Waterbergplato Nasionale Park

in Wikipedia, die vrye ensiklopedie
Jump to navigation Jump to search
Waterbergplato Nasionale Park
Uitsig op die Waterberggelykveld
Uitsig op die Waterberggelykveld
Land Namibië
Ligging van Waterbergplato Nasionale Park op 'n kaart (Namibië)
Waterbergplato Nasionale Park
Waterbergplato Nasionale Park
Koördinate: 20°25′S 17°13′O / 20.417°S 17.217°O / -20.417; 17.217Koördinate: 20°25′S 17°13′O / 20.417°S 17.217°O / -20.417; 17.217
Oppervlak 405 km²
Openingsjaar 1972
Bestuursliggaam Ministerie van Omgewingsake
en Toerisme
Seëls van Duits-Suidwes-Afrika geposmerk Waterberg

Waterbergplato Nasionale Park is 'n nasionale park in sentraal-Namibië, 68 kilometer (42 myl) suidoos van Otjiwarongo. Die nasionale park is vernoem na die prominente tafelberg, die Waterberg, wat bo die gelykveld uitstyg. Die Waterberggelykveld is geografies besonders prominent, aangesien dit hoog uitstyg bo die eenvormige Kalaharivlaktes van die ooste van Namibië. Dit is in 1972 en as die Waterbergpark geproklameer. 'n Gebied van 405 vierkante kilometer (156 vk. m.) word bewaar, wat die berg en dele van die omliggende land insluit.

Omdat die gelykveld grootliks ontoeganklik is, is verskeie van Namibië se bedreigde spesies in die vroeë 1970's hierheen verskuif om hul van uitwissing deur roofdiere en stropery te beskerm. Die program was baie suksesvol en die Waterbergplato verskaf nou diere aan ander Namibiese parke. In 1989 is swartrenosters uit hierdie reservaat in Damaraland hervestig.

Die Waterbergplatopark is ekologies ryk en divers en huisves meer as 200 verskillende voëlspesies asook 'n paar spesies van klein antilope in die voetheuwels van die berg. Geologiese opnames dateer die oudste rotsstratum na meer as 850 miljoen jaar gelede. Dinosourusspore van sowat 200 miljoen jaar oud is ook hier agtergelaat.

Die gelykveld is in 1956 tot 'n nasionale monument verklaar.[1]

Menslike bewoning[wysig | wysig bron]

Hererostam ongeveer 1910

Die eerste menslike inwoners was die Sanmense wat rotstekeninge gelaat het. Daar word vermoed dat dié tekeninge tot 'n paar duisend jaar oud kan wees. 'n Klein stam van die Sanmense het nog in hul tradisionele leefstyl die gelykveld bewoon tot in die laat 1960's.

Die voetheuwels was die lokus vir een van die belangrikste draaipunte in Namibiese geskiedenis. Op 11 Augustus 1904, met die Slag van Waterberg, het die Hereromense hul laaste en grootste stryd teen die Duitse Koloniale magte verloor tydens die Herero- en Namaqua-oorloë.[2] Daarna, in die Herero en Namaqua volksmoord, het byna twee derdes van die Hererobevolking hul lewens verloor, en oor 'n duisend kon ontsnap na Brits-Betsjoeanaland (hedendaagse Botswana). Die grafte van die Duitse soldate wat gesneuwel het by Waterberg kan steeds gesien word naby die Bernabe de la Bat-ruskamp aan die voet van die plato.

Verwysings[wysig | wysig bron]

  1. Voigt, Andreas (2004). National Monuments in Namibia: An Inventory of Proclaimed National Monuments in the Republic of Namibia. Gamsberg Macmillan. p. 1-3. ISBN 9991605932. 
  2. Cassidy, Joseph (2009). Place Names of Namibia A Historical Dictionary. Windhoek: Macmillan Education Namibia Publishers (Pty) Ltd. p. 119. ISBN 978-99916-0-654-5.