Bognor Regis

in Wikipedia, die vrye ensiklopedie
Jump to navigation Jump to search
Bognor Regis
Uitsig oor Bognor Regis se hawehoof
Uitsig oor Bognor Regis se hawehoof
Ligging van Bognor Regis op 'n kaart (Engeland)
Bognor Regis
Bognor Regis
Koördinate: 50°47′00″N 0°41′00″W / 50.78333°N 0.68333°W / 50.78333; -0.68333Koördinate: 50°47′00″N 0°41′00″W / 50.78333°N 0.68333°W / 50.78333; -0.68333
Land Vlag van Verenigde Koninkryk Verenigde Koninkryk
Land Vlag van Engeland Engeland
Graafskap Wes-Sussex
Distrik Arun
Administratiewe parogie Bognor Regis
Oppervlak
 - dorp 1,7 vk m (4,41 km²)
Bevolking
 - dorp 24 064
 - Digtheid 14 132,8/myl2 (5 456,7/km²)
Tydsone MGT (UTC+00:00)
 - Somer (DST) BST (UTC+01:00)
Poskodedistrik PO21-22
Skakelkode(s) 01243
Webwerf: Dorpsraad van Bognor Regis

Bognor Regis [ˌbɒɡnər_'riːdʒɨs] is 'n seeoord en civil parish (administratiewe parogie) in die Arun-distrik van die Engelse graafskap Wes-Sussex, sowat 89 km suidwes van Londen, 39 km wes van Brighton en 9 km suidoos van Chichester. Ander nabygeleë nedersettings sluit Littlehampton oos-noordoos van Bognor Regis en Selsey suidwes daarvan in. Twee dorpe in die omgewing, Felpham en Aldwick, is tans voorstede van Bognor Regis, net soos North en South Bersted.

Die gebied van Bognor Regis het eeue lank 'n klein vissersgemeenskap gehuisves. In die laat 18de eeuse Regency-periode het die Londense hoedemaker, politikus en eiendomsontwikkelaar Sir Richard Hotham (1722-1799) met die bou van sy statige woning Hotham House die hupstoot vir die nedersetting se ontwikkeling tot 'n gewilde see- en herstellingsoord gegee. Na bewering het die Engelse skrywer Jane Austen Hotham en sy projek in haar onvoltooide roman Sanditon beskryf.[1]

Bognor se East Parade in die 1890's: Victoriaanse badgaste durf die see in hul strandkarretjies aan

Maar nog tot in die Victoriaanse tydperk was Bognor Regis temidde van 'n onontwikkelde sanderige terrein aan die Engelse suidkus geleë. Eers met die bou van 'n spoorweg tussen die Britse hoofstad en die kusgebied in 1846 deur Brighton and Chichester Railway, later bekend as London Brighton and South Coast Railway, wat ook 'n stasie in Bognor ingesluit het, het die nedersetting begin groei. Victoriaanse persoonlikhede het vervolgens groot vakansiehuise in die omgewing laat oprig.

In 1929 het die raadgewers van koning George V die kusdorp as bestemming vir een van die monarg se herstellingsvakansie gekies. Later is die predikaat Regis of "koninklik" met George V se toestemming by die dorpsnaam gevoeg. In die vroeë 1930's is 'n vermaaklikheidspark en dieretuin in die kusdorp geopen. 'n Vakansiekamp het in 1960 gevolg. Die kamp, waarin oorspronklik chalets aan toeriste verhuur is, is intussen opgegradeer tot 'n hotel met moderne geriewe.

Verwysings[wysig | wysig bron]

  1. A History of the County of Sussex: Volume 4, the Rape of Chichester. London: Victoria County History 1953, bl. 226-227. Gedigitaliseerde teks beskikbaar by: BHO | British History Online: Bognor Regis