James Madison

James Madison
4de President van die Verenigde State
Ampstermyn	4 Maart 1809 – 4 Maart 1817
Voorganger	Thomas Jefferson
Opvolger	James Monroe
Geboortedatum	16 Maart 1751
Geboorteplek	Port Conway, Virginië, V.S.A
Sterftedatum	28 Junie 1836
Sterfteplek	Montpelier, Virginië, V.S.A
Eerste Dame	Dolley Todd Madison
Politieke party	Demokratiese Republikein
Visepresident	George Clinton (1809-1812) Geen (1812-1813) Elbridge Gerry (1813-1814) Geen (1814-1817)
Handtekening

James Madison (* 16 Maart 1751, † 28 Junie 1836) was 'n Amerikaanse politikus en politieke filosoof wat tussen 1809 en 1817 die amp van President van die Verenigde State beklee het. Hy word daarnaas as een van die Stigtingsvaders van die Verenigde State beskou.

Madison het die belangrikste bydrae tot die Amerikaanse grondwet gelewer sodat na hom dikwels as die "Vader van die Grondwet" verwys word. In 1788 het hy meer as 'n derde van die Federalist Papers geskryf, 'n invloedryke kommentaar op die Amerikaanse grondwet.

Madison was die eerste president wat as afgevaardigde vir die Amerikaanse Kongres verkies is. Hy was 'n leier in die 1ste Kongres van die Verenigde State waar hy talle basiese wette ontwerp het en ook verantwoordelik was vir die eerste tien wysigings van die grondwet (wat na bewering op Virginia se Verklaring van Menseregte gebaseer was). Derhalwe staan hy ook bekend as die "Vader van die Bill of Rights". As 'n politieke teoretikus het hy veral die oortuiging aangehang dat die nuwe republiek die regte van individue deur middel van wigte en teenwigte (checks and balances) teen 'n moontlike tirannie van die meerderheid moes beskerm.

As 'n leier in die Huis van Afgevaardigdes (House of Representatives) het Madison by die organisering van die nuwe federale regering nou saamgewerk met George Washington.

Presidente van die Verenigde State van Amerika