Een rooi skuifspeld

Die skuifspeld wat Kyle MacDonald gebruik het om die reeks ruiltransaksies te begin waarmee hy uiteindelik vir 'n huis bekom het.

Een rooi skuifspeld ( Engels: One red paperclip) verwys na 'n webwerf wat geskep is deur die Kanadese blogger Kyle MacDonald, wat in 'n reeks van veertien aanlyn ruiltransaksies oor die loop van 'n jaar gedoen wat met 'n enkele rooi skuifspeld begin het en opgeëindig het met 'n huis. MacDonald is geïnspireer deur die kinderspeletjie Bigger, Better. Sy webwerf het 'n aansienlike aanlein aandag getrek. "Baie mense het al gevra hoe ek soveel publisiteit rondom die projek aangewakker het, en my eenvoudige antwoord is: 'Ek het geen idee nie'", het hy aan die BBC gesê. Die storie het vele nabootsers geïnspireer, wat probeer het om hul pad van 'n skuifspeld (of ander klein items) na iets duurder te verruil, met wisselende mate van sukses.

Ruilhandeltydlyn

Kyle MacDonald se huis.

Hierdie rooi skuifspeld-beeldhouwerk is in 2007 by Bell Park in Kipling geïnstalleer as 'n monument vir die reeks ruiltransaksies wat deur MacDonald gemaak is. Dit was destyds die wêreld se grootste skuifspeld.

MacDonald het sy eerste ruiltransaksie, 'n rooi skuifspeld vir 'n visvormige pen, op 14 Julie 2005 gemaak. Hy het sy doel bereik om met die veertiende transaksie 'n huis te bekom, 'n rolprentrol vir 'n huis te verruil. Hier is die lys van alle transaksies wat MacDonald gemaak het:

1. Op 14 Julie 2005 het hy Vancouver toe gegaan en die skuifspeld vir 'n visvormige pen verruil.
2. Hy het toe dieselfde dag die pen verruil vir 'n handgemaakte deurknop van Seattle, Washington.
3. Op 25 Julie 2005 het hy saam met 'n vriend na Amherst, Massachusetts, gereis om die deurknop vir 'n Coleman-kampstoof (met brandstof) te verruil.
4. Op 24 September 2005 is hy na Kalifornië, en verruil die kampstoof vir 'n Honda kragopwekker.
5. Op 16 November 2005 het hy na Maspeth, Queens, gereis en die kragopwekker verruil vir 'n "kitspartytjie": 'n leë vaatjie, 'n "ek skuld jou" vir die vul van die vaatjie met die bier van die draer se keuse, en 'n neon Budweiser-teken. Dit was sy tweede poging om die ruil te maak; sy eerste het daartoe gelei dat die kragopwekker tydelik deur die New York Stad Brandweer gekonfiskeer is.
6. Op 8 Desember 2005 het hy die "kitspartytjie" aan die Quebec-komediant en radiopersoonlikheid Michel Barrette verruil vir 'n Ski-Doo-sneeubromponie.
7. Binne 'n week daarna het hy die sneeubromponie verruil vir 'n tweepersoon-reis na Yahk, Brits-Columbië, wat vir Februarie 2006 geskeduleer was.
8. Op of omstreeks 7 Januarie 2006 het hy die tweede plek op die Yahk-reis vir 'n ligte vragvoertuig verruil.
9. Op of omstreeks 22 Februarie 2006 het hy die voertuig verruil vir 'n opnamekontrak met Metalworks in Mississauga, Ontario.
10. Op of omstreeks 11 April 2006 het hy die kontrak aan Jody Gnant vir 'n jaar se huur in Phoenix, Arizona, verruil.
11. Op of omstreeks 26 April 2006 het hy die jaar se huur in Phoenix vir een middag met Alice Cooper verhandel.
12. Op of omstreeks 26 Mei 2006 het hy die middag met Cooper verruil vir 'n KISS-gemotoriseerde sneeubol.
13. Op of omstreeks 2 Junie 2006 het hy die sneeubol aan Corbin Bernsen verruil vir 'n rol in die rolprent Donna on Demand.
14. Op of omstreeks 5 Julie 2006 het hy die rolprentrol verruil vir 'n plaashuis met twee verdiepings in Kipling, Saskatchewan.

Sien ook

• Strooimiljoenêr

Addisionele leeswerk

• Macdonald, Kyle (28 Junie 2007). One Red Paperclip: How a Small Piece of Stationery Turned into a Great Big Adventure. Ebury Press. ISBN 978-0-09-191452-3.
• TEDx Talks (2015-11-20), What if you could trade a paperclip for a house? | Kyle MacDonald | TEDxVienna, https://www.youtube.com/watch?v=8s3bdVxuFBs, besoek op 2018-06-26 

Eksterne skakels

• "One Red Paperclip Website" rooi skuifspeld amptelike webwerf.
• Rooi skuifspeld storie op die Kipling, Saskatchewan webwerf.