Podolsk

Podolsk
	Podolsk; Подо́льск
	'n Lugfoto van Podolsk
; Vlag	; Wapen
	; Podolsk
	Koördinate: 55°25′0″N 37°32′0″O
Stigting	1627
	Regering
- Burgemeester	Nikolai Igorjewitsj Pestof
	Oppervlak
- Stedelik	37 92 km² (14 64 vk m)
	Bevolking (2002)
- Stad	179 974
- Stedelike bevolkingsdigtheid	4 746/km² (12 290/vk m)
Tydsone	MSK (UTC+3)
- Somer (DST)	MSD (UTC+4)
	Webwerf: Podolsk

Podolsk (Russies: Подо́льск, transliterasie Podol'sk) is 'n nywerheidstad in die Russiese oblast Moskou, sowat 40 km suid van Moskou. Die stad dien as die administratiewe sentrum van die rajon Podolsk. Podolsk, wat aan die Pakhra-rivier (een van die sytakke van die Moskou-rivier) geleë is, is die grootste nedersetting in die Moskou-oblast met 'n bevolking van 180 963.

Geskiedenis [wysig]

Podolsk het uit 'n klein nedersetting, Podol, ontstaan en was in die 18de eeu in besit van die Moskouse Danilof-klooster. Tsarin Katharina II het in 1791 stadstatus aan die nedersetting toegeken.

Voor die Russiese Rewolusie van 1917 was Podolsk een van die mees geïndustrialiseerde stede van Rusland. 'n Fabriek van die Duitse maatskappy Singer het hier naaimasjiene vervaardig.

Die Oeljanof-familie was hier woonagtig. Wladimir Oeljanof, beter bekend as Wladimir Lenin, het die stad verskeie kere besoek en hier 'n stuk grond en 'n klein huis besit. In 1900 is in Podolsk 'n vergadering van Sosiaaldemokrate uit Moskou en ander Russiese stede gehou om hulle ondersteuning vir die Iskra-koerant te kry wat destyds gestig is.

In 1971 is die Orde van die Rooi Banner van Arbeid aan Podolsk toegeken. In die Sowjet-tyd was Podolsk een van die grootste nywerheidsentra in die Moskou-oblast. In dié tyd was daar meer as sewentig fabrieke in die stad wat werk aan 'n groot deel van die plaaslike bevolking verskaf het.

In 2000 is 'n groot militêre basis gestig.

Podolsk is die setel van die Sentrale argief van die Russiese Departement van Verdediging.