Kuswoud van Maputaland

in Wikipedia, die vrye ensiklopedie
Kuswoud van Maputaland
Ekostreek
WWF-kode AT0119
Lande Suid-Afrika, Mosambiek, Eswatini
Bioom Tropiese of subtropiese reënwoud
Ekosone Afrotropiese gebied
Floraryk Paleotropis
Oppervlakte   30 300  km²
Beskerm 14 %
Portaal  Portaalicoon   Biologie

Kuswoud van Maputaland is 'n WWF-ekostreek wat die kusstreke tussen die Mosambiekse stad Xai-Xai en Kaap St. Lucia in KwaZulu-Natal omvat.[1]

Die streek[wysig | wysig bron]

Dié streek is meesal vlak en laer as 150 m hoogte geleë. Net aan sy wesrand in die Lebomboberge styg dit tot ongeveer 600 m. Hierdie berge vorm die ekostreek se grens.

Die klimaat is vogtig en subtropies. Aan die kus val 1000 mm per jaar neerslag. In die binneland verminder dit tot 600 mm, maar die Lebomboberge ontvang 'n bietjie meer, ongeveer 800 mm per jaar. Die somer is warm en nat, die winter koel en droog. Die gemiddelde temperatuur is rondom 22 °C. Daar is heelwat moerasse en mere. Die St. Luciameer beslaan 350 km² en die Sibayimeer, wat die grootste varswatermeer van Suider-Afrika is, beslaan 60 km². [1]

Flora[wysig | wysig bron]

Op die Lebomboberge groei bos. Die kroon is 10 - 35 m hoog. Van die boomspesies is Chrysophyllum viridifolium, Homalium dentatum, Combretum kraussii en verskeie Ficus, Celtis en Strychnos spp. [1]

'n Besondere soort woud is die sandbosse wat groei op wat vroeër kusduine was, maar nou landwaarts geleë is. Hierdie soort bos is ryk aan boomspesies en het talle endemiese spesies, soos Vitex ferruginea subsp. amboniensis, Hyperacanthus microphyllus en Combretum mkuzense. In Mosambiek kom in die sandbos Afzelia quanzensis voor. Ander kenmerkende spesies is Cleistanthus schlechteri, Newtonia hildebrandtii, Hymenocardia ulmoides, Psydrax fragrantissima, Croton pseudopulchellus en Drypetes arguta.

Sien ook[wysig | wysig bron]

Verwysings[wysig | wysig bron]