Miskien die mees gewilde voorgestelde vlag van Antarktika (die ontwerp Graham Bartram) gebruik die VN se kleure, bestaande uit ’n gewone wit verteenwoordiging van die vasteland op ’n blou agtergrond.
  • ’n Aantal van die voorgestelde vlae van Bosnië en Herzegowina gebruik die VN se kleure.
  • ’n Voorgestelde vlag vir ’n parlementêre vergadering van die Verenigde Nasies gebruik dieselfde kleure en olyftakke en maak gebruik van die kartografiese elemente van die wêreldkaart vir ’n ontwerp wat soos parlementêre banke lyk.

Gebruik buite die Verenigde Nasies[wysig | wysig bron]

  • Die VN se vlag word uitgebeeld in die agtergrond van die voormalige sekretaris-generaal van die VN, Dag Hammarskjöld, op Swede se nuwe 1 000 SEK-munt, die land se hoogste denominasie. Dit word beplan om vrygestel te word deur die sentrale bank van Swede in Oktober 2015.[11]

Verwysings[wysig | wysig bron]

  1. (en) Algemene vergadering van die VN A/107, Amptelike seël en embleem van die Verenigde Nasies, 15 Oktober 1946
  2. (en) Bertram, Hulen. "Origin of the UNO Seal", The New York Times, 10 Maart 1946. Besoek op 4 Januarie 2009.
  3. (en) Lyons, Catherine. "UN Logo Designer Celebrates His Centennial", United Nations Association, ca. 1975. Besoek op 4 Januarie 2009.
  4. (en) UN General Assembly A/107, Official Seal and Emblem of the United Nations, 15 Oktober 1946. Besoek op 15 Maart 2010.
  5. (en) Flags Of The World, United Nations Organization, Flag Colour. Besoek op 15 Maart 2010.
  6. (en) Heller, Steven. "Oliver Lincoln Lundquist, Designer, Is Dead at 92 ", The New York Times, 3 Januarie 2009. Besoek op 4 Januarie 2009.
  7. (en) Flags Of The World, United Nations Organization, UN Flag, 1945
  8. (en) Znamierowski, Alfred. The World Encyclopedia of Flags. p. 222. ISBN 0-7548-0167-5. 
  9. (en) Talocci, Mauro. Guide to the Flags of the World. p. 131. ISBN 0-688-01141-1. 
  10. (en) "Cambodian flag history". 
  11. (en) "New banknotes". Sveriges Riksbank. Verkry op 1 Junie 2013. 

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.