Ford Ranchero

in Wikipedia, die vrye ensiklopedie
Jump to navigation Jump to search
Ford Ranchero
1967 Ford Ranchero.jpg
1967 Ford Fairlane Ranchero
Oorsig
Vervaardiger Ford Motormaatskappy
Ook genoem Ford Falcon Ranchero
Ford Fairlane Ranchero
Produksie 1957–1979
Bakwerk en onderstel
Klas Volgrootte (1957–1959)
Kompak (1960–1965)
Mediumgroot (1966–1979)
Bakstyl Tweedeurkoepeenuts
Uitleg voorenjin, agterwieldryf
Plek in geskiedenis
Variante Ford Fairlane, Ford Falcon
'n Ford XA Falcon (1972/'73), soortgelyk aan die honderde Ranchero's wat woonwaens gesleep het in Suid-Afrika

Die Ford Ranchero was 'n koepeenuts wat tussen 1957 en 1979 geproduseer is. In teenstelling met 'n bakkie, was die Ranchero aangepas van 'n tweedeurstasiewaplatform wat die kajuit en vragbed met die bakwerk geïntegreer het. Altesaam 508 355 eenhede is gedurende die model se produksieloop geproduseer.[1] Dit was aangepas uit volgrootte, kompakte en intermediêre motors wat deur die Ford Motormaatskappy vir die Noord-Amerikaanse mark gebou is.

Gedurende die 1970's is die Ranchero-naam op die Suid-Afrikaanse mark gebruik vir 'n her-embleemde Australiese Ford Falcon-nuts. Hierdie voertuie is in volledig-afgetakelde vorm (CKD) na Suid-Afrika verskeep, en in Port Elizabeth opgebou.[2] In Argentinië was 'n nutsweergawe van die plaaslikvervaardigde Ford Falcon ook bekend as die Ranchero.[3] Die Ford Ranchero het so goed verkoop, dat 'n mededinger uit General Motors se stal ontluik het in 1959, die Chev El Camino.[4]

Verwysings[wysig | wysig bron]

  1. "Ford Ranchero History and Production Figures". Dearborn Classics. Besoek op 30 Oktober 2009.
  2. 1972 Ranchero Bakkie - Australian XA Falcon Ute URL besoek op 8 Mei 2010
  3. "Ford Falcon 1973" (in Spaans). Todo Falcon. Besoek op 16 Oktober 2011.
  4. "Chevrolet El Camino". OldRide.com. Besoek op 16 Oktober 2011.


Hierdie artikel is in sy geheel of gedeeltelik vanuit die Engelse Wikipedia vertaal.