Wesel (dier)

in Wikipedia, die vrye ensiklopedie
Spring na: navigasie, soek
Wesel
Tydperk: Laat Pleistoseen–Onlangs
'n Wesel in Surrey, Engeland
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Carnivora
Familie: Mustelidae
Genus: Mustela
Spesie: M. nivalis
Binomiale naam
Mustela nivalis
Linnaeus, 1766
Globale verspreiding
Globale verspreiding

'n Wesel (Mustela nivalis) is 'n klein karnivoriese roofdier. Dit is die kleinste roofsoogdier ter wêreld. 'n Wyfie weeg slegs 35 gram, selfs ligter as 'n veldmuis.

Wesels het 'n lang, dun liggaampie met kort pootjies. Die volwasse dier is ongeveer 4 tot 5 sentimeter dik en 16,5 tot 24 sentimeter lank. Die stert is ongeveer 6 sentimeter lank. Die wyfies is ietwat kleiner as die mannetjies. Dié wat in die suide van Europa voorkom is groter as dié in die noorde. Hulle grootte wissel verder van streek tot streek.

'n Wesel in wintergewaad.

Die diertjies het 'n rooierige tot kastaiingbruin rugkant en 'n wit onderkant. In die noorde word hulle (gedeeltelik) wit in die winter. Die wit pels dien as kamoeflering teen die sneeu.

'n Wesel in somergewaad.

Wesels vreet muise, konyne, voëls, eiers, klein reptiele, paddas en insekte. Meeste van hulle prooi is groter as hulself. Hulle eet ongeveer 'n derde van hul liggaamsgewig aan voedsel elke dag. Hulle moet daagliks voed om nie van hongersnood om te kom nie.

Die eerste werpsel word in April en Mei, na 'n draagtyd van 34 tot 37 dae, gebore. As daar genoeg voedsel is, word 'n tweede werpsel in Julie of Augustus gebore. Die werpsel bestaan uit een tot ses kleintjies. Die kleintjies se ogies gaan na vier weke oop, en na 'n verdere drie tot vier weke word hulle gespeen. As die kleintjies agt weke oud is, kan hulle al goed jag.

Ná 40 tot 45 weke verlaat die kleintjies hul moeder om 'n eie territorium te soek. Die diere is na 5 tot 7 maande geslagsryp. Hulle word in die wildernis 'n maksimum van drie jaar oud, maar kan in gevangenisskap tot 50 jaar oud word.

Subspesies[wysig | wysig bron]

Daar word oor die algemeen tussen twee subspesies onderskei:

Die twee subspesies verskil in liggaamsbou, velkleur, gedrag en voortplanting. Hulle kan egter met mekaar kruis en vrugbare kleintjies voortbring.

Verwysings[wysig | wysig bron]

  1. Tikhonov, A., Cavallini, P., Maran, T., Kranz, A., Herrero, J., Giannatos, G., Stubbe, M., Conroy, J., Kryštufek, B., Abramov, A., Wozencraft, C., Reid, F. & McDonald, R. (2008). Mustela nivalis. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 21 Maart 2009.

Eksterne skakels[wysig | wysig bron]