Bakoe-staatsuniversiteit

in Wikipedia, die vrye ensiklopedie
Jump to navigation Jump to search
Bakoe-staatsuniversiteit

Gestig:1919
Tipe:Openbare universiteit
Rektor:Elchin Babayev
Fakulteite:1300
Ligging:Bakoe, Azerbeidjan
Kampus:Stedelik
Webtuiste:www.bsu.edu.az
Die studente van die mediese fakulteit van Bakoe Studente-universiteit in 1923

Die Bakoe-staatsuniversiteit (BSU); (Azerbeidjans: Bakı Dövlət Universiteti (BDU)) is 'n openbare universiteit wat in Bakoe, Azerbeidjan geleë is. Dit is in 1919 deur die Parlement van die Azerbeidjanse Demokratiese Republiek gestig. Die universiteit het met die fakulteite van geskiedenis en filologie, fisika en wiskunde, en regte en geneeskunde begin, met 'n aanvanklike inskrywingsgetal van 1094 studente.[1] Die eerste rektor van BSU was Vasili Razoemofski, 'n voormalige professor in sjirurgie by die Kazan-universiteit.

In 1930 het die regering die universiteit beveel om te sluit ooreenkomstig 'n herorganisasie van hoër onderwys in die land. Die universiteit is vervang met die Hoër Pedagogiese Instituut. Die universiteit is egter in 1934 weer gevestig, en het voortgegaan om deur die moeilike jare van die Tweede Wêreldoorlog te werk en te funksioneer, welke uitdagings 'n tekort aan genoegsame fakulteitslede ingesluit het.

Teen die universiteit se veertigste herdenking in 1959 het die universiteit alreeds oor dertien fakulteite beskik. Die Azerbeidjanse Geneeskundige-universiteit en Azerbeidjanse Staatsuniversiteit vir Ekonomiese Studies het beide hul bestaan te danke aan die oorspronklike fakulteite by die BSU.

Onder die gegradueerdes van die BSU tel twee voormalige presidente van Azerbeidjan naamlik, Abulfaz Elchibey en Heydar Aliyev. Eersgenoemde het van die Fakulteit van Arabiese Tale en Literatuur gegradueer, terwyl laasgenoemde; wat Azerbeidjan se politieke sfeer vir meer as dertig jaar gedomineer het; van die Fakulteit van Geskiedenis. Die Nobelprys-wenner fisikus Lev Landau het tussen 1922 en 1924 aan die BSU gestudeer.

Die BSU is die enigste universiteit van die Republiek Azerbeidjan wat op internasionale organisasies se ranglyste verskyn soos byvoorbeeld universiteit-ranglyste volgens akademiese prestasie. Dit is tans in die 1872ste plek geleë op die ranglys wat universiteite se akademiese prestasies betref.[2]

Geskiedenis[wysig | wysig bron]

Wapen van die Bakoe-staatsuniversiteit uit 1919.

BSU was op 1 September 1919 by wyse van 'n besluit van die Parlement van die Azerbeidjanse Demokratiese Republiek gestig. Die Universiteit is met vier fakulteite (geskiedenis en filologie, fisika en wiskunde, Regte, en Medies) gestig.

Van die voorste professore in die tydperk van 1920 tot 1940 was die Azerbeidjanse skrywer Abdurrahim bek Haqverdiyev; Professor vir Oosterse studies P.K. Juze; Professor A.O. Makovelski; Professor A.O. Mishel en ander geleerdes. Gedurende die periode het die administrasie lektore soos N.Y. Marr, V.V. Bartold; die akademikus van die Oostelike Wetenskappe Akademie Fuad bek Kuprulluzade na Bakoe genooi.

In 1930 was die universiteit gelikwideer gewees ingevolge 'n besluit wat deur die Raad van die Kommissaris op herorganisasie geneem is. Die Hoër Pedagogiese Instituut was in die plek daarvan geskep. Die staatsuniversiteit het slegs weer in 1943 sy werksaamhede hervat, en gou die republiek se wetenskaplike-pedagogiese sentrum geword. Ten spyte van die groot tekort aan lektore, welke aan die Tweede Wêreldoorlog afgestaan moes word, kon die universiteit nogtans daarin slaag om sy gesaghebbende posisie te behou. In 1945 het die lektore 'n aktiewe deel in die stigting van die Azerbeidjanse Akademie van Wetenskap gespeel. Die meeste van die republiek se universiteite — soos byvoorbeeld die Azerbeidjanse Geneeskundige-universiteit, Azerbeidjanse Universiteit vir Ekonomie studies, Azerbeidjanse Staat-pedagogiese-universiteit en andere — was op dieselfde basis as dié van die Bakoe-staatsuniversiteit gestig.

Die jare na 1969 kan beskou word as jare van ontwikkeling in die rigting van kennis en wetenskap. In daardie jare, wat 'n wye historiese tydperk omvat, was fakulteite opgerig wat op moderne vakkundige gebiede gespesialiseer het, asook verskeie departemente en omtrent dertig wetenskaplike navorsingslaboratoriums. As gevolg hiervan is selfversekerdheid geskep met betrekking tot die universiteit se toekomstige ontwikkeling. Die universiteit is verder in die pylvak van ontwikkeling geplaas nadat Heydar Aliyev beheer verkry het. Modern vakkundige gebiede, en departemente en wetenskaplike laboratoriums is by die universiteit in bedryf gestel. Met sy ryk historiese agtergrond was die Bakoe-staatsuniversiteit nog altyd 'n groot wetenskaplike en opvoedkundige sentrum van die Azerbeidjanse samelewing. Bekende wetenskaplikes, intellektuele en politici asook Azerbeidjan se mees luisterryke politikus, Heydar Aliyev, het by die universiteit gegradueer.[3] Die Bakoe-staatsuniversiteit bied tans sestien hoof studierigtings aan met vyf-en-vyftig BA-grade en 153 meestersgrade.

Internasionale verhoudinge[wysig | wysig bron]

Die universiteit het met die verloop van tyd sy internasionale betrekkinge opgebou. Tans is die BSU lid van verskillende verenigings en instellings soos die Assosiasie van Universiteite van Eurasië, wat die meeste universiteite van die voormalige USSR verenig. Tussen 2002-2004 het BSU die Vereniging van Universiteite van die Swart See-state gelei. Verder het die universiteit ooreenkomste gesluit betreffende wetenskaplike en tegniese samewerking, uitruilprogramme vir studente-onderwysers met die Moskouse-staatsuniversiteit, die Midde-Oosterse Tegniese-universiteit, Nice-Sofia Antipole-universiteit, Indiana-universiteit, Kiëf Nasionale-universiteit, Universiteit van Wene, en ander vooraanstaande universiteite.[3]

Die universiteit speel dikwels as 'n gevolg van hierdie verbintenisse gasheer vir wetenskaplike konferensies en werkswinkels en publiseer ook handboeke.[3]

Universiteite in vennootskap[wysig | wysig bron]

  • Indiana-universiteit
  • Minnesota Duluth-universiteit
  • Moskou-staatsuniversiteit
  • Moskou-staatsinstituut op Internasionale Verhoudinge
  • Sint-Petersburg-staatsuniversiteit
  • Kazan-staatsuniversiteit
  • Russiese Akademie van Wetenskappe
  • Sentrum vir Organiese-wetenskappe - en Fisies-Chemiese wetenskappe
  • Novosibirsk-staatsuniversiteit
  • Ufa-staatsuniversiteit
  • Chelyabinsk-staatsuniversiteit
  • Astrakhan-staatsuniversiteit
  • Tbilisi-staatsuniversiteit
  • Bela-Russiese-staatsuniversiteit
  • Uzbekiese Nasionale-universiteit
  • Aterau-staatsuniversiteit
  • Maatskaplike Wetenskappe Instituut vernoem na Heydar Aliyev
  • Kiëf Nasionale-universiteit
  • Donetsk Nasionale-universiteit
  • Dnepropetrovsk Nasionale-universiteit
  • Lviv Nasionale-universiteit
  • Vrye Berlynse-universiteit
  • Universiteit van Bonn
  • Universiteit van Wene
  • Nice Sofia-Antipolis-universiteit
  • Universiteit van Grenoble
  • Rotterdam Erasmus-universiteit
  • Universiteit van Uppsala
  • Universiteit van Genua
  • Universiteit van Warskou
  • Konstansa-Ovidius-universiteit
  • Universiteit van Boekarest
  • Ployeshti Universiteit vir die Studie van Fossielbrandstowwe
  • Boekarest Nasionale-universiteit vir Laser, Plasma en Bestraling-fisika
  • Kapo-Distrian Athene Nasionale-universiteit
  • Bilkend-universiteit
  • Universiteit van Ankara
  • Universiteit van Istanboel
  • Ortadoğu Tegniese-universiteit
  • Universiteit van Kirikkala
  • Kaukasiese Kars-universiteit
  • Universiteit van Chanaqqala
  • Universiteit van Tehran
  • Universiteit van Tabriz
  • Universiteit van Qorqan
  • Universiteit van Gilan
  • Universiteit van Mazandaran
  • Universiteit van Sana
  • Universiteit van Kaïro
  • Al-Azhar-universiteit[4]

Fakulteit en institute[wysig | wysig bron]

Fakulteite[wysig | wysig bron]

Seremonie waartydens Dmitri Medwedef 'n eredoktorsgraad van die Bakoe-staatsuniversiteit ontvang, 3 September 2010
  1. Toegepaste Wiskunde en Ekonomiese Kubernetika
  2. Fisika
  3. Meganika en Wiskunde
  4. Chemie
  5. Biologie
  6. Ekologie en Grondwetenskap
  7. Geologie
  8. Geografie
  9. Geskiedenis
  10. Filologie
  11. Teologie
  12. Internasionale Betrekkinge en Ekonomiese Studies
  13. Joernalisme
  14. Regte
  15. Oosterse Studies
  16. Maatskaplike Wetenskappe en Sielkunde
  17. Bibliotekaris-inligting.

Navorsingsinstitute[wysig | wysig bron]

  1. Wetenskaplike Navorsing van Toegepaste Wiskunde
  2. Instituut van Proleemoplossing van Teoretiese Fisika

Affiliasies[wysig | wysig bron]

Die universiteit is 'n lid van die Kaukasiese Universiteite-assosiasie.[5]

Alumni[wysig | wysig bron]

  • Abulfaz Elchibey - 2de President van Azerbeidjan
  • Heydar Aliyev - 3rde President van Azerbeidjan
  • Lev Landau - teoretiese fisikus
  • Anar Baghirov - prokureur
  • Intigam Aliyev - menseregte aktivis
  • Ali Omarov - Prokureur-Generaal van die Republiek van Azerbeidjan
  • Eldaniz E. Mammadov - wetenskaplike in die studieveld van Biblioteekwetenskap en Bibliografiese wetenskap (Boek-wetenskap)
  • Aslan Aslanov - Direkteur-Generaal van die Azerbeidjanse Staatstelegraaf Agentskap
  • Vougar Aslanov - skrywer en joernalis
  • Rauf Mirgadirov - joernalis
  • Arif Yunus - geskiedkundige
  • Maharram Gasimli - Kenner van literatuur en folkloristiese literatuur
  • Alec Rasizade - Azerbeidjans-Amerikaanse professor van geskiedenis en politieke wetenskappe

Sien ook[wysig | wysig bron]

Verwysings[wysig | wysig bron]

  1. "History of Baku State University" (in Russies). Besoek op 2015-07-18.
  2. "2014-2015 RANKING BY COUNTRY". Besoek op 2015-07-18.
  3. 3,0 3,1 3,2 "Baku State University, History".
  4. "Baku State University, International Relations". Besoek op 25 Mei 2017.
  5. "Tüm Üyeler" (in Turks). Besoek op 2015-07-18.

Eksterne skakels[wysig | wysig bron]

Koördinate: 40°22′24″N 49°48′40″O / 40.37333°N 49.81111°O / 40.37333; 49.81111