Woud van Knysna en die Amathole

in Wikipedia, die vrye ensiklopedie
Woud van Knysna en die Amathole
Ekostreek
WWF-kode AT0115
Bioom Tropiese of subtropiese reënwoud
Ekosone Afrotropiese gebied
Floraryk Paleotropis
Oppervlakte   3100  km²
Beskerm %
Portaal  Portaalicoon   Biologie

Die woud van Knysna en die Amathole is 'n WWF-ekostreek van Suid-Afrika. Dit is die suidelikste subtropiese reënwoude in Afrika en die suidelikste Afromontane woude. Die twee grootste stukke wat oorgebly het, is die woud van Knysna (568 km²) in die Wes-Kaap en die Amathole-kompleks naby Hogsback (405 km²) in die Oos-Kaap.

Dir grond is gewoonlik arm en suur. Naby Knysna wissel die hoogte van 5 tot 1 220 m, in die Amathole van 700 – 1 250 m. Temperature is gematig: vir die Knysnawoud is die gemiddeld 23,8 °C in die somer en 18,2 °C in die winter. In die Amatholewoud is dit 19,7 °C en 8,9 °C en in die winter kan dit daar sneeu. Neerslag wissel van 525 –1220 mm per jaar en van 750 – 1500 mm per jaar.[1]

Flora[wysig | wysig bron]

Daar word bome hier aangetref wat nie uit die trope stam nie, soos Platylophus trifoliatus en Cunonia capensis, maar die meeste spesies is tropies, soos Olea capensis, Ocotea bullata, Afrocarpus falcatus, Podocarpus latifolius, Ilex mitis, Apodytes dimidiata, Rapanea melanophloeos, Cassine peragua, Ochna arborea, Curtisia dentataen Gonioma kamassi.

Onder die bome word ook Burchellia bubalina, Trichocladus crinitus, Rumohra adiantiformis en Streptocarpus spesies gevind.

Fauna[wysig | wysig bron]

Party seldsame soogdiere word hier aangetref: Samango-aap, boomdassie, blouduiker, reuse-gouemol, ratel en langstertbosskeerbek.

Verwysings[wysig | wysig bron]

  1. "WWF AT0115" (in Engels). Geargiveer vanaf die oorspronklike op 22 April 2019.