Yahya Jammeh

in Wikipedia, die vrye ensiklopedie
Yahya Jammeh
Yahya Jammeh
Yahya Jammeh in 2014

2de President van die Gambië
Ampstermyn
22 Julie 1994 – 21 Januarie 2017
Vise Isatou Njie-Saidy
Voorafgegaan deur Dawda Jawara
Opgevolg deur Adama Barrow

Persoonlike besonderhede
Gebore Yahya Abdul-Aziz Jammeh
(1965-05-25)25 Mei 1965
Kanilai, Gambië
Politieke party Alliansie vir Patriotiese Heroriëntasie en Konstruksie
Eggenoot/-note Zeinab Soumah
Alima Sallah (moontlik geskei)
Tuti Faal (1994–98; geskei)
Kind(ers) 2
Alma mater Western Hemisphere Institute for Security Cooperation
Religie Soenni-Islam

Militêre diens
Lojaliteit Vlag van Gambië Gambië
Diens/Tak Gambiese Nasionale Weermag
Jare in diens 1984–1996
Rang Kolonel

Yahya A.J.J. Jammeh Balili Mansa, gebore 25 Mei 1965 in die dorp Kanilai in die Foni Kansala-distrik,[1] was 22 jaar lank president van Gambië. Op 21 Januarie 2017 het hy in Ekwatoriaal-Guinee in ballingskap gegaan.

Familie[wysig | wysig bron]

Eerste Dame Zineb

Yahya Jammeh is getroud met Zineb Yahya Jammeh en het twee kinders Mariam en Muhammed Jammeh.[1] Hy het 'n tweede vrou Alima Sallah, maar sy het nie die titel van Eerste Dame gekry nie.[2]

Militêr[wysig | wysig bron]

Op 1 April 1984 tree hy in diens van die Nasionale Gendarmerie van Gambië en word in 1987 'n offisier. In 1993 ontvang hy militêre opleiding in Port McClellan in Alabama (VS) en word op 28 Augustus 1996 'n kolonel in die leër.[1]

President[wysig | wysig bron]

In 1994 voer hy as 29-jarige luitenant 'n staatsgreep uit en word president van Gambië. Later het hy vier keer 'n verkiesing met verskeie partye gewen. Die laaste een in 2011 is egter nie deur die leiers van die Ecowas-state erken nie, omrede daar "intimidasie en onderdrukking" plaasgevind het. In 2013 het hy sy land uit die Britse Statebond onttrek, wat sy isolasie net versterk het. Hy het Engels as die amptelike taal afgeskaf en dit met Arabies vervang.[3] Hy het toe ook verklaar dat sy lot net in die hande van Allah was en dat hy 'n miljard jaar sou regeer.[2]

Ballingskap[wysig | wysig bron]

In Desember 2016 het hy egter 'n nuwe verkiesing verloor. Aanvanklik het hy sy aftog erken, maar later het hy geweier om die mag oor te dra. Op 20 Januarie is die nuwe president Barrow in die Gambiese ambassade in Senegal beëdig en het Ecowas-magte Gambië binnegeval. Yahya is toe ná onderhandelings in ballingskap gedwing. Sy opvolger Barrow het gemeld dat hy die staatskoffers leeg agtergelaat het.[4]

Die ECOWAS-magte het nouliks teenstand ondervind omrede die hoof van die Gambiese leër Ousman Badjie sy trou aan Barrow verklaar het. In Ekwatoriaal-Guinee het die opposisieparty Convergence for Social Democracy (CPDS) Jammeh se aankoms met hoon begroet. Dié land se leier Teodoro Obiang Nguema het ook deur 'n staatsgreep -teen sy oom- aan die mag gekom en is reeds sedert 1979 president. Die land het nie die Statuut van Rome wat die Internasionale Kriminele Hof gestig het, onderteken nie, wat beteken dat Jammeh nie hoef te vrees om vir Misdade teen die Mensdom voor hierdie hof gedaag te word nie.[5]

Verwysings[wysig | wysig bron]

  1. 1,0 1,1 1,2 inligting van http://statehouse.gov.gm/the-president/ Geargiveer 6 Augustus 2016 op Wayback Machine op 21 Jan 2017
  2. 2,0 2,1 "BBC 21 Jan 2017" (in Engels). Geargiveer vanaf die oorspronklike op 15 Augustus 2019.
  3. "afrik.com" (in Frans). Geargiveer vanaf die oorspronklike op 29 November 2018.
  4. "The Guardian 22 Jan 2017" (in Engels). Geargiveer vanaf die oorspronklike op 5 Desember 2019.
  5. "Mail&Guardian 23 Jan 2017" (in Engels). Geargiveer vanaf die oorspronklike op 24 April 2018.

Eksterne skakels[wysig | wysig bron]