Wortelboommoerasse van Suid-Afrika en Mosambiek

in Wikipedia, die vrye ensiklopedie
Wortelboommoerasse van Suid-Afrika en Mosambiek
Ekostreek
WWF-kode AT1405
Lande Suid-Afrika, Mosambiek
Bioom Wortelboommoeras
Ekosone Afrotropiese gebied
Floraryk Paleotropis
Oppervlakte   1 036  km²
Beskerm %
Avicennia marina
Avicennia marina
Portaal  Portaalicoon   Biologie

Die Wortelboommoerasse van Suid-Afrika en Mosambiek vorm 'n klein ekostreek van die Afrotropiese gebied. Die streek bestaan uit party klein wortelboomgebiedjies in suidelike Mosambiek en die Suid-Afrikaanse provinsies KwaZulu-Natal en Oos-Kaap.

Verder noordwaarts, langs die kus van Mosambiek en Oos-Afrika lê die ekostreek wortelboommoerasse van Oos-Afrika (AT1402), wat groter en beter ontwikkel is. Die verskil is hoofsaaklik dat die suidelike wortelboommoerasse die enigste subtropiese wortelboommoerasse van Afrika vorm. Hulle is op hoër breedte geleë, maar die Agulhasstroom, wat kuslangs vloei, verwarm hul habitat.[1]

Op die voormalige Transkei se kus kom wortelbome in 17 riviermondings voor, maar hul totale oppervlakte beslaan slegs 0,17 km². Spesies soos Avicennia marina, Bruguiera gymnorrhiza en Rhizophora mucronata word daar aangetref. In die Mkozi-monding word ook die manglietvaring Acrostichum aureum L. aangetref.[2]

Galery[wysig | wysig bron]

Sien ook[wysig | wysig bron]

Verwysings[wysig | wysig bron]

  1. "WWF AT1405" (in Engels). Geargiveer vanaf die oorspronklike op 22 April 2019.
  2. "The distribution and state of mangroves along the coast of Transkei, Eastern Cape Province, South Africa,J. B. Adams, B. M. Collot, yG. C. Bate, Wetlands Ecology and Management, October 2004, Volume 12, Issue 5, pp 531–541".