Joost van der Westhuizen
|
|||||
| Volle naam | Joost Heystek van der Westhuizen | ||||
| Geboortedatum | 20 Februarie 1971 | ||||
| Geboorteplek | Pretoria, Suid-Afrika | ||||
| Lengte | 1,85 m | ||||
| Gewig | 88,9 kg | ||||
| Rugbyloopbaan | |||||
|---|---|---|---|---|---|
| Posisie(s) | Skrumskakel | ||||
| Professionele klubs | |||||
| Universiteit van Pretoria | |||||
| korrek op . | |||||
| Provinsiale/Staatspanne | |||||
| 1993-2003 | Blou Bulle | ||||
| korrek op . | |||||
| Super Rugby | Wedst | (pte) | |||
| 1996-2003 | Bulls | 71 | (61) | ||
| korrek op 15 September 2012. | |||||
| Nasionale span(ne) | |||||
| 1993-2003 |  Suid-Afrika |
89 | (190) | ||
| korrek op 15 September 2012. | |||||
| Ander Inligting | |||||
| Beroep | Sakeman | ||||
| Skool | Hoërskool F.H. Odendaal | ||||
| Universiteit | Universiteit van Pretoria | ||||
| Eggenote | Amor Vittone | ||||
| Kinders | 2 | ||||
Joost van der Westhuizen (gebore in Pretoria, 20 Februarie 1971) is 'n voormalige Springbokrugbyspeler wat vir die Blou Bulle in die Curriebeker en in Super 14 rugby gespeel het.
Hy speel op skrumskakel vir die Blou Bulle en het die Springbokke in 89 toetse verteenwoordig van 1993 tot 2003. Hy was Suid-Afrika se agt-en-veertigste Springbokkaptein.
Op 20 Oktober 2002 trou hy met Amor Vittone. Hulle het een seun en een dogter.
Inhoud |
Rugbyloopbaan [wysig]
Van der Westhuizen maak sy internasionale debuut op 6 November 1993 teen Argentinië in Buenos Aires. Die Springbokke wen die wedstryd 29-26 en Joost druk die eerste van sy rekord 38 drieë.
In 1995 was hy 'n belangrike lid van Suid-Afrika se Wêreldbekerspan en speel 'n integrale rol in die Bokke se oorwinning teen die All Blacks in die eindstryd, wat hulle 15-12 wen. Dit was ook die eerste keer dat hy teen die All Blacks gespeel het.
Van der Westhuizen was in 2009 in die nuus nadat daar 'n video bekend gemaak is waar "iemand wat soos hy lyk" met 'n ontkleedanseres deurmekaar was.
Siekte [wysig]
Motorneuronsiekte (MNS) is in 2011 by Van der Westhuizen gediagnoseer. Die diagnose is deur dr. Erik Pioro, een van Amerika se voorste neuroloë, ná toetse in die VSA bevestig. Volgens doktors het hy 'n 80%-kans om tussen twee en vyf jaar te leef en 'n 20%-kans om langer as dit te leef.[1]
Verwysings [wysig]
- ↑ Ek sit nie in 'n hoek – Joost, Nuus24, 31 Julie 2011.
Eksterne skakels [wysig]
Joost van der Westhuizen by www.genslin.us/bokke
