Deon Maas
Deon Maas is 'n Suid-Afrikaanse joernalis en mediapersoonlikheid.[1]
Maas het sy loopbaan begin in bemarking by Eerste Nasionale Bank. Hy het as joernalis vir You/Huisgenoot, Rooi Rose, Personality en Scope gewerk en was die redakteur van Youth-tydskrif. Tussen 1992 en 1998 het hy vir Tusk Musiek as Musiekbestuurder gewerk en tussen 1998 en 2003 vir Gallo Musiek as Bemarkings- en later Algemene Bestuurder.[2] In 2006 was hy een van die beoordelaars van kykNET se Afrikaanse Idols.[3] Hy is een van die aanbieders van die geselsprogram SaterdagNag op kykNET.[2]
Kort nadat sy eerste rubriek in Rapport gepubliseer is, is hy afgedank na 'n virale boikotveldtog per e-pos en SMS teen hom en Rapport van stapel gestuur is. Die veldtog het ontstaan na aanleiding van 'n stelling wat Maas gemaak het in sy eerste rubriek waarin hy geskryf het oor Satanisme: "’n godsdiens wat die reg het om beoefen te word".[4]
Volgens 'n berig in Rapport het 'n inskrywing van die webjoernaalskrywer en teologieprofessor aan die Universiteit van Pretoria, prof. Hennie Stander, moontlik tot die veldtog gelei. Stander ontken egter dat hy die boikot bepleit het maar stel wel dat "dit hom nie in die minste sou pla nie" as sy webjoernaal daartoe aanleiding gegee het nie.[4] Maas se afdanking het beide positiewe en negatiewe reaksie uitgelok. Volgens Rapport het die hoogleraar in joernalistiek by die Universiteit van die Witwatersrand, prof. Anton Harber, gesê dit is "hartseer om te sien ’n koerant swig voor sulke menings", terwyl die Freedom of Expression Institute gesê het dat Rapport sy "etiese waardes verraai het deur te swig voor die druk […]".[5]
'n Veldtog vir die heraanstelling van Maas is deur diegene wat Rapport se besluit teenstaan op die sosiale webruimte Facebook begin.[6]
Werke
[wysig | wysig bron]Boeke
[wysig | wysig bron]- Witboy in Afrika: Reise deur die donker kontinent
- Witboy in Berlyn: Avonture in die Eerste Wêreld
- Melk die heilige koeie: Van baarde en banting tot Zupta en zol
Televisiereekse
[wysig | wysig bron]Dokumentêre films
[wysig | wysig bron]- Who Killed Johannes Kerkorrel? [7][1]
- Punk in Africa [7][1]
Verwysings
[wysig | wysig bron]- ↑ 1,0 1,1 1,2 https://creativemornings.com/talks/deon-maas-on-heritage/2
- ↑ 2,0 2,1 kykNET, Deon Maas Geargiveer 1 Oktober 2006 op Wayback Machine, besoek op 18 November 2007
- ↑ Rapport, 'Blou Hond' kry toe vir Deon Maas sleg beet Geargiveer 16 November 2007 op Wayback Machine, besoek op 18 November 2007
- ↑ 4,0 4,1 Rapport, SA gons oor Maas Geargiveer 19 November 2007 op Wayback Machine, besoek op 18 November 2007
- ↑ IOL, Outrage at journalist's axing, besoek op 19 November 2007
- ↑ Facebook, 'Boikot Rapport', besoek op 19 November 2007 (aantekening benodig)
- ↑ 7,0 7,1 7,2 7,3 7,4 https://www.southafricanbookfair.co.za/authors/deon-maas/
Normdata  |
|
|---|