Potlooddoktervis

Potlooddoktervis
Bewaringstatus
Byna bedreig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Acanthuridae Bonaparte, 1832
Subfamilie:	Acanthurinae
Genus:	Acanthurus
Spesie:	A. dussumieri
Binomiale naam
Acanthurus dussumieri Valenciennes, 1835

Die potlooddoktervis (Acanthurus dussumieri) is 'n vis wat in die Indies-Pasifiese area en aan die ooskus van Afrika vanaf Oman tot by Algoabaai voorkom. In Engels staan die vis bekend as die Pencilled surgeon.

Voorkoms

Die vis se kop en lyf is geelbruin met verskeie onreëlmatige horisontale blou strepe oor die lyf. Daar is oranje kolle om die oë wat verbind is met 'n oranje streep oor die snoet. Die basis om die stertvin is donker en die dorsale en anale vinne is gelerig. Die stert is hoofsaaklik blou en geel by die basis met 'n swart kolletjie op. Die lyf het 'n reghoekige vorm en die volwasse vis het 'n kenmerkende konvekse voorkop. Die vis word tot 54 cm groot.

Habitat

Die vis leef in koraal- en rotsriwwe in water wat 5 – 30 m diep is. Die onvolwasse visse leef in die vlakker water waar daar baie alge is terwyl die volwassse visse op hellings van die riwwe leef. Hulle is meestal alleenswemmers. Die vis oorleef in 'n groot akwarium.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://fishbase.org/summary/Acanthurus-dussumieri.html