Willem Adriaan van der Stel

in Wikipedia, die vrye ensiklopedie
Spring na: navigasie, soek

Willem Adriaan van der Stel was 'n ongewilde goewerneur van die Kaap die Goeie Hoop.

Hy is in Amsterdam gebore as die oudste seun van Simon van der Stel in 1664 en sy vader in die ouderdom van 15 na die Kaap die Goeie Hoop vergesel. Sy eerste pos hier was as kassier van die Verenigde Oos-Indiese Kompanjie. Hy het sy vader as goewerneur opgevolg in 1699.

Sy voorliefde vir boerdery is vrye teuels gegee en hy het 'n lieflike landgoed tot stand gebring by Vergelegen, naby die huidige Somerset-Wes. Die omvang van sy bedrywighede en sy persoonlikheid het aanleiding gegee tot klagtes, wat op die spits gedryf is in 'n klagskrif wat deur 63 burgers aan die Here XVII in Nederland gestuur is in 1705.

Van der Stel het die situasie nie goed gehanteer nie en Adam Tas tesame met talle andre leiers gevange gehou. Die goewerneur is na Nederland ontbied vir 'n ondersoek. Ondanks sy lang geskrewe verdediging is die uitspraak teen hom gelewer. Daar is beslag gelê op Vergelegen en dit is verkoop, en hy is ontslaan uit die diens van die Kompanjie. Hy het op landgoed Uitermeer, in Lisse (provinsie Zuid-Holland) gesterf in 1723. Mens kan sy en sy vrou se graf besigtig in die Hervormde Kerk in Lisse.

Sien ook[wysig]

Bronne[wysig]

  • Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.


Voorafgegaan deur:
Simon van der Stel
Goewerneur van die Kaap de Goede Hoop
2 November 16993 Junie 1707
Opgevolg deur:
Johannes Cornelis d’Ableing (waarnemend)