Eerste Nasionale Bank

in Wikipedia, die vrye ensiklopedie
Spring na: navigasie, soek
Eerste Nasionale Bank
Tipe
Gestig 1838
Hoofkantoor Johannesburg, Gauteng, Suid-Afrika
Sleutelpersone Jacques Celliers (hoof uitvoerende beampte)
Gebied bedien Suid-Afrika
Industrie Bankwese
Produkte Finansiële dienste
Moedermaatskappy First Rand
Webwerf fnb.co.za

Eerste Nasionale Bank (ENB) (Engels: First Nasional Bank of FNB) is een van Suid-Afrika se vier grootste banke. Dit is deel van die groep FirstRand Limited, wat op die Johannesburgse aandelebeurs genoteer is. ENB het ook filiale in Swaziland, Mosambiek, Botswana en Namibië, wat almal op hulle onderskeie lande se aandelebeurse genoteer is.

Geskiedenis[wysig]

ENB beweer dat hulle die oudste bank in Suid-Afrika is. Die oorsprong van die bank kan na die Oostelike Provinsie Bank, wat in Grahamstad in 1838 gestig is, teruggespoor word. Teen 1874 het hulle reeds vier takke gehad: in Grahamstad, Middelburg, Cradock en Queenstown.

As gevolg van 'n resessie is die bank in 1874 deur die Oosterse Bank Korporasie (OBC) oorgekoop. Maar as gevolg van finansiële probleme wat hulle self in Indië ondervind het, het hulle besluit om van Suid-Afrika te onttrek. Die Bank van Afrika is daarna in 1879 gestig om hulle belange in Suid-Afrika oor te neem.

Danksy goud wat in Barberton en die Witwatersrand ontdek is, wou die regering van die Zuid-Afrikaansche Republiek gedurende dieselfde tydperk 'n plaaslike kommersiële bank stig. Die Nasionale Bank der Zuid-Afrikaansche Republiek Beperk is daarna in 1891 in Pretoria geregistreer. Die bank maak sy deure op 5 April in dieselfde jaar oop. Na die beëindiging van die Tweede Vryheidsoorlog in 1902 word die bank se naam die Nasionale Bank van Suid-Afrika Beperk verander.

Na nog 'n resessie word die Bank van Afrika in 1912 deur die Nasionale Bank oorgekoop. 'n Ander bank, die Nasionale Bank van die Oranje-Rivierkolonie is reeds in 1910 oorgekoop. Die Natal Bank, wat in 1854 gestig is om die Natal-kolonie se suikerindustrie te befonds, nog 'n slagoffer van die finansiële situasie, is in 1914 oorgeneem. Die Nasionale Bank is nou een van Suid-Afrika se sterkste banke.

In die vroeë 1920's gaan die Nasionale Bank onder slegte skuld en swaar verliese gebuk. Dit word gevolglik in 1925 saam met die Anglo-Egiptiese Bank en die Koloniale Bank geïntegreer om Barclays Bank te vorm. In 1971 herstruktureer Barclays en hernoem sy Suid-Afrikaanse operasie na Barclays Nasionale Bank Beperk.

As gevolg van apartheid en die gepaardgaande disinvestering in Suid-Afrika is Barclays gedwing om sy aandeelhouding te verminder. Hulle verkoop hul oorblywende aandeelhouding in die bank in 1986. Die bank se naam is daarna in 1987 na die "Eerste Nasionale Bank van Suidelike Afrika Beperk" verander, 'n volledige Suid-Afrikaans beheerde entiteit.

Onlangse uitbreiding[wysig]

In Januarie 2009 ontvang ENB toestemming van die Bank van Zambië op 'n bank in Zambië op die been te bring. ENB kondig aan dat die bank in tweede hefte van 2009 sal begin sake doen.[1]

Sien ook[wysig]

Verwysings[wysig]

Eksterne skakels[wysig]