Gasa

in Wikipedia, die vrye ensiklopedie
Hierdie artikel handel oor die Palestynse stad. Vir die Mosambiekse provinsie, sien Gaza.
Gasa

غزة
עזה

Gaza
Gasa in 2007
Gasa in 2007
Gasa is in die Palestynse grondgebiede
Gasa
Gasa
Koördinate: 31°31′0″N 34°27′0″O / 31.51667°N 34.45000°O / 31.51667; 34.45000Koördinate: 31°31′0″N 34°27′0″O / 31.51667°N 34.45000°O / 31.51667; 34.45000
LandVlag van Staat Palestina Palestynse Owerheid
GebiedGasastrook
RegeringGasa
Hoogte
15−18 m (−44 ft)
Bevolking
 • Totaal449 221
Demoniem(e)Gasiet of Gaziet
Webwerfwww.mogaza.org

Gasa of Gaza (Arabies: غزة; Hebreeus: עזה) is die hoofstad van die Gasastrook en die grootste stad in die Staat Palestina. Die stad het 'n bevolking van ongeveer 449 221. Israel is in beheer van die Gasastrook se lugweë en seeroetes.

Geskiedenis[wysig | wysig bron]

Teen 250 n.C. begin Christendom wyd verspreid in Gasa raak. Ná die verdeling van die Romeinse Ryk in die 3de eeu n.C. bly Gasa onder beheer van die Oos-Romeinse Ryk wat later die Bisantynse Ryk word, en 'n Christelike bisdom word in Gasa gestig. Bekering van die inheemse heidene na Christendom versnel tussen 396 en 420 n.C. onder Porfirius van Gasa, wat heidense tempels sloop. In 402 verorden Theodosius II die sloping van al agt van die stad se heidense tempels. Vier jaar later gee keiserin Aelia Eudokia opdrag dat 'n kerk op die bouvalle van die Tempel van Marnas gebou word. Opgrawings dui daarop dat ook 'n sinagoge waarskynlik in die 6de eeu n.C. in Gasa bestaan het.

Gasa word in 634 deur 'n Islamitiese weermag beleër en drie jaar later verower, en die Bisantynse garnisoen in 'n massaslagting uitgewis. Van die kerke word na moskees omgeskakel, waaronder die Groot Moskee van Gasa. 'n Groot deel van die bevolking bekeer hulle spoedig na Islam en die amptelike taal verander na Arabies.