Ferdinand de Lesseps

in Wikipedia, die vrye ensiklopedie
Ferdinand de Lesseps
Gebore
Ferdinand Marie, Vicomte de Lesseps

(1805-11-19)19 November 1805
Sterf7 Desember 1894 (op 89)
NasionaliteitVlag van Frankryk Frankryk
Alma materKollege van Hendrik IV, Parys
Beroepdiplomaat, entrepreneur
Bekend virontwikkelaar van die Suezkanaal
Ouer(s)Mathieu de Lesseps
Catherine de Grévigné

Ferdinand Marie, Vicomte de Lesseps (19 November 18057 Desember 1894) was 'n Franse diplomaat en die dryfveer agter die bou van die Suezkanaal. Hy is gebore in Versailles en het sy opvoeding ondergaan in Parys. Sy eerste werk was as 'n assistent vise-konsulaat in Lissabon vir die Franse Konsulêrediens in 1825 en hy keer terug na Parys in 1827. Die jaar daarna word hy na Tunis gestuur. In 1831 word hy bevorder tot Vise-konsulaat en in 1833 word hy aangestel in Kairo. Hier ontmoet hy vir Mehemet Ali en sy seun Said Pasha. In 1838 word hy na Rotterdam verplaas, in 1839 na Málaga en in 1842 na Barcelona. Hy word bevorder tot Konsul-generaal in 1847 en die volgende jaar word hy aangestel as die Franse minister in Madrid. In 1849 gaan hy na Italië om met die Italiaanse regering diplomatiese betrekking op te bou. Die Franse regering verander egter hulle houding teenoor Italië en De Lesseps word na slegs drie weke teruggeroep na Frankryk waar hy in onguns raak en gevolglik bedank hy uit die Franse regering se diplomatieke diens.

Vir baie jare was De Lesseps geïnteresseerd in 'n projek om die Middellandse See en die Rooisee te verbind. Hy besoek Said Pasha in 1854, wat sy vader Mehemet Ali opgevolg het, en verkry 'n konsessie om met die projek voort te kan gaan. Die Britse regering wou hom nie ondersteun nie en hy vorm 'n Franse maatskappy in 1858. Hulle met die konstruksie aan die kanaal in 1859 begin en het dit voltooi in 1869. Hierna keer hy terug na Frankryk.

In 1879 word hy deur 'n Geografiese Komitee gekies om die maatskappy te bestuur wat die Panamakanaal moet bou. Alhoewel hy reeds 74 jaar oud was, begin hy die projek met oorgawe. Maar as gevolg van sy hardkoppige sienings en die feit dat hy probleme, groter as wat hy op die Suezkanaal ervaar het, ignoreer speel die maatskappy bankrot in 1889. De Lesseps en sy seun Charles word verhoor en gevonnis. Hulle moes 'n boete betaal en tronkstraf uitdien. De Lesseps se tronkstraf word egter opgeskort weens sy slegte gesondheid en hy word toegelaat om sy huis in La Chenaie te woon waar hy later sterf.

Bibliografie[wysig | wysig bron]

  • Collier's Encyclopedia, Crowell-Collier Educational Corporation, Volume 14, Bladsy 520.
  • Swart, Marius J.: Nogtans leiers. Kaapstad: Nasou, 1969.

Eksterne skakels[wysig | wysig bron]