Bespreking:Argitektuur

Page contents not supported in other languages.
in Wikipedia, die vrye ensiklopedie

Versmelting met "boukuns"?[wysig bron]

Daar bestaan tans 'n duplikaat onder die trefwoord boukuns. Dit vereis samesmelting en 'n beslissing oor die artikelnaam - boukuns of argitektuur. Voyageur (kontak) 21:48, 2 Junie 2018 (UTC)[antwoord]

Alternatiewe oplossing: Boukuns word ontwikkel as 'n artikel wat op stylperiodes en estetiese aspekte fokus. Voyageur (kontak) 07:15, 4 September 2020 (UTC)[antwoord]

Uitgehaal en gestoor vir verdere bewerking:

Argitektuur kan bestudeer word in terme van:

  • Die boustyl d.w.s. die manier waarop gebou is in teenstelling met die materiale wat gebruik is.
  • Die samestelling van komponente in terme van hoe die dele aanmekaar gesit is om 'n geheel te vorm.
  • Materiaal wat gebruik is om mee te bou.
  • Die ontwerpskomponente of die dele waaruit die gebou bestaan.
  • Bouvorm wat benut word, of die kontoer wat die struktuur toon, in terme van 'n definitiewe stel lyne, konfigurasies, profiele ens.

Menslike oorlewing vereis strukture wat beskerming, veiligheid en nutwaarde aan die mens bied. Argitektuur gaan egter oor meer as beskerming en veiligheid deurdat dit elke lewensfaset van die mens in terme van ekonomie, filosofie, godsdiens, politiek en sosiale omgang reflekteer vir 'n bepaalde tydvak. Die geskiedenis van verskeie beskawings word geken deur hulle argitekture te bestudeer. Die oudste vorm van argitektuur is heel moontlik die manier waarop mense grotte benut het as lewensruimte. Die Sumeriese boustyl is een van die oudste argitektuurstyle van die antieke Sumeriese beskawing wat tussen 5000 v.C. tot 2000 v.C. tot stand gebring is.

Voya, ek verkies argitektuur. Groete! Oesjaar (kontak) 05:54, 4 September 2020 (UTC)[antwoord]
Sal so maak. Boukuns hoef nie geskrap te word nie. Groete! Voyageur (kontak) 05:59, 4 September 2020 (UTC)[antwoord]
In my opinie maak dit meer sin om die twee te versmelt. Anders aan watter wikidata item gaan ons Boukuns koppel? Wat is "boukuns" in hierdie sin in ander tale en het hulle 'n woord/term/artikel daarvoor? Groete - Rooiratel (kontak) 08:30, 4 September 2020 (UTC)[antwoord]
Boukuns hoef nie gekoppel te word nie. As ons self kies watter aspekte van argitektuurteorie en kunsgeskiedenis hier behandel word, is daar moontlik en voorlopig geen ekwivalent in 'n ander taal nie - behalwe vir die Duitse "Baukunst" as dubbelsinnigheidsblad. Ikoniese argitektuur as boukuns sal egter 'n verwysing vanuit toerisme, moontlik ook argitektuurteorie benodig. Daar is in elk geval monografieë oor argitektuur-estetiek en argitektoniese toerisme, en ek voel daar is 'n behoefte om juis diegene aspekte van argitektuur, wat met ander akademiese velde soos kunsgeskiedenis, kunsestetiek of selfs toerisme oorvleuel (en wat - sou dit as akademiese kursus of lesing aangebied word - die belangstelling van studente in toerisme en kunsgeskiedenis kan wek), in 'n aparte artikel te behandel.
So is daar ook enkele ikoniese argitektoniese kunswerke wat - volgens 'n geniale gedagte - as simbool vir 'n hele stad kan dien die Eiffel-toring, die Brandenburgse Poort). Of 'n silhoeët - soos dié van Johannesburg met die Hillbrow-toring as maklik herkenbare ikoon.
Dan is daar ook die estetiek van kunsmatige ruïnes wat deur adellikes en monarge opgerig is. Groete, Voyageur (kontak) 13:31, 4 September 2020 (UTC)[antwoord]
"Boukuns word ontwikkel as 'n artikel wat op stylperiodes en estetiese aspekte fokus." Dit klink vir my soos argitektuur.
"Argitektuur kan bestudeer word in terme van: ..." Klink vir my soos konstruksie of Konstruksieproses.
Ek verstaan/stem nie saam met jou onderskeiding tussen boukuns en argitektuur nie, maar ek wil nie daaroor baklei nie. Ek het nou my opinie bekend gemaak en ek los dit maar nou. Groete - Rooiratel (kontak) 06:14, 7 September 2020 (UTC)[antwoord]