Alexander Albon

in Wikipedia, die vrye ensiklopedie
Jump to navigation Jump to search
Alexander Albon
Albon by die Indianapolis Motor Speedway in 2021
Albon by die Indianapolis Motor Speedway in 2021
Geboortedatum 23 Maart 1996 (1996-03-23) (26 jaar oud)
Geboorteplek Londen, England
Nasionaliteit Vlag van Thailand Thai
Aktiewe jare 2019-2020; 2022
Ou span(ne) Scuderia Toro Rosso
Red Bull-Honda
Span in 2022 Williams Racing
Motornommer 23
Inskrywings 51 (51 begin)
Kampioenskappe 0
Oorwinnings 0
Podiums 2
Loopbaanpunte 200
Voorste wegspronge 0
Vinnigste rondtes 0
Eerste F1-wedren 2019 Australiese Grand Prix
Laaste inskrywing 2022 Hongaarse Grand Prix
Laaste seisoen 2020
Verlede jaar plek 7de (105 punte)

Alexander Albon (gebore 23 Maart 1996) is 'n Brits-Thaise professionele motorrenjaer wat in 2022 vir die Williams Racing-span aan Formule Een Grands Prix deelneem. Hy het voorheen vir die Red Bull-Honda-span deelgeneem.

Persoonlike lewe[wysig | wysig bron]

Albon is op 23 Maart 1996 in Londen, Engeland gebore. Sy pa, Nigel Albon, is 'n voormalige Britse renjaer wat aan die Britse toermotorkampioenskap en Porsche Carrerabeker deelgeneem het.[1] Sy ma, Kankamol, is 'n burger van Thailand.

Albon het in Bures, Suffolk, saam met 'n jonger broer en drie susters grootgeword,[2] Albon was in die Ipswich-skool voordat hy sy professionele renloopbaan begin het.[3][4] Albon het dubbele Britse en Thaise nasionaliteit, en neem deel onder die Thaise vlag.[5] Dit is bekend dat Albon Boeddhisme beoefen[6] en woon tans in beide Monaco en Milton Keynes in die nabyheid van Red Bull Racing se hoofkwartier.[5]

Formule 1-loopbaan[wysig | wysig bron]

Toro Rosso (2019)[wysig | wysig bron]

Albon jaag in 'n Toro Rosso tydens die 2019 Oostenrykse Grand Prix

Op 26 November 2018 is aangekondig dat Albon van sy Nissan e.dams Formule E-kontrak vrygestel is ná gerugte dat hy vir Scuderia Toro Rosso in Formule Een sou teken. Op dieselfde dag het Toro Rosso aangekondig dat Albon vir 2019 saam met Daniil Kvyat by die span sal aansluit en dus is Albon se verhouding met Red Bull, wat sewe jaar tevore beëindig is, herstel. Hy is die tweede Thaise jaer wat aan Formule Een deelneem[7] en die eerste sedert Prins Bira wat in 1954 deelgeneem het.[8]

Albon het veertiende geëindig in sy debuutren, die Australiese Grand Prix. Hy het sy eerste punte by die volgende wedren, die Bahreinse Grand Prix, aangeteken, en negende geëindig.

Albon se beste kwalifiserende resultaat met Toro Rosso was by die Britse Grand Prix met 'n negende plek, hoewel hy nie daarin kon slaag om punte in die wedren aan te teken nie. Albon het die Duitse Grand Prix in die sestiende plek weggespring. Hy en Toro Rosso het voordeel getrek uit veranderende weersomstandighede om so hoog as vierde te hardloop en uiteindelik sesde te eindig, al was dit agter spanmaat Kvyat wat die span se eerste podiumplek in meer as tien jaar behaal het.

Red Bull (2019–2021)[wysig | wysig bron]

2019[wysig | wysig bron]

Ná die Hongaarse Grand Prix het Red Bull Racing aangekondig dat Albon vir Pierre Gasly by die span sou vervang vanaf die Belgiese Grand Prix, wie sou terugkeer na Toro Rosso. Oor die middelseisoenverandering het Red Bull gesê: "Die span sal die volgende nege wedrenne gebruik om Alex se prestasie te evalueer om 'n ingeligte besluit te neem oor wie in 2020 saam met Max sal ry."[9][10]

Albon het sy debuutseisoen agtste in die Wêreldjaerskampioenskap met 92 punte afgesluit. Hy het die nuweling van die jaar-toekenning by die FIA-prysuitdeling ontvang.

2020[wysig | wysig bron]

Albon ry vir Red Bull in Barcelona in 2020 gedurende voorseisoentoetse

Albon het in 2020 voortgegaan om vir Red Bull saam met spanmaat Verstappen te jaag.[11] In die slotfase van die Oostenrykse Grand Prix, was Albon in die derde plek na die veiligheidsmotor op nuwe sagte bande, agter die voorste Mercedes-motors op ouer harde bande. Albon het probeer om Lewis Hamilton verby te steek, maar die twee het kontak gemaak en Albon in die gruis ingestuur. Albon het later onttrek met 'n elektriese fout wat enjinverskaffer Honda gesê het agv die botsing was.[12][13]

Albon jaag by die 2020 Toskaanse Grand Prix, waar hy sy debuut-podiumplek behaal het.

Hy het onder druk gekom van Racing Point se Sergio Pérez in die laaste rondtes van die Stiermarkse Grand Prix, maar het die vierde plek behou nadat die jaers kontak gemaak het, wat Pérez se voorvleuel beskadig het.[14] Red Bull het opgemerk dat hulle onseker is waarom Albon nie genoeg spoed in die wedloop het nie.[15] Hy het dertiende begin en tot vyfde verbeter by die Hongaarse Grand Prix.[16]

Albon het swaar gebots tydens oefeninge vir die 2020 Britse Grand Prix en het maar twaalfde gekwalifiseer. Hy is in die wedren gestraf omdat hy 'n botsing met Kevin Magnussen veroorsaak het en het teruggeval in die veld voordat hy uiteindelik agtste geëindig het. Hy het vyfde gekwalifiseer vir die 2020 Belgiese Grand Prix maar het sesde geëindig nadat hy in die laaste rondte deur Renault se Esteban Ocon verbygesteek is.[17] Albon het sy eerste Formule Een-podium by die 2020 Toskaanse Grand Prix behaal deur Daniel Ricciardo in die sluitingsrondtes verby te steek, die eerste podium vir 'n Thaise Formule Een-jaer.[18]

Formule 1-uitslae[wysig | wysig bron]

Seisoen Inskrywer Onderstel Enjin 1 2 3 4 5 6 7 8 9 10 11 12 13 14 15 16 17 18 19 20 21 22 Plek Punte
2019 Red Bull Toro Rosso Honda Toro Rosso STR14 Honda RA619H 1.6 V6-turbo AUS
14
BHR
9
CHN
10
AZE
11
SPA
11
MON
8
KAN
DNF
FRA
15
OOS
15
GBR
12
DUI
6
HON
10
8ste 92
Aston Martin Red Bull Racing Red Bull RB15 BEL
5
ITA
6
SIN
6
RUS
5
JPN
4
MEX
5
VST
5
BRA
14
ABU
6
2020 Aston Martin Red Bull Racing Red Bull RB16 Honda RA620H 1.6 V6-turbo OOS
13
STI
4
HON
5
GBR
8
70J
5
SPA
8
BEL
6
ITA
15
TOS
3
RUS
10
EIF
DNF
POR
12
EMI
DNF
TUR
7
BAH
3
SAK
6
ABU
4
7de 105
2022 Williams Racing Williams Mercedes M12 E
Performance 1.6 V6 T
BHR
13
SAU
14†
AUS
10
EMI
11
MIA
9
ESP
18
MON
DNF
AZE
12
KAN
13
GBR
DNF
OOS
12
FRA
13
HON
17
BEL
NED
ITA
SIN
JPN
VSA
MXS
SAP
ABU
19de* 3*
Jaar Inskrywer Onderstel Enjin 1 2 3 4 5 6 7 8 9 10 11 12 13 14 15 16 17 18 19 20 21 22 Plek Punte

* Seisoen nog aan die gang
Kon nie die ren voltooi nie, maar is geklassifiseer omrede hy meer as 90% van die wedrenafstand afgelê het.

Verwysings[wysig | wysig bron]

  1. "Nigel Albon". Driver Database. 30 Augustus 2019.
  2. "Get To Know Your Driver: Alex Albon". Red Bull (in Engels). Besoek op 2020-07-30.
  3. Sandalls, Katy (12 Augustus 2019). "Former Suffolk schoolboy gets top F1 seat". East Anglian Daily Times (in Engels). Besoek op 2020-07-30.
  4. "5 things you didn't know about 2019 Scuderia Toro Rosso driver Alexander Albon". Red Bull (in Engels). Besoek op 2020-07-30.
  5. 5,0 5,1 "Alex Albon hoping to earn new Red Bull deal and move out of parents' house". The Independent (in Engels). 2019-10-23. Geargiveer vanaf die oorspronklike op 2019-10-24. Besoek op 2020-07-30.
  6. "Albon reveals he is a 'practising Buddhist'". Sports Mole (in Engels). Besoek op 2020-07-30.
  7. "คนไทยคนที่2! อัลบอนเตรียมซิ่งF1ฤดูกาลหน้า" (in Thai). 18 Oktober 2018. Besoek op 18 Augustus 2019.
  8. "Albon to partner Kvyat at Toro Rosso in 2019". formula1.com (in Engels). 26 November 2018. Besoek op 11 Maart 2019.
  9. "Red Bull drops Pierre Gasly for Alexander Albon". Motor Sport Magazine (in Engels). 2019-08-12. Besoek op 2019-08-12.
  10. "Red Bull: Alexander Albon to replace Pierre Gasly". 2019-08-12. Besoek op 2019-08-12.
  11. "Alex Albon to remain alongside Max Verstappen at Red Bull for 2020". formula1.com (in Engels). 12 November 2019. Besoek op 12 November 2019.
  12. Smith, Luke (5 Julie 2020). "Albon: Hamilton clash denied me potential F1 race win at Austrian GP". autosport.com. Besoek op 6 Julie 2020.
  13. "Albon's DNF likely caused by Hamilton clash, not Honda fault". The Race (in Engels). 2020-07-10. Besoek op 2020-07-21.
  14. "Formula 1 Pirelli Grosser Preis der Steiermark 2020 – Race Result". Formula1.com. 12 Julie 2020. Besoek op 12 Julie 2020.
  15. "F1 news: Red Bull baffled by Albon's Styrian GP struggles". www.motorsport.com.
  16. "Albon's fifth place confirmed after Red Bull 'grid drying' investigation". www.racefans.net. 19 Julie 2020.
  17. "The Winners and Losers of the 2020 Belgian Grand Prix". www.formula1.com (in Engels). Besoek op 2020-09-04.
  18. "Tuscan GP Facts & Stats: Hamilton just one win shy of Schumacher record". 13 September 2020. Besoek op 14 September 2020.