Vlag van Somalië

Vlag van Somalië

Vlag van Somalië
Gebruik	Nasionale vlag en vaandel
Verhouding	1:2
Goedgekeur	12 Oktober 1954
Ontwerp	’n Blou vlag met ’n wit ster in die middel.
Ontwerp deur	Mohammed Awale Liban

Die nasionale vlag van Somalië (Somalies: Calanka Soomaaliyaa; Arabies: علم الصومال) is op 12 Oktober 1954 amptelik in gebruik geneem. Die vlag vertoon ’n enkele blou baan met ’n wit vyfpuntige ster in die middel van die vlag.

Simboliek

Die blou baan herinner ’n mens aan die Verenigde Nasies wat op ’n punt die area geadministreer het. Die vyfpuntige ster stel die vyf areas voor waarvandaan die Somaliërs afkomstig is nl.: noordelike Somalië, suidelike Somalië, noordelike Kenia, suidelike Ethiopië en Djiboeti. Die ster is ook ’n simbool van vryheid en die wit stel hoop, vrede en vooruitgang voor.

Ontwerp

Die vlag van Somalië is gebaseer op die vlag van die Verenigde Nasies, die verskil is dat daar ’n ster in die middel van die vlag is. Die vlag is ook soortgelyk aan die vlag van Viëtnam en die Bonnie Blue-vlag.

Kleure

Hemelblou-weergawe van die Somaliese vlag

Die kleurskema word hieronder gelys:

	Blou	Wit
RGB	65/137/221	255/255/255
Heksadesimaal	#4189DD	#FFFFFF
CMYK	71/38/0/13	0/0/0/0

Konstruksie

Die vlag van Somalië kan met behulp van die volgende konstruksieplan gereproduseer word:

Konstruksietekening

Ander vlae

Verskeie gebiede van Somalië het hul onafhanklikheid van die sentrale regering verklaar. Somaliland, Jubaland, Suidwes-Somalië, Puntland en die Maakhirstaat gebruik hul eie vlae, terwyl die Noordlandstaat en Galmudug die vlag van Somalië gebruik.

• 
  Vlag van Italiaans-Somaliland, 1889 tot 1947
• 
  Vlag van Brits-Somaliland, 1950 tot 1960
• 
  Vlag van Awdalland
• 
  Vlag van Azanië, sedert 2011
• 
  Vlag van Ahlu Sunnah Waljamaca
• 
  Vlag van Jubaland, 1998 tot 2001
• 
  Vlag van Jubaland, sedert 2010
• 
  Vlag van die Maakhirstaat, 2007 tot 2008
• 
  Vlag van die Maakhirstaat, sedert 2008
• 
  Vlag van Puntland, sedert 2009
• 
  Vlag van Suidwes-Somalië, 2002 tot 2006
• 
  Vlag van Somaliland, 1991 tot 1996
• 
  Vlag van Somaliland, sedert 1996
• 
  Vlag van die Somaliese streek in Ethiopië, 1994 tot 2008
• 
  Vlag van die Somaliese streek in Ethiopië, sedert 2008
• 
  Vlag van Ogaden in Ethiopië

Soortgelyke vlae

• 
  Vlag van Viëtnam, sedert 1945
• 
  Vlag van Stellaland, 1883 tot 1885
• 
  Vlag van Belgies-Kongo, 1908 tot 1960
• 
  Konfederale Bonnie Blue-vlag, 1961

Sien ook

• Vlag van Puntland
• Vlag van Somaliland
• Volkslied van Somalië

Eksterne skakels

• (en) Somalië by Flags of the World.
• (en) "Flag of Somalia". Encyclopædia Britannica. Besoek op 15 Mei 2019.

Hierdie artikel is in sy geheel of gedeeltelik vanuit die Nederlandse Wikipedia vertaal.