Ethiopies-Ortodokse Tewahedo-kerk
| Ethiopies-Ortodokse Tewahedo-kerk የኢትዮጵያ ኦርቶዶክስ ተዋሕዶ ቤተ ክርስቲያን | ||
 | ||
| Die Katedraal van die Heilige Drie-eenheid in Addis Abeba, die setel van die Ethiopies-Ortodokse Tewahedo-kerk. | ||
| Stigtingsjaar | 4de eeu Koninkryk Aksum | |
| Stigter | Sint Frumentius, volgens Ethiopies-Ortodokse tradisie | |
| Kerkleiding | ||
| Hoof | Mathias Merkorios | |
| Setel | Addis Abeba | |
| Besonderhede | ||
| Liturgie | Alexandryns | |
| Liturgiese taal | Tigrinja, Amharies, Ge'ez, Oromo | |
| Gelowiges | 36 miljoen[1][2][3][4] | |
| Webtuiste | ||
| ZEOrthodox.org | ||
Die Ethiopies-Ortodokse Tewahedo-kerk (Amharies: የኢትዮጵያ ኦርቶዶክስ ተዋሕዶ ቤተ ክርስቲያን,[5] Yäityop'ya ortodoks täwahedo bétäkrestyan) is die grootste van die oostelike tak van die Oriëntaal-Ortodokse Christelike kerke. Dit is een van die min voorkoloniale kerke in Afrika suid van die Sahara;[6] dit dateer van die 4de eeu en het tans ’n lidmaatskap van sowat 36 miljoen,[1][2] van wie die meeste in Ethiopië woon.[7] Dit is ’n stigterslid van die Wêreldraad van Kerke.[8]
Die kerk is in gemeenskap met die Eritrees-Ortodokse Tewahedo-kerk, die Kopties-Ortodokse Kerk van Alexandrië, die Malankara-Ortodokse Siriese Kerk, die Armeens-Apostoliese Kerk en die Siries-Ortodokse Kerk.
Die kerk het in 1959 outokefaal geword.
Die Ethiopies-Ortodokse Tewahedo-kerk was van die eerste helfte van die 4de eeu administratief deel van die Kopties-Ortodokse Kerk van Alexandrië tot in 1959, toe dit outokefaal geword het, met sy eie patriarg.[9] Dit is een van die oudste Christelike kerke, en Ethiopië is slegs die tweede land (naas Armenië) wat die Christelike geloof as staatsgodsdiens gekies het (in 333 n.C.).
Tewahedo (Ge'ez: ተዋሕዶ) is ’n Ge'ez-woord wat "as een verenig" beteken. Die woord verwys na die Oriëntaal-Ortodokse geloof in miafisitisme, dus "een perfekte, verenigde natuur van Christus" in teenstelling met die geloof in "twee nature van Christus" van die Rooms-Katolieke Kerk, Oosters-Ortodokse Kerk en protestantse kerke.
Dié kerk en die ander Oriëntaal-Ortodokse kerke het juis ná die Konsilie van Chalcedon in 451, waarop besluit is dat Christus twee nature het, afgestig van die destydse Katolieke Kerk van die Romeinse Ryk.[10]
Ortodokse Tewahedo
[wysig | wysig bron]Die Oriëntaal-Ortodokse kerk in Ethiopië was tradisioneel bekend as Ortodokse Tewahedo. Ná Eritrea se onafhanklikwording in 1993 het die Eritrees-Ortodokse Tewahedo-kerk outokefaal geword en amptelik afgestig van die kerk wat sedertdien as die Ethiopies-Ortodokse Tewahedo-kerk bekend staan.[11] Die twee kerke gebruik die grootste Bybel in die Christendom, die Ortodokse Tewahedo-Bybel. Dit bestaan uit 81 boeke.
Verwysings
[wysig | wysig bron]- 1 2 "Orthodox Christianity in the 21st Century". Pew Research Center's Religion & Public Life Project. 8 November 2017.
- 1 2 Federal Democratic Republic of Ethiopia, Population Census Commission (4 Junie 2012). "Summary and Statistical Report of the 2007 Population and Housing Census Results" (PDF). Geargiveer vanaf die oorspronklike (PDF) op 4 Junie 2012.
{{cite journal}}: Cite journal requires|journal=(hulp) - ↑ "Ethiopian Orthodox Tewahedo Church | church, Ethiopia". Encyclopedia Britannica (in Engels).
- ↑ "Ethiopia: An outlier in the Orthodox Christian world". Pew Research Center.
- ↑ Ethiopian Orthodox Tewahedo Church, Addis Ababa. "የኢትዮጵያ ኦርቶዶክስ ተዋሕዶ ቤተ ክርስቲያን". ZEOrthodox.org. Ethiopian Orthodox Tewahedo Church. Besoek op 20 Junie 2021.
- ↑ Harrower, Michael J (Winter 2019). "Beta Samati: discovery and excavation of an Aksumite town" (PDF). Antiquity. 93 (372): 1534–1552. doi:10.15184/aqy.2019.84 – via Cambridge.org.
- ↑ Berhanu Abegaz (2005). "Ethiopia: A Model Nation of Minorities" (besoek op 6 April 2006)
- ↑ "Ethiopian Orthodox Tewahedo Church", World Council of Churches website (besoek op 2 Junie 2009)
- ↑ The Editors of Encyclopaedia Britannica "Ethiopian Orthodox Tewahedo Church". Encyclopædia Britannica. Encyclopædia Britannica.
- ↑ "Catholic Encyclopedia: Henoticon". Newadvent.org. 1 Junie 1910. Besoek op 30 Junie 2013.
- ↑ "The Eritrean Orthodox Church". CNEWA (in American English). Besoek op 8 April 2021.
Skakels
[wysig | wysig bron]
Wikimedia Commons het meer media in die kategorie Ethiopies-Ortodokse Tewahedo-kerk.
Hierdie artikel is in sy geheel of gedeeltelik uit die Engelse Wikipedia vertaal.
