Izborsk

in Wikipedia, die vrye ensiklopedie
Spring na: navigasie, soek
Izborsk
Изборск
Irboska
Die kerk van Izborsk
Die kerk van Izborsk
Wapen van Izborsk
Wapen
Die ligging van Pskof-oblast in Rusland
Die ligging van Pskof-oblast in Rusland
Ligging van Izborsk op 'n kaart (Pskof-oblast)
Izborsk
Izborsk
Die ligging van Izborsk in Pskof-oblast
Koördinate: 57°42′30″N 27°51′30″O
Land Vlag van Rusland Rusland
Deelgebied Pskof-oblast
Stigting 862
Dorpstatus 1920
Bevolking (2011)
 - Dorp 789
Tydsone MSK (UTC+04:00)
Poskode 181518
Skakelkode(s) 7 81148

Izborsk (Russies: Изборск; Estnies: Irboska) is ’n dorp in die Pskof-oblast, Rusland. Dit het een van die oudste en indrukwekkendste forte in Wes-Rusland. Die dorp lê 30 km wes van Pskof en net oos van die grens met Estland. Volgens die Russiese Primêre Kronieke was die dorp van 862 tot 864 die setel van die eerste Russiese leier, Rjoerik, se broer, Troewor. Argeologiese opgrawings het egter geen bewyse daarvan opgelewer nie.

Geskiedenis[wysig]

Algemene aansig van die Izborsk-kremlin.
Binne-in die kremlin.

In 1233 is die dorp ingeneem deur die Lyflandse Orde van die Swaardbroers en in 1302 het die inwoners van Pskof die fort na ’n meer geleë plek geskuif. In die laat 1500's was Izborsk een van die kleinste, maar mees strategiese forte wat Rusland se noordwestelike grens teen aanvalle help beskerm het. Die fort was veronderstel om ondeurdringbaar te wees, en daarom was die oorname daarvan deur ’n klein Litause regiment in 1569 ’n groot skok vir die destydse heerser, tsaar Iwan die Verskriklike. Die maklike en verraderlike oorname het die toe reeds paranoïese Iwan omgekrap: In die middel van die nag het ’n oorloper, vermom as ’n lid van die Opritsjnina, gelas dat die hekke oopgemaak word "in die naam van die Opritsjnina". Die regiment het die fort toe oorgeneem.

Hoewel Iwan die fort redelik maklik weer teruggeneem het, was hy oortuig daarvan dat die verraad en sameswering veel wyer gestrek het. Die feit dat Nowgorod so na aan Izborsk was, het hom dié stad laat wantrou. Dit en ander faktore het meegebring dat hy Nowgorod in 1570 laat plunder en duisende inwoners laat vermoor het.

Volgens ’n verdrag tussen Rusland en Estland in 1920 om laasgenoemde land se stryd om onafhanklikheid te beëindig, is die grens tussen die twee lande na oos van Izborsk geskuif en het dit deel van Estland geword. Toe Estland later deel van die Sowjetunie word, is die Russiese Sosialistiese Federale Sowjetrepubliek (RSFSR) se grens weer weswaarts geskuif en het Izborsk weer deel van die RSFSR geword.

Eksterne skakels[wysig]

Steeds bestaande kremlins in Rusland
AstrachanIzborskKazanKolomnaMoskouNizjni NowgorodPskofSmolenskSoezdalSolowjetski-kloosterStaraja LadogaTobolskToelaWeliki Nowgorod