IJsbrand Godske
IJsbrand Godske (Ook gespel Isbrand, Usbrand, Goske en Godsken) was die tweede Goewerneur van die Kaap die Goeie Hoop. Hy het Albert van Breugel wat as Kommandeur waargeneem het na Goewerneur Pieter Hackius se afsterwe op 30 November 1671, opgevolg.
Godske was ook kommandeur van Malabar (1665-1667) en Direkteur van Persië (1667-1670). Hy het vir die eerste keer na die Kaap gekom in 1665 met die opdrag van die Verenigde Oos-Indiese Kompanjie om 'n geskikte perseel vir die Kasteel die Goeie Hoop te vind. In 1671 het hy weer hierheen gekom, weer as kommissaris, maar is byna dadelik goewerneur gemaak met sy aankoms in Oktober 1672. Hy het vier jaar lank vertoef en het met maatskaplike wetgewing begin, onder meer deur die stigting van die weeskamer. Die Kasteel is voltooi en die opening van die distrik Hottentots-Holland het begin. Hy het in 1676 na Nederland teruggekeer.[1]
Godske, wat uit Den Haag afkomstig was het homself as soldaat onderskei in die beleëring van Colombo en Manaar, Jaffna.[2]
| Voorafgegaan deur: Albert van Breugel (Waarnemende Kommandeur) |
Goewerneur van die Kaap de Goede Hoop 2 Oktober 1672 – 14 Maart 1676[3] |
Opgevolg deur: Johan Bax van Herenthals (Kommandeur) |
| Voorafgegaan deur: Jacob Hustaart |
Kommandeur van Malabar 1665 – 1667[2] |
Opgevolg deur: Adriaan Roothaas' |
[wysig] Verwysings en bronne
- ^ Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.
- ^ 2,0 2,1 THE JOURNAL OF THE DUTCH BURGHER UNION OF CEYLON, A LECTUR DELIVEREDBY MR. F. H. DE VOS IN AID OF THE GALLE BRANCH OF THE Y. M. C. A., Afgelaai op 1 Mei 2007
- ^ TANAP [http://www.tanap.net/content/activities/documents/resolutions_Cape_of_Good_Hope/introduction_afrikaans/27.htm Inleiding tot die Resolusies van die Politieke Raad van die Kaap die Goeie Hoop], Besoek op 30 April 2007
