Ford Territory

in Wikipedia, die vrye ensiklopedie
Jump to navigation Jump to search
Ford Territory
2009-2010 Ford Territory (SY II) TX wagon 01.jpg
Oorsig
Vervaardiger Ford Australië
Produksie 2004–2016
Montering Campbellfield, Victoria, Australië
Bakwerk en onderstel
Klas Mediumgroot oorkruis SNV
Bakstyl 5-deur stasiewa
Platform Ford EA169
Spesifikasies
Enjin 4.0 L Ford Barra I6 (petrol)
4.0 L Ford Barra I6 turbo (petrol)
2.7 L Ford Duratorq V6 (turbodiesel)
Ratkas 4-gang outomatiese ratkas (SX; SY RWD)
6-gang ZF 6HP26 outomaties
6-gang (SZ diesel)
Lengte 4856 mm
Breedte 1898 mm
Hoogte 1714 mm
Massa 2015 - 2045 kg
Asafstand 2842 mm
Plek in geskiedenis
Variante Ford Falcon

Die Ford Territory is 'n oorkruissportnutsvoertuig wat deur Ford Australië gebou word van April 2004 tot 2016. Dit is gebaseer op die EA169 platform wat ook deur die 2002 Ford Falcon gebruik word. Die Territory het verskeie motortoekennings verower sedert sy bekendstelling, en is die eerste SNV om die gesogte titel van die Australiese Wheels "Motor van die Jaar" te wen in 2004, danksy sy tipiese sedanhantering en praktiese uitleg.

Beide agterwielaandrywing en veelwieldryfkonfigurasies is beskikbaar in die Australiese mark. 4WD-modelle het 'n opsionele heuweldaalbeheerstelsel, wat met behulp van die teensluitremstelsel die beweging van die motor teen afdraandes beheer.

Tekenend van sy SNV ontwerp, het die Territory vyf (in twee rye) of sewe (in drie rye) sitplekke vir passasiers. Al die sitplekke is in 'n "teaterstyl" gerangskik, met die eerste ry die laagste voor en die laaste ry die hoogste agter. Die middel- en agterrye kan platvou teen die vloer om die beskikbare vragvolume te vergroot.

Ford het die Territory langs die bestaande Falcon-stasiewa bekend gestel, wat albei op dieselfde Broadmeadows monteerlyn gebou is.[1] Ford Australië se senior bestuurders het verwag dat die Falcon wa binnekort gestaak sou word ná die bekendstelling van die Territory. Maar die twee modelle het ​​vir 'n rukkie saam bly verkoop, want die Falcon wa het sy vlootverkoopsbasis behou en die Territory het hom hoofsaaklik op privaatkopers beroep. Die produksie van die Falcon-stasiewa is heelaas in September 2010 gestaak.[2]

Die Territory word in Nieu-Seeland verkoop, en in 2005 is uitvoere na Suid-Afrika en Thailand begin (alhoewel die Thai-reeks beperk was tot die top-in-die-reeks 4WD Ghia en later, die Titaniumspesifikasie). Teen Oktober 2016 het al Ford Australië se produksie gestaak word, insluitend die Territory.[3]

Die polisie in Australië gebruik die Ford Territory as een van hul patrollievoertuie.[4]

Verwysings[wysig | wysig bron]

  1. Maniatis, Peter; Torr, Feann. "Road Test: Ford Territory AWD & RWD". Web Wombat. Besoek op 2011-03-15.
  2. Stanford, James (13 November 2009). "Axe hovers over Falcon wagon". GoAuto. John Mellor. Besoek op 15 Maart 2011.
  3. http://www.caradvice.com.au/232445/ford-australia-to-cease-local-production-in-october-2016/
  4. http://www.news.com.au/national/innocent-mum-killed-in-police-pursuit/story-e6frfkvr-1226325171858


Hierdie artikel is in sy geheel of gedeeltelik vanuit die Engelse Wikipedia vertaal.