Akademia
| Akademia | |
|---|---|
 | |
| Leuse: | AD FUTURUM PER FONTES |
| Leuse in Afrikaans: | Na die toekoms deur die bronne |
| Gestig: | 2011 |
| Tipe: | Privaat |
| Befondsing: | Geen staatsbefondsing |
| Dekaan: | Dr. Rachel Maritz Prof. Hannes Rautenbach Prof. Pieter Duvenage Prof. Gawie du Toit Prof Hermie Coetzee |
| Direkteur: | Dr. Dirk Hermann Henk Schalekamp Piet Steyn Flip Buys |
| Personeel: | 196 |
| Studentetal: | 2 500 studente |
| Ligging: | Centurion, Pretoria, Gauteng |
| Kleure: | Blou Goud |
| Webtuiste: | akademia |
Akademia is ’n Suid-Afrikaanse privaat verskaffer van hoëronderwys in Afrikaans.[1] Dit vorm deel van die Solidariteit Beweging en is in 2011 gestig. Marthinus Visser dien as die besturende direkteur van Akademia en prof. Danie Goosen as akademiese hoof.[2]
Weens druk op voormalige Afrikaanse tersiêre instellings om Engels in plek van Afrikaans as voertaal aan te neem[3] het die Afrikaanse hoëronderwysaanbod gekrimp in Suid-Afrika en Akademia poog om hierdie gaping te vul. Akademia se voertaal is dienooreenkomstig Afrikaans. Akademia is geakkrediteer deur die Hoër Onderwyskwaliteitskomitee van die Raad op Hoëronderwys in Suid-Afrika. Studente aan Akademia het vanaf 2021 bedags begin klas draf op die Centurion-kampus, waar hulle op 'n tradisionele wyse onderrig word deur 'n dosent wat fisies in die klas teenwoordig is. Akademia bestaan tans uit vyf fakulteite wat verskeie grade, hoër sertifikate en nagraadse en gevorderde diplomas deur middel van die voltydse kontakmodel of nauurse afstandmodel aanbied.
Fakulteite[wysig | wysig bron]
Fakulteit Ekonomiese en Bestuurswetenskappe[wysig | wysig bron]
Die Fakulteit Ekonomiese en Bestuurswetenskappe bied tans tien kwalifikasies aan en twee bykomende kwalifikasies, 'n honneursgraad in Ondernemingsbestuur en 'n meestersgraad in Besigheidsadministrasie, is in die pyplyn.[4] Dr. Rachel Maritz is die dekaan van die Fakulteit Ekonomiese en Bestuurswetenskappe.
Die volgende kwalifikasies word tans deur die fakulteit aangebeid:
Voltydse kontakmodel[wysig | wysig bron]
- BCom (Finansiële & Bestuursrekeningkunde)
- BCom (Ekonomie & Regte)
- BCom (Ondernemingsbestuur)
Nauurse afstandsmodel[wysig | wysig bron]
- BCom (Bestuursrekeningkunde)
- BCom (Ekonomie & Regte)
- BCom (Finansiële Beplanning)
- BCom (Ondernemingsbestuur)
- Hoër Sertifikaat in Kantooradministrasie (Algemeen of Projekadministrasie)
- Hoër Sertifikaat in Rekeningkunde
- Nagraadse Diploma in Belasting
- Nagraadse Diploma in Bestuursrekeningkunde
- Gevorderde Diploma in Projekbestuur
Benewens bogenoemde kwalifikasies wat via die nauurse afstandsmodel aangebied word, sal Akademia vanaf Maart 2023 sy eerste honneurskwalifikasie, BComHons (Ondernemingsbestuur), aanbied.[5]
Fakulteit Geesteswetenskappe[wysig | wysig bron]
Die Fakulteit Geesteswetenskappe bied tans drie kwalifikasies aan, en een ander kwalifikasies, BA (Kultuurwetenskappe), sal in die toekoms by die aanbod gevoeg word.[6] Prof. Pieter Duvenage is die dekaan van die Fakulteit Geesteswetenskappe.
Die volgende kwalifikasies word tans deur die fakulteit aangebied:
Voltydse kontakmodel[wysig | wysig bron]
- BA (Kommunikasie en Joernalistiek)
- BA (Tale)[7]
- BSocSci (Politiek, Filosofie & Ekonomie)
Nauurse afstandmodel[wysig | wysig bron]
- BSocSci (Politiek, Filosofie & Ekonomie)
Fakulteit Natuurwetenskappe[wysig | wysig bron]
Die Fakulteit Natuurwetenskappe het hul eerste kwalifikasie, BSc (Wiskundige Wetenskappe), in 2021 bekendgestel en beplan om drie nuwe kwalifikasies in die toekoms aan te bied saam met die bestaande kwalifikasies naamlik: BSc (Fisiese Wetenskappe), BSc (Biologiese Wetenskappe) en BAgric (Landbou).[8] Prof. Hannes Rautenbach is die dekaan van die Fakulteit Natuurwetenskappe.
Die volgende kwalifikasie word tans deur die fakulteit aangebied:
Voltydse kontakmodel[wysig | wysig bron]
- BSc (Wiskundige Wetenskappe)
- BSc (Rekenaarwetenskappe)[9]
Fakulteit Regsgeleerdheid[wysig | wysig bron]
Die Fakulteit Regsgeleerdheid bied tans een kwalifikasie aan, Baccalaureus Legum (LLB), en daar word beplan om BA (Regte) by die aanbod te voeg. Prof. Hermie Coetzee dien tans as die dekaan van die Fakulteit Regsgeleerdheid.
Die volgende kwalifikasie word tans deur die fakulteit aangebied:
Nauurse afstandmodel[wysig | wysig bron]
- Baccalaureus Legum (LLB)
Voltydse kontakmodel[wysig | wysig bron]
- Baccalaureus Legum (LLB)
Fakulteit Opvoedkunde[wysig | wysig bron]
Die Fakulteit Opvoedkunde bied tans drie kwalifikasies aan, naamlik die Nagraadse Onderwyssertifikaat (NGOS) - Senior Fase- en VOO-onderwys, en BEd-kwalifikasies vir Grondslag- en Intermediêre Fase. Prof. Gawie du Toit is die dekaan van die Fakulteit Opvoedkunde.
Die volgende kwalifikasie word tans deur die fakulteit aangebied:
Nauurse afstandmodel[wysig | wysig bron]
- Nagraadse Onderwyssertifikaat (NGOS) - Senior Fase- en VOO-onderwys
Voltydse kontakmodel
- BEd (Grondslagfase-onderwys)
- BEd (Intermediêre Fase-onderwys)
Toekomstige Fakulteite[wysig | wysig bron]
Daar word beplan dat die Fakulteit Gesondheidswetenskappe BNur (Verpleegkunde) sal aanbied sodra die nodige akkreditasie verkry is. Verder word daar beplan dat die Fakulteit Ingenieurswese teen 2026 twee kwalifikasies, BIng (Elektroniese Ingenieurswese) en BIng (Elektriese Ingenieurswese), sal aanbied.[10]
Studiesentrums[wysig | wysig bron]
Akademia se studiesentrums verskil effens van die tradisionele universiteitskampus deurdat dit hoofsaaklik van tegnologie en afstandleer gebruik maak. Studente het by hierdie studiesentrums toegang tot gratis internet om van die aanlyngeriewe soos "Die Spens" (Akademia se aanlynstelsel) gebruik te maak. Verder kan die studente ook konferensies en klasse digitaal bywoon by hierdie sentrums.
Akademia het tans 'n landswye netwerk van studiesentrums.
- Studiesentrums volgens plek
| Naam | Stad | Provinsie | Besonderhede |
|---|---|---|---|
| Bellville | Bellville | Wes-Kaap | |
| Bloemfontein | Bloemfontein | Vrystaat | |
| Centurion | Centurion | Gauteng | Die oorspronklike studiesentrum asook die hoofkantoor van Akademia |
| George | George | Wes-Kaap | |
| Krugersdorp | Krugersdorp | Gauteng | |
| Paarl | Paarl | Wes-Kaap | |
| Pretoria-Lynnwood | Pretoria | Gauteng | |
| Pretoria-Die Moot | Pretoria | Gauteng | |
| Somersetwes | Kaapstad | Wes-Kaap | |
| Vanderbijlpark | Vanderbijlpark | Gauteng |
Kampusse[wysig | wysig bron]
Centurion-kampus[wysig | wysig bron]
Akademia het op 15 Maart 2021 'n tussentydse kampus in Centurion in gebruik geneem waar voltydse studente klasse bywoon. Die Centurion-kampus beskik oor 'n kafeteria, kliëntedienssentrum, biblioteek en behuising vir voltydse studente.[11]
Pretoria-Oos-kampus[wysig | wysig bron]
Akademia besit 'n gebied van ongeveer 220 hektaar in die ooste van Pretoria waar daar beplan word om 'n nuwe residensiële kampus te bou.[12] Daar word beoog dat die kampus teen 2025 in gebruik geneem sal word en dat dit 5000 voorgraadse en 2000 nagraadse studente sal huisves.[13]
Buitelandse studente[wysig | wysig bron]
Vanaf 2021 kan Afrikaanssprekendes in die buiteland ook aan Akademia studeer.[14]
Akademia et al.[wysig | wysig bron]
Akademia et al., gesetel onder die Akademia-vaandel, is in 2022 gevestig om praktykgerigte kortkursusse met ʼn akademiese onderbou aan individue en/of ondernemings te bied. Dié kortkursusse word aangebied deur uitgesoekte akademici en kundiges en word verpak om te fokus op die behoeftes van die werksplek asook akademiese verdieping.
Akademia et al. is daargestel om kortkursusse vir sertifikaatdoeleindes aan te bied bo en behalwe die Raad op Hoër Onderwys (RHO)-geakkrediteerde kwalifikasies wat tans deur Akademia aangebied word. Die opleidingsplatform bied die geleentheid aan individue om hulleself te ontwikkel, kennis te verdiep en hulleself beter toe te rus vir die werksplek (ongeag of hulle ʼn formele RHO-geakkrediteerde kwalifikasie vooraf voltooi het).
Verwysings[wysig | wysig bron]
- ↑ https://universities.co.za/places/akademia/ Opgespoor en besoek op 16 Maart 2024
- ↑ https://akademia.ac.za/personeel/akademie/bestuur/#_bestuurspan Geargiveer 27 Mei 2021 op Wayback Machine. Akademia. Besoek op 27 Mei 2021.
- ↑ IOL (Independent Online). ""Afrikaans must fall at Tuks – EFF"" (in Engels). Geargiveer vanaf die oorspronklike op 4 Julie 2017. Besoek op 17 Februarie 2016.
- ↑ https://akademia.ac.za/toekomsmusiek/ekonomiese-bestuurswetenskappe/#fakulteitgroei Geargiveer 27 Mei 2021 op Wayback Machine. Akademia. Besoek op 27 Mei 2021.
- ↑ https://akademia.ac.za/2023/01/04/bcomhons-2023/ Geargiveer 11 Januarie 2023 op Wayback Machine Besoek op 11 Januarie 2023
- ↑ https://www.bfnafrkultuur.org.za/index.php/component/k2/item/50-akademia-universiteit Besoek op 16 Maart 2024.
- ↑ https://maroelamedia.co.za/nuus/groot-vreugde-oor-akademia-se-taalstudie-kwalifikasie/ Opgespoor en besoek en 14 Maart 2024
- ↑ https://www.landbou.com/landbou/nuus/akademia-smee-bande-in-europa-vir-landbougraad-20230203 Besoek op 16 Maart 2024
- ↑ https://mybroadband.co.za/news/technology/415162-private-afrikaans-university-akademia-to-offer-tech-degrees.html Besoek op 16 Maart 2024
- ↑ https://akademia.ac.za/toekomsmusiek/ingenieurswese/#fakulteitgroei Geargiveer 27 Mei 2021 op Wayback Machine. Akademia. Besoek op 27 Mei 2021.
- ↑ https://mybroadband.co.za/news/technology/415162-private-afrikaans-university-akademia-to-offer-tech-degrees.html Besoek op 16 Maart 2024.
- ↑ https://www.youtube.com/watch?v=F3zj-I51MWc. Morning Shot. Onderhoud oorspronklik in Engels. Besoek op 27 Mei 2021.
- ↑ https://akademia.ac.za/toekomsmusiek/. Akademia. Besoek op 27 Mei 2021.
- ↑ https://maroelamedia.co.za/goeiegoed/goeie-nuus/wereldgehalte-onderrig-wereldwyd-in-afrikaans/ Besoek op 2 November 2020
