Ammoniumpersulfaat

Eienskappe

Algemeen
Naam	Ammoniumpersulfaat
Struktuurformule van
Chemiese formule	(NH4)2S2O8
Molêre massa	228,21 [g/mol]
CAS-nommer	7727-54-0
Voorkoms	wit kristalle
Reuk	reukloos
Fasegedrag
Selkonstantes	a=783,0pm; b=800,8pm; c=950,5pm; β= 139,39°
Ruimtegroep	P21/c
Nommer	14
Strukturbericht	K4₁
Smeltpunt	ontbind 120  °C
Kookpunt
Digtheid	1,982 [g/cm3]
Oplosbaarheid	835 [g/kg]
Suur-basis eienskappe
pKa
Veiligheid
Flitspunt	onbrandbaar
LD50	226 [mg/kg] (interperineaal; rot)
Tensy anders vermeld is alle data vir standaardtemperatuur en -druk toestande.
Portaal Chemie

Ammoniumpersulfaat of ammoniumperoksidisulfaat is 'n sout van die basis ammoniak en perswaelsuur. Dit het die chemiese formule (NH₄)₂S₂O₈.

Kristalstruktuur

Ammoniumpersulfaat kristalliseer in 'n monokliniese struktuur wat die argetipe van die K4₁-struktuur van die strukturbericht-klassifikasie is.

Die struktuur bestaan uit tetraëdriese ammoniumione en persulfaatione (S₂O₈²⁻) wat bestaan uit twee SO₄-tetraëders wat deur 'n peroksiedbinding -O-O- met mekaar verbind is.

Chemiese eienskappe

Ammoniumpersulfaat is 'n oplosbare sterke oksideermiddel. Die standaardreduksiepotensiaal vir die reaksie:

$S_{2}O_{8}^{2-}(aq)+2H^{+}+2e^{-}\rightarrow 2HSO_{4}^{-}$

is +2,1 V. Dit is effens minder as osoon s'n (+2,2 V), maar meer as waterstofperoksied s'n (+1,7 V) of permanganaat s'n (1,7 V).

By verhitting ontbind dit in swael- en stikstofoksiede. Dit is 'n outoredoksreaksie waarin die stikstofatoom van die ammoniumioon deur die persulfaatioon geoksideer word.

Die verbinding word deur elektrolise van oplossings van ammoniumsulfaat of ammoniumwaterstofsulfaat verkry.

Gebruike

Dit word as reukverwyderende skoonmaak- en bleikmiddel gebruik. Ander gebruike is in voedselpresevering, elektroplatering en die skoonmaak van gedrukte stroombaanborde.