William Francis Butler

in Wikipedia, die vrye ensiklopedie
Jump to navigation Jump to search
William Francis Butler
William Francis Butler

William Francis Butler in 1883

Geboortedatum 31 Oktober 1838
Geboorteplek Golden, Ierland
Sterfdatum 7 Junie 1910 (op 71
Sterfplek Bansha, Ierland
Lojaliteit Vlag van Verenigde Koninkryk Verenigde Koninkryk
Diens/Tak Flag of the British Army.svg Britse Weermag
Rang Luitenant-generaal
Eenheid 69ste Regiment
Poste beklee Suid-Afrika
Veldslae/oorloë Anglo-Zoeloeoorlog
Tweede Vryheidsoorlog
Toekennings Order of the Bath

Sir William Francis Butler (1838–1910) was 'n Britse generaal en ook waarnemende Goewerneur van die Kaapkolonie. Hy is in 1838 in Tipperary, Ierland, gebore. Op 20 jarige ouderdom sluit hy aan by die 69ste regiment. Hy besoek Suid-Afrika as staflid van generaal sir Garnet Wolseley toe hy in 1875 na Natal gestuur is. Wolseley stuur Butler na Bloemfontein op 'n geheime sending en later veg Butler onder Wolseley in die Anglo-Zoeloeoorlog van 1879–80. Van 1880 tot 1898 beklee hy hoë poste by Aldershot en elders in Brittanje. Kort voor die uitbreek van die Tweede Vryheidsoorlog in 1898 word hy in bevel geplaas van die troepe van die Kaap.

Hy maak homself egter ongewild toe hy die owerhede waarsku dat 'n baie groot mag nodig sal wees om die Boere te oorwin. Om dié rede is hy teruggeroep en in bevel van die Western District in Engeland geplaas. Hy bly woon in Engeland maar besoek Suid-Afrika weer in 1906. Hy het 'n aantal puik boeke geskryf, waaronder verskeie oor Suid-Afrika. Hy is op 7 Junie 1910 oorlede.

Bron[wysig | wysig bron]

Eksterne skakels[wysig | wysig bron]