Frankfurt (Oder)

in Wikipedia, die vrye ensiklopedie
Jump to navigation Jump to search

Frankfurt (Oder)
01 Luftbild Frankfurt oder Slubice 09072011.jpg

Kaart Euroregion Emblem
Brandenburg FF.svg
Logo der Euroregion PEV.jpg
Wapen
Wappen Frankfurt (Oder).png
 Land Vlag van Duitsland Duitsland
 Deelstaat Flag of Brandenburg.svg Brandenburg
 Koördinate 52°51′N 14°33′O / 52.850°N 14.550°O / 52.850; 14.550
 Stigting 13de eeu
 Oppervlakte:  
 - Totaal 147,61 vk km
 Hoogte bo seevlak 40 m
 Bevolking:  
 - Totaal (31 Desember 2013) 58 018[1]
 - Bevolkingsdigtheid 393/km²
 - Metropolitaanse gebied
 Tydsone UTC +1 (MET)
 - Somertyd UTC +2
 Burgemeester René Wilke
 Amptelike Webwerf frankfurt-oder.de

Frankfurt (Oder) is 'n stad in die deelstaat Brandenburg (Duitsland) met 'n bevolking van meer as 58 000. Die stad lê teen die westelike oewer van die Oderrivier, teenoor die Poolse stad Slubice. Frankfurt (Oder) is die geboortestad van die Duitse digter Heinrich von Kleist (1777-1811) en staan vandag ook bekend vir sy Duits-Poolse universiteit Viadrina.

Geskiedenis[wysig | wysig bron]

Die stad by die kruispunt van belangrike handelsroetes tussen Brandenburg en Pole is in die 13de eeu deur Frankiese nedersetters gestig. In 1253 is aan Frankfurt (Oder) stadstatus en selfregering verleen. Vanaf 1368 was Frankfurt ook 'n lid van die Hanse-bond van Duitse stede (tot 1525). In die 15de eeu het die stad onder die heerskappy van die Keurvorste van Brandenburg gekom. Tydens die Dertigjarige Oorlog van 1618 tot 1648 is Frankfurt twaalf keer geplunder en neergebrand. Teen die einde van die Tweede Wêreldoorlog is die stad tot vesting verklaar en nog 'n keer verwoes.

Tussen 27 Julie 1946 en 3 Mei 1950 was Frankfurt weens sy ligging langs die hoofspoorroete tussen Berlyn en Moskou die aankomspunt vir altesaam 1,2 miljoen Duitse oorlogsgevangenes wat uit die Sowjetunie in 'n verwoeste land teruggekeer het. Ontberings en siektes het hul tol geëis, en een uit nege vrygelatenes het op pad huis toe of in noodhospitale onder die ontberings beswyk.[2]

In die tyd van die Duitse Demokratiese Republiek word Frankfurt in 1952 die hoofstad van die gelyknamige Bezirk en vanaf 1958 die sentrum van die Oos-Duitse halfgeleierbedryf. Tot in die vroeë 1990's was 'n Russiese garnisoen van sowat 25 000 soldate hier gestasioneer. Op 1 November 1989 het sowat 35 000 burgers aan 'n betoging teen die Oos-Duitse regering deelgeneem.

Die Europa-Universität Viadrina[wysig | wysig bron]

Uitsig oor die hoofgebou van die Europa-universiteit Viadrina

Die "Viadrina"-Universiteit van Frankfurt (Oder) is in 1506 gestig. Die naam is 'n kunswoord wat van die Latynse via (weg, pad) en Drina (Oder) afgelei is. Die instelling het bekendheid verwerf deur humanistiese denkers soos Michael Praetorius en Ulrich von Hutten. In 1811 is die besluit geneem om die universiteit na Breslau te verskuif. Ná die Duitse hereniging is die universiteit in 1991 as die Duits-Poolse universiteit Viadrina herstig. Die internasionaliteit van die instelling word deur sy statuut vasgeskryf - 40 persent van sy sowat 4 600 studente moet buitelanders wees, en van hierdie 40 persent moet twee derdes Pole wees.

Verwysings[wysig | wysig bron]

Eksterne skakels[wysig | wysig bron]


Vlag vann Brandenburg Selfregerende stede en distrikte van Brandenburg Wapen van Brandenburg
Selfregerende stedeBrandenburg an der HavelCottbusFrankfurt (Oder)Potsdam
DistrikteBarnimDahme-SpreewaldElbe-ElsterHavellandMärkisch-OderlandOberhavelOberspreewald-LausitzOder-SpreeOstprignitz-RuppinPotsdam-MittelmarkPrignitzSpree-NeißeTeltow-FlämingUckermark