Bergamo

in Wikipedia, die vrye ensiklopedie
Jump to navigation Jump to search
Comune di Bergamo
Bèrghem
Die hoër geleë gedeelte van die historiese kernstad (Città Alta)
Die hoër geleë gedeelte van die historiese kernstad (Città Alta)
Ligging van Comune di Bergamo op 'n kaart (Italië)
Comune di Bergamo
Comune di Bergamo
Koördinate: 45°41′42″N 9°40′12″O / 45.69500°N 9.67000°O / 45.69500; 9.67000Koördinate: 45°41′42″N 9°40′12″O / 45.69500°N 9.67000°O / 45.69500; 9.67000
Land Vlag van Italië Italië
Streek Flag of Lombardy.svg Lombardye
Provinsie Bergamo
Stigting Keltiese nedersetting (10de tot 9de eeu v.C.)
Regering
 - Burgemeester Giorgio Gori (PD)
Oppervlak
 - Stad 40,16 km²  (15,51 vk m)
Hoogte 249 m (62 vt)
Bevolking (30 April 2019)
 - Stad 121 887
 - Digtheid 3 035/km² (7 859/vk m)
Tydsone MET (UTC+1)
 - Somer (DST) MEST (UTC+2)
Poskode 24121-24129
Skakelkode(s) 035
Webwerf: comune.bergamo.it

Bergamo ['bɛrgamo] (Bèrghem in die plaaslike Lombardiese dialek) is 'n munisipaliteit in die Noord-Italiaanse administratiewe streek Lombardye en die hoofstad van die gelyknamige provinsie. Die stad het 'n bevolking van byna 122 000 na wie as Bergamaske verwys word. Die Venesiaanse stadsmuur van Bergamo (Mura Venete) maak - saam met soortgelyke versterkings langs 'n roete wat van Peschiera, Palmanova en Bergamo in Italië tot Sibenik en Zadar in Kroasië tot Cattaro (Kotor) in Montenegro strek - sedert 2017 deel uit van die Unesco-wêrelderfenis.

Bergamo het sy eie internasionale lughawe - die Aeroporto Internazionale Orio al Serio - wat sowat vyf kilometer vanaf die middestad en 45 km oos van Milaan geleë is. Terwyl laekostelugrederye soos Ryanair dit as 'n goedkoper alternatief tot Milaan se lughawe bedien (en die passasiersgetalle in 2018 tot 12,9 miljoen laat groei het), kry die belangstellende toeris maklik toegang tot een van Italië se eersterangse bestemmings vir argitektuur- en kunsliefhebbers. Bergamo is intussen die tweede mees besoekte stad in Lombardye na Milaan.

Dikwels word in Italiaanse tekste Bergamo se erenaam Città dei Mille («Stad van Duisend») genoem. Hierdie bynaam is in die 19de eeu aan Bergamo toegeken nadat talle Bergamaske in 1860 by die Italiaanse vryheidstryder Giuseppe Garibaldi se leër van 1 089 vrywilligers, bekend as «Rooihemde», aangesluit het. Op 5 Mei 1860 het Garibaldi en sy «Rooihemde» in Genua hul seereis na Sisilië begin om die eiland van die bewind van die Huis van Bourbon te bevry.

Geografie[wysig | wysig bron]

Sonop oor die versterkte Città Alta
Uitsig oor die natuurpark Parco dei Colli di Bergamo (teen die agtergrond)
Sedert 1887 word Bergamo Alta en Bergamo Bassa deur 'n kabelspoor - een van die eerstes in Italië - met mekaar verbind

Bergamo is sowat 50 kilometer noordoos van Milaan in 'n gebied geleë waar die laaste uitlopers van Alpynse voetheuwels, wat oor 'n afstand van ses kilometer in wes-oostelike rigting strek, geleidelik in die vrugbare Povlakte oorgaan.

Die hoër geleë gedeelte van die historiese middestad, die Città Alta of Bergamo Alta, het op een van hierdie voetheuwels met 'n hoogte van 380 m ontstaan. Die laer geleë stadsbuurte (Bergamo Bassa, in Italiaans daarnaas ook Città Bassa of Città Borghi genoem) met sy breë lane strek rondom hierdie en oor nabygeleë heuwels. Die grootste deel van Bergamo se argitektoniese en kunshistoriese besienswaardighede het, net soos die Venesiaanse booggange, binne die stadsmuur van Bergamo Alta ontstaan.

Die stad se onmiddellike omgewing word oorheers deur blomme- en vrugtetuine, klein valleie en beboste heuwels. Naas statige villa's en historiese plaashuise, wat tot gerieflike landelike wonings uitgebou is, is belangrike historiese kloosterkomplekse soos dié van Astino en Valmarina geleë. Die laasgenoemde dien as setel vir die bestuur van die natuurpark Parco dei Colli.

Eksterne skakels[wysig | wysig bron]

Media
Kuns en argitektuur