George

George
Die NG Kerk in George.
George
Koördinate: 33°58′0″S 22°27′0″O
Land	Suid-Afrika
Provinsie	Wes-Kaap
Distriksmunisipaliteit	Eden
Plaaslike Munisipaliteit	George
Stigting	1811
Vernoem na	George III
Regering
- Burgemeester	(DA)
Oppervlak
- Stad	1 072 km²  (413,9 vk m)
Bevolking (2007)
- Stad	136 542
- Digtheid	127,4/km² (330/myl2)
Tydsone	SAST (UTC+2)
Poskode	6530
Skakelkode(s)	+27 (0)44
Webwerf: www.george.org.za

George is 'n dorp in die provinsie Wes-Kaap, Republiek van Suid-Afrika, aan die suidekant van die Outeniekwaberge, met byna 200 000 inwoners.

George lê aan die kus sowat 300 km oos van Kaapstad aan die bekende Tuinroete. Saam met Mosselbaai vorm dit die ekonomiese hart van die Tuinroete. In die omgewing lê toeristetrekpleisters soos die wye strande, die volstruisdorp Oudtshoorn en Knysna met sy lagune.

George is bekend vir sy uitstekende gholfbane en die historiese Montagupas oor die Outeniekwaberge (geopen in 1847).

Geskiedenis

George Town, die eerste distrik, is op 23 April 1811 geproklameer. Die naam het die destydse monarg George III vereer. Adrianus van Kervel was as die eerste landdros aangestel. Die eerste NG gemeente is in 1812 gestig. Die eerste predikant was TJ Herold na wie die dorpie Herold en die vakansieoord Heroldsbaai vernoem is. Die eerste plaaslike owerheid is in 1837 verkies en die dorp het in 1884 volle munisipale status verkry.

Landbou

George staan as die hart van die Tuinroete bekend. Die Suid-Afrikaanse hopsbedryf is hier gesetel. Met sy Mediterreense klimaat en voldoende reën regdeur die jaar is die dorp uiters geskik vir die aanplanting van hierdie belangrike bestanddeel in die bierbrouproses. Die enigste brouery in die omgewing is in Knysna te vind.

Infrastruktuur

Dit het 'n lughawe wat dit regstreeks verbind met die groot stede soos Kaapstad en Johannesburg. Die dorp is padlangs verbind met Kaapstad en Port Elizabeth met die N2 nasionale pad. Die N12 verbind George via die Outeniekwapas met die binneland. Daar is ook 'n spoorlyn wat George met Mosselbaai en Oudtshoorn verbind. Die spoorlyn vanaf Kaapstad het die dorp in 1907 bereik.

Susterstede

• Tacoma, Washington, VSA
• Fuzhou, Sjina (Volksrepubliek van Sjina)

Sien ook

• Cradockpas
• Montagupas
• Outeniekwapas
• Outeniekwa Spoorwegpas
• Sewepassepad
• Lys van dorpe in Suid-Afrika
• Spookplekke in Suid-Afrika