Oesbekistan
|
|||||
 |
|||||
| Volkslied | Die volkslied van die Republiek van Oesbekistan | ||||
| Hoofstad | Tasjkent (Oesbekies: Tosjkent) | ||||
| President | Islam Karimov | ||||
| Eerste MInister | Sjavkat Mirzijajev | ||||
| Ampstaal | Oesbekies | ||||
| Oppervlakte – Totaal – % water |
55ste wêreldwyd 447 400 km² 4.9% |
||||
| Bevolking – (2005) – Digtheid |
27 950 000 57/km² |
||||
| Onafhanklikheid – Datum |
Van Sowjetunie 1 September 1991 |
||||
| Geldeenheid | Oesbekistani Som (UKS) | ||||
| Tydsone | UTC +5 | ||||
| Skakelkode | 998 | ||||
| Internet TLD | .uz | ||||
Oesbekistan of Oezbekistan is 'n land in Sentraal-Asië, wat van 1924 tot 1991 by die armste republieke van die Sowjetunie gereken word. Sy hoofstad is Tasjkent (Oesbekies: Tosjkent) met 2 229 400 inwoners (2005). Danksy 'n uitgestrekte besproeiingsstelsel is die republiek die Sowjetunie se vernaamste verskaffer van katoen.
In 1991 is die bevolking teensinnig om die onafhanklikheid van Rusland te aanvaar; lidmaatskap in 'n statebond met Rusland word veral om ekonomiese redes as voordelig beskou. Die ekonomiese agteruitgang skep 'n groot probleem vir die regering; tydens die Sowjetse heerskappy vind nog 'n grootskaalse industrialisering nog 'n russifisering plaas. Die regering tree gereeld met geweld teen die opposisie en Islamitiese fundamentaliste op. In Mei 2005 sterf meer as 1 000 betogers en soldate, nadat onluste in die stad Andisjan uitbreek.
Demografie[wysig]
Sowat 75 persent van die bevolking is Oesbeke, ses persent is Russe, vyf persent Tadjik en vier persent Kazak. 74.3 persent van die inwoners praat Oesbekies ('n Turkse taal) en 14 persent Russies. 88 persent van die Oesbeke is aanhangers van die Islam, nege persent is Ortodokse Christene.
Protestantisme[wysig]
Protestante maak minder as 1% van die bevolking van Oesbekistan uit. Die Evangelies-Lutherse Kerk in Oesbekistan is 'n kerk met sewe gemeentes. Die biskop se setel is in Tasjkent en die sinode se voorsitter is Gilda Raspopowa. Nuwe gemeentes mag nie gestig word nie, maar daar bestaan wel huiskerke van Oesbeke. Duisende Oesbeke het na 1991 die Christengeloof aangeneem. Christene word egter baie negatief voorgestel en word beskou as lede van 'n ekstreme kultus. In 2006 is 'n wet gepromulgeer wat 3 jaar gevangenestraf voorskryf vir die druk van godsdienstige boeke. Die regering vervolg Christene ekstensief, en in afgeleë streke ook sterk druk op Christene geplaas uit Islamitiese oorde.
Bronnelys[wysig]
- Protestantisme
- http://www.opendoorsuk.org.uk/news/news_archives/001239.php
- http://www.opendoors-de.org/index.php?supp_page=uz&supp_lang=de
- http://sb.od.org/index.php?supp_page=wwl_deteriorated&supp_lang=en
- Bron van die lys: World Christian Encyclopedia, Tweede uitgawe, Volume 1, bladsy 795.
