Benjamin Schmid

in Wikipedia, die vrye ensiklopedie
Jump to navigation Jump to search

Benjamin Schmid (13 September 1968, Wene) is 'n Oostenrykse violis.

Lewe en werk[wysig | wysig bron]

Schmid het sy opleiding in Wene, Salzburg en Philadelphia ontvang. In 1991 het hy die 2de Internasionale Leopold Mozart Vioolkompetisie in Augsburg gewen. In 1992 het hy die Mozart - , Beethoven - en gehoortoekenning tydens die Carl Flesch-kompetisie gewen. Sy repertorium bevat werke vir viool en orkes, kamermusiek en jazz (Hommage à Grappelli). Hy fokus veral op die werke van Mozart, Beethoven, Schubert, Berg, Karl Goldmark, Korngold, Fritz Kreisler en Kurt Muthspiel. As jazz-musikant bemark hy homself onder die naam Beni Schmid. Benjamin Schmid het reeds talle kere as solis opgetree tydens konserte deur die Hamburger Symphoniker. Hy tree sedert 1986 gereeld op tydens die Salzburg-fees. Hy het sedert 2000 gereeld die solo-werke vir viool van Bach en Eugène Ysaÿe tydens drie-nagtelike siklusse gespeel. Benjamin Schmid gebruik die Stradivari-viool "ex Viotti" van 1718, wat aan hom geleen word deur die Österreichische Nationalbank.[1] Schmid woon saam met sy vrou, die pianis Ariane Haering in Salzburg, waar hy ook 'n professoraat aan die Mozarteum beklee.

Toekennings[wysig | wysig bron]

Schmid se album Hot Club Jazz (Gramola plate-etiket) is in 2015 op die lys vir die Preis der Deutschen Schallplattenkritik (Albumprys van Duitse kritici) geplaas. Diknu Schneeberger, Joschi Schneeberger en Martin Spitzer speel in Schmid se jazzorkes.[2]

Diskografie[wysig | wysig bron]

  • Friedrich Gulda: Concerto vir tjello en blaasinstrumentorkes (weergawe vir viool), Uni Mozarteum Records 9, 2016
  • Max Reger: Vioolconcerto, Chaconne vir soloviool, 2012
  • From Fritz to Django, 2007
  • BeniSchmidObsession: Hommage à Grappelli, 2006
  • Korngold: Vioolconcerto Op 35, Suite vir klaviertrio op 23, 2005 (lewendig opgeneem tydens die Salzburg-fees, 2004)
  • Karl Goldmark: Vioolconcerto, Brahms: Dubbelconcerto, 2004
  • Eugène Ysaÿe: Sonates op 27 No. 1-6 (1924), 2003
  • J.S. Bach: Ses sonates vir viool en klavesimbel, 2003
  • Johann Sebastian Bach: volledige vioolwerke, 2003
  • Johann Sebastian Bach: Sonates en Partitas vir soloviool, 2003
  • Johann Sebastian Bach: Vioolconcertos, 2003 (Arte Nova)
  • Brahms: Vioolconcerto, 2003
  • Pièces de Concert, 2003
  • Vivaldi: Die Vier Seisoene, Kreisler: Concerto in een beweging (na Paganini), 2003
  • Johann Sebastian Bach: Ses sonates vir soloviool met klavierbegeleiding, gerangskik deur Schumann, 1995

Eksterne skakels[wysig | wysig bron]

Verwysings[wysig | wysig bron]


Hierdie artikel is in sy geheel of gedeeltelik vanuit die Duitse Wikipedia vertaal.