Nicholsonse koester

in Wikipedia, die vrye ensiklopedie
(Aangestuur vanaf Anthus similis)

Nicholsonse koester
A. n. petricolus in KwaZulu-Natal
Wetenskaplike klassifikasie
Domein:
Koninkryk:
Filum:
Klas:
Orde:
Familie:
Genus:
Spesie:
A. nicholsoni
Binomiale naam
Anthus nicholsoni
Sharpe, 1884
Sinonieme

Agrodroma similis

Die Nicholsonse koester (Anthus nicholsoni) is 'n algemene maar gelokaliseerde standvoël[2] wat hoofsaaklik op oop, klipbesaaide heuwelhange in grasveld en savanne voorkom. Die spesie kom een-een of in pare voor en sit dikwels op rotse, struike of bome. Hulle behoort tot 'n spesie-kompleks met 'n uitgestrekte verspreiding in Afrika en Suid-Asië, wat vroeër onder Anthus similis (Engels: long-billed pipit) verenig is. Die Nicholsonse en miombokoesters word nou egter as aparte spesies in hierdie kompleks beskou. Die Nicholsonse koester is feitlik tot Eswatini, Suid-Afrika, Lesotho en Namibië beperk, waar hul verspreiding dié van kliprandjies, koppies en berghange volg, van seevlak tot in die Lesotho-hoogland. Die voël is 19 cm groot en weeg 30 gram. Dit is vernoem na Francis Nicholson (1843-1925), 'n Engelse katoenhandelaar en amateur-ornitoloog wat 'n belangstelling in die Motacillidae gehad het.[3] In Engels staan dit as "Nicholson's pipit" bekend.

Subspesies[wysig | wysig bron]

Vyf subspesies word erken:[4]

Galery[wysig | wysig bron]

Sien ook[wysig | wysig bron]

Verwysings[wysig | wysig bron]

  1. BirdLife International (2012). "Anthus similis". IUBN-rooilys van Bedreigde Spesies. Weergawe 2012.1. Internasionale Unie vir die Bewaring van die Natuur. Besoek op 16 Julie 2012. {{cite web}}: Ongeldige |ref=harv (hulp)
  2. Gill, Frank; Donsker, David, reds. (2019). "Waxbills, parrotfinches, munias, whydahs, Olive Warbler, accentors, pipits". World Bird List Version 9.2. International Ornithologists' Union. Besoek op 23 Junie 2019.
  3. Chittenden, H.; Allan, David; Weiersbye, Ingrid; et al. (2012). Roberts geographic variation of southern African birds. Cape Town: JVBBF. p. 261. ISBN 978-1-920602-00-0.
  4. Hockey, P.A.R.; Dean, W.R.J.; Ryan, P.G.; et al. (2005). Roberts Birds of Southern Africa (7de uitg.). Kaapstad: Trustees of the John Voelcker Bird Book Fund. pp. 1108–1109. ISBN 0-620-34053-3.

Bronnelys[wysig | wysig bron]