Eiland Wight

in Wikipedia, die vrye ensiklopedie
Spring na: navigasie, soek
Eiland Wight
Motto: All this beauty is of God
Vlag van die Eiland Wight
Vlag van die Eiland Wight
Status Seremoniële graafskap van Engeland
Streek Suidoos-Engeland
Area in km2 380
Hoofstad Newport
Bevolking 140 000
Parlementslid Andrew Turner
Ligging in Engeland Ligging van die Eiland Wight
Lugfoto van die Eiland Wight.

Die Eiland Wight (Engels: Isle of Wight) is ’n Engelse Kanaaleiland en graafskap sowat 8 km van die suidkus van die vasteland. Dit word van die vasteland geskei deur ’n seestraat genaam die Solent. Die eiland is sedert die Victoriaanse tydperk gewild as vakansiebestemming. Dit is bekend vir sy natuurskoon en seiljagvaart.

Die eiland het ’n ryk geskiedenis, onder andere ’n kort tydperk as ’n onafhanklike koninkryk in die 15de eeu. Dit was die tuiste van die digter Alfred lord Tennyson, en koningin Victoria van die Verenigde Koninkryk het haar geliefde somerwoning, Osborne House, daar laat bou. Sy is op 22 Januarie 1901 daar oorlede.

Klimaat[wysig]

As een van die mees suidelike streke van die Verenigde Koninkryk het die eiland ’n warmer klimaat as die meeste ander dele. Dit het tot gevolg dat dit ’n gewilde toeriste-bestemming is, veral die oorde in die suidooste van die eiland. Dit het ook ’n langer groeiseisoen as die meeste dele van die VK.[1]

Jan Feb Mrt Apr Mei Jun Jul Aug Sep Okt Nov Des
Gem. maksimum (°C) 8 8 10 13 16 19 22 21 19 15 11 9
Gem. minimum (°C) 1 1 2 3 7 9 11 11 9 7 3 2
Gem. (°C) 4 4 6 8 11 14 16 16 14 11 7 5
Gem. reënval (mm) 89 61 66 48 56 53 41 56 66 79 84 89

Grootste dorpe[wysig]

  • Newport, die hoofstad van die Eiland Wight.
  • Ryde, die eiland se tweede grootste dorp met ’n bevolking van sowat 30 000.
  • Cowes, waar die bekende Cowes-week elke jaar plaasvind en ’n gewilde internasionale seiljag-sentrum.
  • Sandown, nog ’n gewilde toeriste-oord oord aan die kus.
  • Shanklin, net suid van Sandown, met sy sanderige strande.

Verwysings[wysig]

Eksterne skakels[wysig]